1 Gweye Imulungu wa haki yangu,

unidike nahakupula.

Ving'halile mmagazo, gweye kunitaza.

Unyonele bazi na utegeleze kupula kwangu.

2 “Mweye iwanhu, mbaka lini ukulu wangu ogalamuka kinyala?

Mbaka lini monogelwa na ubozi na kulonga uvizi?”

3 Lakini muvijuwe kamba Mndewa Imulungu, kaisagulila iwanhu wake otamanilwa,

Mndewa Imulungu kohulika nahamkema.

4 Gwaeni kwa bwembwe na sikumutende nzambi,

mkale mvisazi venu na mugelegeze mmizoyo yenu.

5 Laveni nhosa zilondigwa,

na mumtamanile Mndewa Imulungu.

6 Wanhu wengi olonga, “Nani yonda yatulagusile ganogile?”

Gweye Mndewa Imulungu utumwemwesele mng'alo wa ikihanga chako.

7 Gweye kuumemeza moyo wangu deng'ho kulu kubanza indiya na divai nyingi iwasengile.

8 Kwa tindiwalo notambalala na kuwasa utulo,

kwavija gweye wiiyeka Mndewa Imulungu konitenda nikale goya.