1 Mndewa Imulungu,

nani yonda yakale mdihema jako?

Nani yonda yakale kulugongo lwako lung'ala?

2 Imunhu yokala bila vitala na yotenda ganogile,

na kolonga ukweli mmoyo wake,

3 imunhu hadetaga wayagwe,

hamtendela gehile miyage,

na hamulonga vihile mbwigake.

4 Imunhu yowabezeli wehile,

ila kowatogola iwanhu omdumba Mndewa Imulungu,

imunhu yovikiza gaja gayaiduwile hata kamba gotenda vinhu vake vipotele.

5 Imunhu hakopesha sente na kulonda yabwezeligwe nyingi,

na imunhu habokela hongo ili yamonele munhu hatendile dihile.

Imunhu yotenda ago gose kosigala siku zose.