A Ch'an̈ B'ab'el Libro
CRÓNICAS
A Crónicas syalelc'ochi “yab'ixal eb' vin̈ rey”. A chab' libro Crónicas tic, syalcot tas syal d'a chab' slibro vin̈aj Samuel yed' pax tas tz'ib'ab'ilcan d'a juntzan̈ libro yab'ixal eb' vin̈ rey. Palta man̈ masaniloc tas syal d'a juntzan̈ libro chi' syal pax d'a chab' libro tic. A d'a jun mach tz'ib'jinac jun libro tic te nivan yelc'och yab'ixal vin̈aj rey David, vin̈aj rey Salomón, yab'ixal stemplo Dios yed' yab'ixal tas yopisio eb' sacerdote. Syalanpaxi to a vin̈aj rey David ic'jinaccanel yich yic sb'ochaj stemplo Dios yed' sleyal, vach'chom a vin̈aj Salomón b'oannac.
A vin̈aj Josafat, vin̈aj Ezequías yed' vin̈aj Josías, ch'oxnab'il yaj eb' vin̈, yujto te nivan yelc'och Jehová d'a yol sat eb' vin̈. An̈ej d'a Jehová tz'och eb' vin̈ ejmelal ayic sjavi yaelal d'a scal eb'. Te b'inajnac eb' vin̈ oxvan̈ tic, yujto a eb' vin̈ cuchb'annacxi b'at spensar eb' anima d'a Jehová. Ayic ayoch juntzan̈xo eb' vin̈ rey d'a yopisio, te tzijtum eb' anima tz'och ejmelal d'a juntzan̈ comon dios. A mach tz'ib'jinaccan juntzan̈ tic, sch'oxcaneli to vach'chom te nivan juntzan̈ yaelal ix javi d'a yib'an̈ chon̈ab' Israel yed' d'a yib'an̈ chon̈ab' Judá, palta a Dios naann̈ej strato yac'nac yed' schon̈ab' chi', ix eln̈ejc'och tas nab'il chi' yuuj.
A d'a capítulo 1 masanto d'a 9, syalcot tas yaj stzolal smam yicham junjun macan̈ eb'. A yab'ixal schamel vin̈aj Saúl, syalcot d'a capítulo 10. Axo d'a capítulo 11 masanto d'a 29, syalcot yuj tas ajnac yac'an reyal vin̈aj David. Syalanpaxcot tastac janac d'a yib'an̈ vin̈ yed' tas ajnac yic'an yip yopisio vin̈. Yac'nacvaloch vin̈ d'a sc'ool smolb'ancan tastac c'anchajnac ayic sb'onac stemplo Jehová. Sb'oannaccan slistail eb' b'ojinac templo chi' vin̈. Yac'annaccan masanil juntzan̈ chi' vin̈ ab'enal d'a yol sc'ab' vin̈aj Salomón. A juntzan̈ tic syal d'a capítulo 22 masanto d'a 29.
1
A eb' vin̈ yin̈tilal vin̈aj Adán
(Gn 5.1-32)
1 Aton stzolal1.1A jun stzolal sb'inaj chi' d'a tic yed' d'a juntzan̈xo versículo, a vin̈ b'ab'el sb'inaji a vin̈ smam vin̈ schab'il, axo vin̈ schab'il chi' smam vin̈ yoxil, ichan̈ej chi' masanto d'a vin̈ slajvub' d'a junjun lista. eb' vin̈ yin̈tilal vin̈aj Adán tic: Vin̈aj Set, vin̈aj Enós, 2 vin̈aj Cainán, vin̈aj Mahalaleel, vin̈aj Jared, 3 vin̈aj Enoc, vin̈aj Matusalén, vin̈aj Lamec, 4 vin̈aj Noé.
Eb' yin̈tilal vin̈aj Noé
(Gn 10.1-32)
A eb' vin̈ yuninal vin̈aj Noé: Aton vin̈aj Sem, vin̈aj Cam yed' vin̈aj Jafet.
5 Axo eb' vin̈ yuninal vin̈aj Jafet chi': Vin̈aj Gomer, vin̈aj Magog, vin̈aj Madai, vin̈aj Javán, vin̈aj Tubal, vin̈aj Mesec yed' vin̈aj Tiras. 6 Axo eb' vin̈ yuninal vin̈aj Gomer chi': Vin̈aj Askenaz, vin̈aj Rifat yed' vin̈aj Togarma. 7 Axo eb' vin̈ yuninal vin̈aj Javán chi': Aton vin̈aj Elisa, vin̈aj Tarsis, vin̈aj Quitim yed' vin̈aj Dodanim.
8 Axo eb' vin̈ yuninal vin̈aj Cam: Aton vin̈aj Cus, vin̈aj Mizraim, vin̈aj Fut, vin̈aj Canaán. 9 A eb' vin̈ yuninal vin̈aj Cus chi': Aton vin̈aj Seba, vin̈aj Havila, vin̈aj Sabta, vin̈aj Raama yed' vin̈aj Sabteca. Axo eb' vin̈ yuninal vin̈aj Raama chi': Aton vin̈aj Seba yed' vin̈aj Dedán. 10 A vin̈aj Cus chi', aton vin̈ smam vin̈aj Nimrod. Aton jun vin̈ chi' te nivan ajnac yelc'och d'a yolyib'an̈q'uinal tic yujto te jelan ajnac vin̈ d'a oval.
11 A d'a vin̈aj Mizraim, ata' cotnac eb' ludeo, eb' anameo, eb' lehabita, eb' naftuhítas, 12 eb' patruseo, eb' casluhítas yed' eb' caftoritas. A d'a eb' chi' cotnac yin̈til eb' filisteo.
13 A vin̈aj Sidón, b'ab'el yuninal vin̈aj Canaán. A junxo yuninal vin̈, aton vin̈aj Het. 14 A vin̈aj Canaán chi' ay yin̈tilal eb' jebuseo, eb' amorreo, eb' gergeseo, 15 eb' heveo, eb' araceo, eb' sineo, 16 eb' arvadeo, eb' zemareo yed' eb' hamateo.
17 Axo eb' vin̈ yuninal vin̈aj Sem: Aton vin̈aj Elam, vin̈aj Asur, vin̈aj Arfaxad, vin̈aj Lud yed' vin̈aj Aram. Axo eb' vin̈ yuninal vin̈aj Aram chi': Aton vin̈aj Uz, vin̈aj Hul, vin̈aj Geter yed' vin̈aj Mesec. 18 A vin̈aj Arfaxad chi' smam vin̈aj Sela, axo vin̈aj Sela chi' smam vin̈aj Heber. 19 A vin̈aj Heber chi', chavan̈ yuninal vin̈: A vin̈ b'ab'el scuch Peleg, yujto a d'a stiempoal vin̈ ix pojchajb'at lum luum. Axo junxo vin̈ yuninal vin̈ chi' scuchan Joctán. 20 A eb' vin̈ yuninal vin̈aj Joctán chi': Aton vin̈aj Almodad, vin̈aj Selef, vin̈aj Hazar-mavet, vin̈aj Jera, 21 vin̈aj Adoram, vin̈aj Uzal, vin̈aj Dicla, 22 vin̈aj Ebal, vin̈aj Abimael, vin̈aj Seba, 23 vin̈aj Ofir, vin̈aj Havila yed' vin̈aj Jobab. A masanil eb' vin̈ tic, yuninal eb' vin̈ vin̈aj Joctán.
Eb' vin̈ yin̈tilal vin̈aj Sem
(Gn 11.10-26)
24 Aton sb'i eb' vin̈ yin̈tilal vin̈aj Sem tic d'a stzolal: Vin̈aj Arfaxad, vin̈aj Sela, 25 vin̈aj Heber, vin̈aj Peleg, vin̈aj Reu, 26 vin̈aj Serug, vin̈aj Nacor, vin̈aj Taré, 27 yed' vin̈aj Abram, aton vin̈aj Abraham.
Eb' yin̈tilal vin̈aj Ismael‘R’yed' eb' yin̈tilal ix Cetura
(Gn 25.1-6,12-18)
28 A eb' vin̈ yuninal vin̈aj Abraham: Aton vin̈aj Isaac yed' vin̈aj Ismael. 29 A eb' vin̈ yuninal vin̈aj Ismael: Aton vin̈aj Nebaiot, b'ab'el yuninal, vin̈aj Cedar, vin̈aj Adbeel, vin̈aj Mibsam, 30 vin̈aj Misma, vin̈aj Duma, vin̈aj Massa, vin̈aj Hadad, vin̈aj Tema, 31 vin̈aj Jetur, vin̈aj Nafis yed' vin̈aj Cedema.
32 Axo eb' yune' ix Cetura, schab'il yetb'eyum vin̈aj Abraham chi': Aton vin̈aj Zimram, vin̈aj Jocsán, vin̈aj Medán, vin̈aj Madián, vin̈aj Isbac yed' vin̈aj Súa. Axo eb' vin̈ yuninal vin̈aj Jocsán chi': Aton vin̈aj Seba yed' vin̈aj Dedán. 33 Axo eb' vin̈ yuninal vin̈aj Madián chi': Aton vin̈aj Efa, vin̈aj Efer, vin̈aj Hanoc, vin̈aj Abida yed' vin̈aj Elda. Masanil eb' vin̈ tic, yin̈tilal eb' vin̈ ix Cetura.
Eb' yin̈tilal vin̈aj Esaú
(Gn 36.1-43)
34 A vin̈aj Abraham smam vin̈aj Isaac. Axo eb' vin̈ yuninal vin̈aj Isaac chi', aton vin̈aj Esaú yed' vin̈aj Israel. 35 A eb' vin̈ yuninal vin̈aj Esaú chi': Aton vin̈aj Elifaz, vin̈aj Reuel, vin̈aj Jeús, vin̈aj Jaalam yed' vin̈aj Coré. 36 Axo eb' vin̈ yuninal vin̈aj Elifaz chi': Aton vin̈aj Temán, vin̈aj Omar, vin̈aj Zefo, vin̈aj Gatam, vin̈aj Cenaz yed' vin̈aj Amalec yune' ix Timna. 37 A eb' vin̈ yuninal vin̈aj Reuel chi': Aton vin̈aj Nahat, vin̈aj Zera, vin̈aj Sama yed' vin̈aj Miza.
38 Axo eb' vin̈ yuninal vin̈aj Seir: Aton vin̈aj Lotán, vin̈aj Sobal, vin̈aj Zibeón, vin̈aj Aná, vin̈aj Disón, vin̈aj Ezer yed' vin̈aj Disán. 39 Axo eb' vin̈ yuninal vin̈aj Lotán chi': Aton vin̈aj Hori yed' vin̈aj Homam. A vin̈aj Lotán chi' ay yanab' ix Timna. 40 Axo eb' vin̈ yuninal vin̈aj Sobal chi': Aton vin̈aj Alván, vin̈aj Manahat, vin̈aj Ebal, vin̈aj Sefo yed' vin̈aj Onam. Axo eb' vin̈ yuninal vin̈aj Zibeón chi': Aton vin̈aj Aja yed' vin̈aj Aná. 41 A vin̈aj Aná chi', smam vin̈aj Disón, axo eb' vin̈ yuninal vin̈aj Disón chi': Aton vin̈aj Amram, vin̈aj Esbán, vin̈aj Itrán yed' vin̈aj Querán. 42 A eb' vin̈ yuninal vin̈aj Ezer: Aton vin̈aj Bilhán, vin̈aj Zaaván yed' vin̈aj Jaacán. A eb' vin̈ yuninal vin̈aj Disán chi': Aton vin̈aj Uz yed' vin̈aj Arán.
43 Aton eb' vin̈ tic ix ac'an yajalil d'a Edom ayic mantalaj sreyal eb' israel tz'ochi: A vin̈aj Bela yuninal vin̈aj Beor, Dinaba sb'i schon̈ab' vin̈. 44 Ayic ix cham vin̈aj Bela chi', axo vin̈aj Jobab yuninal vin̈aj Zera, aj chon̈ab' Bosra ix ochcan reyal sq'uexuloc vin̈. 45 Axo yic ix cham vin̈aj Jobab chi', axo vin̈aj Husam ix ochcan reyal sq'uexuloc vin̈. A jun vin̈ chi', a d'a yol yic Temán cajan vin̈. 46 Axo yic ix cham vin̈aj Husam chi', axo vin̈aj Hadad yuninal vin̈aj Bedad aj chon̈ab' Avit ix ochcan reyal sq'uexuloc vin̈. A jun vin̈ chi' ix ac'an ganar vin̈aj Madián d'a ac'lic yic Moab. 47 Ayic ix cham vin̈aj Hadad chi', axo vin̈aj Samla aj chon̈ab' Masreca ix ochcan reyal sq'uexuloc vin̈. 48 Ayic ix cham vin̈aj Samla chi', axo vin̈aj Saúl ix ochcan reyal sq'uexuloc vin̈. Cajan vin̈ d'a chon̈ab' Rehobot d'a sti' a' Éufrates. 49 Ayic ix cham vin̈aj Saúl chi', axo vin̈aj Baal-hanán, yuninal vin̈aj Acbor ix ochcan reyal sq'uexuloc vin̈. 50 Ayic ix cham vin̈aj Baal-hanán chi', axo vin̈aj Hadad aj chon̈ab' Pai ix ochcan reyal sq'uexuloc vin̈. Mehetabel sb'i ix yetb'eyum vin̈, a vin̈aj Matred ay yisil ix, yixchiquin ix vin̈aj Mezaab.
51 Axo yic ix cham vin̈aj Hadad chi', a eb' vin̈ ix och reyal d'a Edom chi': Aton vin̈aj Timna, vin̈aj Alva, vin̈aj Jetet, 52 vin̈aj Aholibama, vin̈aj Ela, vin̈aj Pinón, 53 vin̈aj Cenaz, vin̈aj Temán, vin̈aj Mibzar, 54 vin̈aj Magdiel yed' vin̈aj Iram. Aton juntzan̈ eb' vin̈ tic ix ac'an reyal d'a Edom chi'.
1.11:1 A jun stzolal sb'inaj chi' d'a tic yed' d'a juntzan̈xo versículo, a vin̈ b'ab'el sb'inaji a vin̈ smam vin̈ schab'il, axo vin̈ schab'il chi' smam vin̈ yoxil, ichan̈ej chi' masanto d'a vin̈ slajvub' d'a junjun lista.