Re carta re tz'iban can chique re hermanos re nibex Hebreos chique
1
Re Dios xucusaj re Ruc'ajol Jesucristo chin xusekresaj re ruch'abal
1 Ajuer can tiempo, q'uiy bey xch'o re Dios quiq'uin re kavinak xe'c'ue' ajuer can. Y tak xch'o quiq'uin, xe'rucusaj re rusamajela' re xbex profetas chique. Y chin xusekresaj re ruch'abal chique re rusamajela' re', q'uiy formas xucusaj.✡ Nm 12.6. 2 Jac'a chupan re ka-tiempo✡ Ga 4.4. yoj, re Dios can ja re Ruc'ajol Jesucristo xucusaj chin xusekresaj re ruch'abal chakavach. Re Dios pa ruk'a' re Ruc'ajol xujach-va ronojel chin che ja reja' re xoc Rajaf.✡ Sal 2.8. Y chuka' pa ruk'a' reja' xuya-va chin xuban ronojel cosas. 3 Riq'uin re Jesucristo nik'alajin re ruk'ij y ru-poder re Dios. Roma re Jesucristo je junan riq'uin re Dios. Y ja re Jesucristo re ac'ayon chin ronojel, y ja riq'uin ru-poder re ruch'abal re tz'amayon ronojel re c'o. Reja' xcom chin che xuch'aj re kamac, y xc'astaj, c'are' xbetz'uye'✡ Sal 110.1. chila' chicaj pa rajquik'a' re namalaj Dios.
Re Ruc'ajol re Dios c'o más ruk'ij que chiquivach re ángeles
4 Ja re Jesucristo re c'o más ruk'ij que chiquivach re ángeles. Y roma re samaj xuban, re Dios xuya' más ruk'ij. Y chuka' re rube'✡ Fil 2.9. camas-va rajkalen que chach re be'aj ángel, 5 roma re Dios man jun bey rubin cha jun ángel:
Ja rat re yat Nuc'ajol,✡ Sal 2.7. y mare'
ninya' ac'aslen.
Y chuka' man jun bey rubin chij jun ángel:
Ja reja' re Nuc'ajol
y ja yen re Rutota'.✡ 2 S 7.14.
6 Y tak re Dios xutak-pa re Ruc'ajol chach re ruch'ulef, can xk'alajin-va che c'o ruk'ij, roma xubij chique conojel re ru-ángeles:
Tiya' ruk'ij✡ Sal 97.7. re Nuc'ajol.
7 Y chiquij re ángeles xaxe nubij:
Re nu-ángeles camas ye'biyin chubanic re nusamaj,✡ Sal 104.4.
roma nimban chique che je ancha'l cak'ik' y je ancha'l relámpago.
8 Jac'a cha re Ruc'ajol nubij:
Rat yat Dios, can xtaban gobernar chin nojel tiempo,
y choj naban gobernar.✡ Sal 45.6, 7.
9 Can ajovan re choj y can atzelan re etzelal.
Y mare' yen re a-Dios nbanon chava che yaqui'cot✡ Is 61.1, 3. pan avánma.
Yen nbanon chava che más yaqui'cot que chiquivach re nic'aj chic, re nbanon chuka' chique che ye'qui'cot.
10 Y chuka' re Dios xubij cha re Ruc'ajol:
Ajaf, rat xabano re ruch'ulef,
y chuka' re rocaj riq'uin re ak'a' xaban-va.✡ Sal 102.25.
11 Re ruch'ulef y re rocaj xque'q'uis.
Pero rat man jun bey xcaq'uis.
Re ruch'ulef y re rocaj xa can xque'tziakor,
ancha'l nitziakor jun tziak,
12 can xtabotz c'a-a ruchi' y xca'jal-a,
ancha'l tijal jun tziak re man otz-ta chic.
Jac'a rat man jun bey xcajalataj.
Man jun bey xtiq'uis re ac'aslen.
13 Y chuka' re Dios man jun bey xubij cha jun ángel:
Catz'uye' pa vajquik'a',✡ Lc 20.42.
y xque'nya' pan ak'a' re ye'tzelan avichin.✡ Sal 110.1; Mt 22.44; Mr 12.36; Hch 2.34, 35.
14 Re ángeles✡ Gn 28.12; 32.1, 2, 24; Sal 103.20, 21; Lc 1.19, 26; 2.9, 13; Hch 12.7. xa je espíritu y je rusamajela' re Dios. Y ja reje' re ye'tak roma re Dios chin ye'quito' re xque'colotaj chach re quimac.
✡1:1 Nm 12.6.
✡1:2 Ga 4.4.
✡1:2 Sal 2.8.
✡1:3 Sal 110.1.
✡1:4 Fil 2.9.
✡1:5 Sal 2.7.
✡1:5 2 S 7.14.
✡1:6 Sal 97.7.
✡1:7 Sal 104.4.
✡1:8 Sal 45.6, 7.
✡1:9 Is 61.1, 3.
✡1:10 Sal 102.25.
✡1:13 Lc 20.42.
✡1:13 Sal 110.1; Mt 22.44; Mr 12.36; Hch 2.34, 35.
✡1:14 Gn 28.12; 32.1, 2, 24; Sal 103.20, 21; Lc 1.19, 26; 2.9, 13; Hch 12.7.