Re ruca'n carta re xutak-a re apóstol San Pablo chique re hermanos re jec'o chupan re tenemit Tesalónica
1
Re nabey tak tzij chin re carta re'
1 Yen Pablo je vichibil re hermano Silvano y re hermano Timoteo,✡ 2 Co 1.19. nakatak-a re carta re' chiva yex hermanos re yixc'o pa tenemit Tesalónica, re nimol-ivi' pa rube' re Karta' Dios. Yex re jun ibanon riq'uin re Karta' Dios y re Ajaf Jesucristo.✡ 1 Ts 1.1. 2 Y can-ta q'uiy utzil xtic'ul chiyixnojel riq'uin re Karta' Dios y re Ajaf Jesucristo. Y chuka' re ivánma can-ta otz nuna' roma iniman chic.
Re Dios xque'ruban juzgar re vinak aj-maqui' tak xtipa re Jesucristo
3 Hermanos, nojel tiempo nakatioxij cha re Dios ivoma yex. Y ruc'amon che nakatioxij, roma k'ij-k'ij más ibanom-pa confiar-ivi' riq'uin re Dios,✡ Job 17.9; Sal 84.7. y roma k'ij-k'ij más nijo-ivi'. 4 Y tak yoj yojapon quiq'uin re nic'aj chic hermanos re niquimol-qui' pa rube' re Dios, nakatzijoj✡ 2 Co 7.14. chique che camas yojqui'cot iviq'uin yex, roma camas q'uiy tijoj-pokonal ik'asan✡ 1 Ts 1.3; 2.14. y ronojel icoch'on y c'a ibanon confiar-ivi' riq'uin re Dios. 5 Roma re Dios can choj-va nuban juzgar.✡ Job 8.3. Y mare' ruyi'on ivuchuk'a' chin che yex icoch'on✡ Fil 1.28. re tijoj-pokonal, chin quire' ruc'amon✡ Lc 20.35; Ap 3.4. che yixoc pa ruk'a' re Dios. Xa roma re' tak yex nik'asaj tijoj-pokonal vocame.
6 Y re Dios otz rubiyal nuban. Roma can xtuya' chuka' tijoj-pokonal pa quive' re vinak re ye'bano chiva che nitaj pokan. Can xtuban chuka' chique reje' che niquitaj pokan.✡ Ap 6.10. 7 Y xtuban cha re ivánma che xtixulan✡ Ap 14.13. roma nitaj pokan. Y chuka' xtuban quire' chaka yoj, chupan re k'ij tak xte'c'ulum-pa chila' chicaj re Ajaf Jesús. Tak xte'c'ulum-pa je ruchibil-pa re ángeles yi'on chic-pa poder chique, 8 y pa jun rurep-k'ak'✡ Sal 79.6; He 10.27; Ap 21.8. xtuya' re castigo pa quive' re man xquinimaj-ta-a re Dios y man xquinimaj-ta-a re utzulaj ch'abal chin re Kajaf Jesucristo. 9 Re castigo re xtiya' pa quive' camas rupokonal y chin nojel tiempo. Y man c'a xque'c'ue-ta-apo riq'uin✡ Dt 33.2; Is 2.19. re Ajaf re c'o ruk'ij y ru-poder. Xa xque'lisas-a chire'. 10 Ronojel re' xtibanataj chupan re k'ij tak xtipa re Ajaf. Reja' xtipa roma nrajo' che konojel yoj re yoj richin chic reja' xtakaya' ruk'ij,✡ Sal 89.7. y roma chuka' nrajo' che yoj re kaniman, camas xkojqui'cot tak xtakatz'at ronojel re titzu'un y chuka' ivoma yex re xinimaj re ruch'abal re Dios re xkabij chiva.
11 Mare' nojel tiempo nakaban orar chivij yex, che re ka-Dios xtuban-ta chiva che yixtiquir-ta nic'uaj jun utzulaj c'aslen. Roma jare' re ruc'amon che nakac'uaj konojel re xojvayox roma re Dios chin xojoc richin reja'. Chuka' nakac'utuj cha re Dios che riq'uin re ru-poder xtuban chiva che yixtiquir-ta xtiban ronojel re otz nirayij, y che xquixtiquir-ta xtiq'uis ronojel re samaj re itz'amon roma ibanon confiar-ivi'✡ 1 Ts 1.3. riq'uin re Jesucristo. 12 Quire' nakac'utuj cha re Dios, roma nakajo' che riq'uin-ta re utzulaj c'aslen re nic'uaj yex, xtuc'ul-ta ruk'ij re Kajaf Jesucristo, y reja' xtuya' chuka' ik'ij yex,✡ 1 P 1.7; 4.14. xa roma re utzil re pitinak riq'uin re ka-Dios y re Ajaf Jesucristo.