1 Manase ena boliman safuhudohudoꞌi luwaga ya kin be Yelusalem ya ita watan ee–, boliman 50. Tinana hesana mate Hefasiba 2 heyaheyaya ya ginauli Guyau matana yai, na heyaheyaya ni, doha dodoga beyabeyana Kanana yai Guyau ya falakodi Isalaela matadi yai. 3 Yaubada bwalabwaladi aba fadebasaedi lumadi tamana, Hesekaiya ya anfaheyayaidi mate ya ginauli fuyoꞌidi yo galewa kipwaladi hinaga ya fadebasaedi. Antalasam aba gabugabudi katakatandi ya ginaulidi oitau Baꞌala enehena yo Aselaha oitauna duhuna hinaga ya ginauli mate gonogonowana doha Isalaela edi kin, Ahaba ya ginauli. 4 Guyau ena Luma Tabuna ganahewana yai antalasam aba gabugabudi katakatandi yaubada bwalabwala enehedi, ya ginaulidi. In moho Guyau ena Luma Yelusalem yai ni, beyabeyana haꞌa ya libaen iye “Hesagu ainiya haba ya ota.”

5 Guyau ena Luma Tabuna dobidobina luwaga*Isalaela dodogadi gonowana sa lau dobidobi esega lisina yai na dobidobi fafaluwagana hige gonowana ti lau niya. Tau antalasam moho ibodi haba sa lau niya. mate amainiya antalasam aba gabugabudi katakatandi ya ginaulidi, galewa kipwaladi enehedi. 6 Natuna ya antalasamen oyagi alaꞌalana yai. Ayahan ya anpate yo nesu itaꞌita ya fapaisowadi be haba doga ena aba fagiluna be ya fakasa. Dodoga sa anꞌanmasi yo yaluyaluwa†Ginaulidi te lisidi yai Mose ena laugagayo hige ti lau watan. Au itaꞌita lau Diutelonomi 18:14 ya libalibalau lebedi. Heyaya laꞌilaꞌi ya ginauli Guyau matana yai be manana ya fabala. (Diutelonomi 18:11)

10 Guyau ena tau paisowa, yo peloweta moꞌadi yai iyen,

Ena oitau debadi yai Diuda ya foya ponolidi.

12 Debana yai, Isalaela edi Guyau yo edi Yaubada iyen,

16 Oitau fadebasaedi lisidi yai Manase Diuda dodogadi ya foya ponolidi be heyaheyaya sa ginauli Guyau matana yai. Falau maimaitina, Manase tau laulau dudulai ya wunuidi be ꞌwasinadi Yelusalem ya nuhuli, ya leu ee–, dudu, na ya sai ee–, dudu.‡2 Koloniko 33:11-12, Manase dedena hudoꞌi sa dede hinaga, sidohana adi waiyuna Kin Manase sa au be sa lawen Babilon. Amainiya Kin wa, ya nuwa bui, na mulina yai ya fuyoma Diuda dodogadi ya ita watan komakomanidi, Yaubada ya kawawananahaꞌen yo ya famuli watan.

18 Manase ya peꞌi mate Usa gabuna yai sa boꞌusai, kin ena luma loholohona dobidobina yai. Na natuna Amon ya falau damahi.

19 Amon ena boliman 22 ya obiyo kin be Yelusalem ya ita watan boliman luwaga. Tinana hesana Mesulemeta, Halusi natuna na ena nuꞌu Dotiba.§Na nuwana, Dotiba mate Galili Nuꞌuna ganahewana yai.

20 Amon hinaga heyaheyaya ya ginaulidi Guyau matana yai, doha tamana Manase. 21 Tamana ena laulau ya laulauwedi be ya laulauꞌuꞌula lau ena oitau lisidi. 22 Afa wahawahana edi Guyau Yaubada, ya ꞌwaiyoꞌoꞌen. Ena laulau hige i laulawen.

23 Baꞌisa ena tau paisowa lalaꞌi, simosimo yai sa oilibaen bena sa wunui, yo fede, sa wunui ena luma loholohona yai.*Kin ena luma laꞌilaꞌina yo loholohona hesana hesa mate “palesi” alina dimdim yai. 24 Habahim Diuda dodogadi haisa, Baꞌisa Amon tau wunuina sa wunuidi. Na natuna, Diyosaiya sa faꞌobiyo kin, tamana falau damahina.