Re rox carta re xutz'ibaj can re apóstol San Juan
1
Re nabey tak tzij chin re carta re'
Yen Juan, re ec'uay quichin re hermanos, nintz'ibaj-a re carta re' chava rat hermano Gayo. Hch 19.29; 20.4; Ro 16.23; 1 Co 1.14. Roma ataman che katzij che yen can yatinjo-va.
Hermano camas yatinjo', re nu-oración yen cha re Dios ja-ta che rat otz-ta yatbinak riq'uin ronojel, y manak-ta yabil chupan re ac'aslen. C'o-ta jun ac'aslen otz. Can-ta ancha'l yatbinak riq'uin re ac'aslen ac'uan chach re Dios. Y jare' re nibano chua che camas yinqui'cot pa vánma, 2 Jn 4. roma jec'o hermanos re xe'tzijon can chua che can katzij animan re ruch'abal re Dios, y can otz re c'aslen ac'uan. Y ronojel bey tak ninc'axaj che re hermanos re can je ancha'l vajc'ual, 1 Co 4.15; Flm 10. can katzij quiniman re ruch'abal re Dios, camas yinqui'cot pa vánma. Roma can man jun chic re nibano-ta cha re vánma che más-ta niqui'cot.
Re hermano Gayo ye'ruto' re ruvinak
Hermano Gayo, riq'uin re utzil re yatajin chubanic, can nac'ut che can abanon confiar-avi' riq'uin re Dios. Rat can atz'amon quito'ic re hermanos re jec'o pan atenemit, y quire' chuka' naban quiq'uin re hermanos Ga 6.10. re ye'pa naj. Y reje' can xquitzijoj chique re hermanos tak quimalon-qui'. Xquitzijoj che re avánma camas nijovan. Mare' yen ninc'utuj utzil chava che ronojel bey tak ye'k'ax aviq'uin, taya-a re nic'atzin chique. Roma can niquiban re rusamaj re Dios. Reje' ye'biyaj chin niquitzijoj re ruch'abal re Jesucristo chique re vinak re c'amaje-na tiquinimaj, y reje' man chique-ta re vinak re' niquic'utuj-va 1 Co 9.14, 15. che que'quito' riq'uin vay o riq'uin mero. Mare' nic'atzin che ja yoj re yojta'o quichin riq'uin mero o riq'uin vay, riq'uin re' yoj chuka' nakaban re rusamaj re Dios, roma ye'kato-a tak je'binak chutzijosic re katzij ch'abal.
Re ye'ruban re Diótrefes man otz-ta
Yen xintak-yan-a jun carta chique re hermanos re niquimol-qui' pa rube' re Dios chire' pan atenemit. Pero re Diótrefes man xunimaj-ta re ximbij, roma reja' can nuna' che camas ruk'ij y nika chach che rion reja' nic'uan quichin re hermanos. 10 Mare' vo xa xquinapon iviq'uin, xtimbij chiquivach re hermanos re nuban reja', q'uiy cosas ye'rubila' chakij y xa man je katzij-ta. 1 Ti 5.13. Y man xe-ta re' re ye'ruban. Chuka' man ye'ruc'ul-ta re hermanos re ye'k'ax riq'uin. Y man nuya-ta chuka' k'ij chique re nic'aj chic hermanos che ye'quic'ul-ta re ye'bapon quiq'uin. Y vo xa man niquinimaj-ta rutzij, ye'rulisaj-a chiquicojol re hermanos.
Re ruc'aslen re hermano Demetrio camas otz
11 Hermano re camas yatinjo', nimbij chava: Man tatzekelbej re man otz-ta. Xa ja re otz Sal 37.27; Is 1.16, 17; 1 Co 4.16; 11.1; 1 Jn 2.24. jare' re tatzekelbej. Roma re nibano re otz, can c'o chic-apo riq'uin re Dios. 1 Jn 3.6. Jac'a re nibano re man otz-ta, man rutaman-ta rach re Dios.
12 Conojel ye'bin che re ruc'aslen re hermano Demetrio, camas otz. 1 Ti 3.7. Y ja chuka' nakabij yoj. Y yex itaman che yoj man nakatz'uc-ta tzij. Jn 21.24. Reja' can katzij rutzekelben re ruch'abal re Dios.
Ja ruq'uisibal tak ch'abal cha re carta re'
13 C'o q'uiy cosas ninjo' nimbij chava. Pero man ninjo-ta nintz'ibaj más chupan re carta re'. 2 Jn 12. 14 Roma yen ninjo' yinapon-yan aviq'uin 2 Jn 12. y c'ajare' tak xkojch'o chij re'.
15 Y re avánma can-ta otz nuna' roma animan chic re Jesucristo. Re hermanos jec'o vova' niquitak-a ruxnokil-avach. Y rat tabana' utzil taya' ruxnokil-quivach che ja'jun che ja'jun re hermanos re jec'o chire'.

1:1 Hch 19.29; 20.4; Ro 16.23; 1 Co 1.14.

1:3 2 Jn 4.

1:4 1 Co 4.15; Flm 10.

1:5 Ga 6.10.

1:7 1 Co 9.14, 15.

1:10 1 Ti 5.13.

1:11 Sal 37.27; Is 1.16, 17; 1 Co 4.16; 11.1; 1 Jn 2.24.

1:11 1 Jn 3.6.

1:12 1 Ti 3.7.

1:12 Jn 21.24.

1:13 2 Jn 12.

1:14 2 Jn 12.