1 ሄ ጋላስ ላፑን ማጫ አሳቱ እት አቱማዋ ኦይቂደ፥ “ኑን ኑ ቁማ ማና፤ ኑ ማዩዋ ማያና፤ ነ ሱንꬃን ጼሰታና ማላ ኦꬃደ ኑ ካዉሻ ኑፐ ቃራርኪ” ያጊደ ዎሳና።

2 ሄ ጋላስ መꬍና ጎዳ ምꬃ ታሺ ሎአናነ ቦንቼታና፤ እስራኤልያ አሳፐ አቴዳዋንቶ ሄ ጋድያ ካꬃይ ጬቆነ ቦንቹዋ ግዳናዋ። 3 ጽዮነን አትያዋንቱ፥ የሩሳላመን ጋምእያዋንቱ፥ የሩሳላመን ፓጻ ደእያዋንቱና ጻፈትያዋንቱ፥ “ኡንቱንቱ ጌሻቱዋ” ጌተታና። 4 ጎዳይ ጽዮነ ማጫ አሳቱዋ ቅታ ሜጫና፤ ፕርዳ አያናንነ ጹግያ አያናን ሱꬃ ጉስያ ባይዙዋ የሩሳላመፐ እ ጌሻና። 5 መꬍና ጎዳይ ጽዮነ ደርያ ኡባ ቦላነ ያን ሺቅያዋንቱ ቦላ ጋላስ ሻርያነ ጩዋ፥ ቃማ ኤጽያ ታማ ፖኡዋ መꬋና፤ ቦንቹ ኡባ ቦላ ካምያዋ ግዳናዋ። ከሳ 13:21፤ 24:16 6 እ ጋላሳ አዋ ሱሉዋፐ አሽያ ኩዋነ ጎትያፐነ እራፐ ባቃት አትያሳ ግዳናዋ።