4
ጎዳቶ፥ ሂንቴዉካ ቃሲ ሳሎን ጎዳይ ዴዔይሳ ኤሪዲ፥ ሂንቴ ኣይሌታስ ፂሎቴꬃኒኔ ኢሱዋ ኢሱዋፌ ሻኮና ኮሺያባ ኦꬂቴ። ኤፌ 6፡9
ፆሳ ባርኪዲ ጋላቲሼ ቃንፆና ዎሲቴ። ፆሳይ ባ ቃላስ ፔንጌ ዶያና ሜላኔ ታኒ ሄሳ ጋሶን ቃሾን ዴዒያ ኪሪስቶሳ ፁራ ኣዋጃና ሜላ ኑስካ ዎሲቴ። ቃሲ ታካ ቤሴይሳዳ ቃላ ቆንጪሳዳ ኦዳና ሜላ ታው ፆሳ ዎሲቴ።
ኢንጄቲያ ዎዴ ኡባ ጎዔቲሼ ኣማኖና ኣሳ ማታን ጪንጫቴꬃን ዴዒቴ። ኤፌ 5፡16 ሂንቴ ኣሳ ኡባስ ኮሺያ ዛሮ ኢሞ ኤራና ሜላ ሂንቴ ኦዳይ ኡባ ዎዴ ኣꬎ ኬሃቴꬃን ኩሚዳይሳኔ ማፂኔዳ ማልዒያባ ጊዳናው ቤሴስ።
ዉርሴꬃ ሳሮታ
ኑ ሲቆ ኢሻይ ቲኪቆሲ፥ ታራ ኢሲፌ ጎዳ ኦሱዋን ኣይሌ ጊዲዳ፥ ኣማኔቲያ ኦሳንቾይ፥ ታ ዴዑዋባ ሂንቴው ኦዳና። ሃ.ኦ 20፡4፤ 2ፂሞ 4፡12 ኤፌ 6፡21-22 ታኒ ኢያ ሂንቴኮ ኪቲዳይ፥ ኑ ዋኒዲ ዴዒያኮ ሂንቴው ኦዲዲ ሂንቴና ሚንꬄꬃና ሜላሳ። ኣናስሞሲ፥ ኣማኔቲያ ሲቆ ኢሻይ፥ ሂንቴ ባጋይ፥ ኢያራ ሂንቴኮ ቤስ። ኤንቲ ሃይሳን ሃኒያባ ኡባ ሂንቴው ኦዳና። ፊልሞ 10-12
10 ታራ ቃሼቲዳ ኣሪስፂሮኮሲኔ ባርናባሳ ኢሻ ናዓይ ማርቆሲ፥ ሂንቴና ሳሮ ያጎሶና። ታ ሂንቴው ካሴ ኦዲዳይሳዳ ማርቆሲ ሂንቴኮ ቢኮ ኢያ ሞኪቴ። ሃ.ኦ 19፡29፤ 27፡2፤ ፊልሞ 24፤ ሃ.ኦ 12፡12፣ 25፤ 13፡13፤ 15፡37-39 11 ዬሱሳ ጊያ ያስፆሲ ሂንቴና ሳሮ ሳሮ ያጌስ። ፆሳ ካዎቴꬃ ጊሾ ታራ ኦꬂያ ኣሳታ ጊዶፌ ኣይሁዴ ጊዲዳይሳቲ ሃ ሄꬓታ፤ ኤንቲ ታና ዳሮ ሚንꬄꬂዶሶና።
12 ሂንቴ ባጋይ፥ ኪሪስቶስ ዬሱሳ ኣይሌይ፥ ኤጳፊሪ ሂንቴና ሳሮ ሳሮ ያጌስ። ኢ ሂንቴ ፆሳ ሲንꬃን ሚኒዲ ኤቃናዳኔ ፆሳ ሼኒያ ኤሪዲ ፖላና ሜላ ኡባ ዎዴ ፆሳ ሂንቴ ጊሾ ዎሴስ። ቆላ 1፡7፤ ፊልሞ 23 13 ኢ ሂንቴ ጊሾኔ ሎዶቂያኒኔ ሂራፖሊሳ ካታማን ዴዒያ ኣሳ ጊሾ ዳሮ ዳቡሪዳይሳ ታ ማርካታይስ።
14 ኑ ሲቆ ኢሻይ ዶቶሬይ ሉቃሲኔ ዴማሲ፥ ሂንቴና ሳሮ ሳሮ ያጎሶና። 2ፂሞ 4፡10-11፤ ፊልሞ 24 15 ሎዶቂያን ዴዒያ ኑ ኢሻታስ፥ ኒምፋሲኔ ኢ ኬꬃን ሺቂያ ኣሳስ ኑ ሳሮꬁዋ ኦዲቴ።
16 ሃ ዳብዳቢያ ሂንቴ ናባቢዳፔ ጉዬ፥ ሎዶቂያ ዎሳ ኬꬃን ናባቢሲቴ። ሂንቴካ ሎዶቂያ ዎሳ ኬꬃይ ሂንቴው ዬዲያ ዳብዳቢያ ናባቢቴ። 17 ቃሲ ኣርኪጳሳ፥ «ጎዳይ ኔው ኢሚዳ ኦሱዋ ፖላናይሳ ዶጎፓ» ያጊዲ ቆፊሲቴ። ፊልሞ 2
18 ታኒ፥ ጳዉሎሲ፥ ሃ ሳሮꬁዋ ታ ኩሼን ፃፋስ። ታ ቃሹዋ ቆፒቴ።
ፆሳ ኣꬎ ኬሃቴꬃይ ሂንቴራ ጊዶ።

4:1 ኤፌ 6፡9

4:5 ኤፌ 5፡16

4:7 ሃ.ኦ 20፡4፤ 2ፂሞ 4፡12

4:7 ኤፌ 6፡21-22

4:9 ፊልሞ 10-12

4:10 ሃ.ኦ 19፡29፤ 27፡2፤ ፊልሞ 24፤ ሃ.ኦ 12፡12፣ 25፤ 13፡13፤ 15፡37-39

4:12 ቆላ 1፡7፤ ፊልሞ 23

4:14 2ፂሞ 4፡10-11፤ ፊልሞ 24

4:17 ፊልሞ 2