2
Huvixarã Nhanderuete omoĩ va'ekue po'akaa re ijayvua
1 Mba'e re tu yvy regua kuery ipoxypa ri?
Mba'e re tu yvy re ikuai va'e onhembopy'a okuapy ovare e'ỹ va'e re?
2 Mba'eta yvy regua huvixa kuery opu'ã okuapy,
huvixa ikuai va'e Senhor rovai jogueroayvu okuapy,
huvixarã Senhor omoĩ va'ekue rovai guive.* Atos 4.23-28
Ha'e vy aipoe'i:
3 “Nhamondo 'rã ha'e kuery nhanemoxãague,
jajora 'rã nhandepokuaague” he'i okuapy.
4 Ha'e rã yva re oguapy oiny va'e ma opuka 'rã,
Senhor ojojai 'rã ha'e kuery.
5 Ha'e rami vy ipoxya rupi ijayvu ete 'rã ha'e kuery pe.
Opoxya oexa uka vy omondyipa 'rã.
Ha'e vy aipoe'i 'rã:
6 “Xee ma xejeupegua huvixarã amoĩ ae ma
yvyty iky'a e'ỹ va'e Sião áry.”
7 Ha'e rã ha'e va'e ju aipoe'i: “Xee amombe'u 'rã Senhor ijayvuague.
Ha'e aipoe'i xevy: ‘Ndee ma xera'y.
Kova'e ára romoĩ.* Atos 13.33; Hebreus 1.5, 5.5
8 Ejerure ke xevy,
ha'e ramo ndevy guarã xee ame'ẽ 'rã amboae regua kuery,
yvy apy re peve ndepo'aka aguã.
9 Popygua ferro guigua py remopẽ 'rã,
hyru yapo guigua ombovopaa rami 'rã remopẽmba’, he'i va'ekue xevy.”* Apy Ta'y omombe'u Nguu ixupe aipoe'iague (Atos 13.33; Hebreus 1.5, 5.5; Apocalipse 2.26-27, 12.5, 19.11-16).
10 Ha'e nunga rupi huvixa kuery, penheangu ke aỹ,
yvy regua huvixa kuery, pendu ke penemongeta rã.
11 Senhor pe ete ke pendekuai pejererokyjea rupi,
peporaei ixupe peryryipa reve.
12 Peayvua rupi pemboete Ta'y ipoxy e'ỹ aguã,
peikoa gui pekanhy e'ỹ aguã.
Ha'e rami e'ỹ rã are e'ỹ re oexa uka 'rã opoxya.
Ovy'a ete 'rã hexe onhemi va'e kuery ha'e javi.
Ojexavai teĩ Nhanderuete re ojeroviaa re ijayvua
Mboraeirã Davi gua'y Absalão gui ojava jave py ombopara va'ekue (2 Samuel 15.1-30).