1 Toweni madondo, mweye iwanhu wa isi zose,

mtoweleni Imulungu nyangi za deng'ho.

2 Kwavija Mndewa Imulungu yeli Uchanha Ng'hani, kodumbiza,

ayo Mndewa imkulu mwiisi yose.

3 Kawanamiza iwanhu wa isi ziyagwe hasi yetu,

wanhu wa isi ziyagwe wa hasi ya magulu getu.

4 Katusagulila uhazi wetu mbuli yetu,

uli deng'ho da Yakobo, yomnogela.

5 Imulungu kakwela uchanha hagati ya nyangi za deng'ho,

Mndewa Imulungu kahagati ya sauti za mhalati.

6 Mwimbileni Imulungu nyila za kumtogola,

imbeni nhogolwa,

mwimbileni nhogolwa Mndewa wetu,

imbeni nhogolwa.

7 Kwavija Imulungu ayo Mndewa wa isi yose,

mwimbileni zabuli za nhogolwa.

8 Imulungu kotawala iwanhu wa isi zose,

Imulungu kakala uchanha ya kigoda chake cha undewa king'ala.

9 Ivilongozi wa iwanhu wa isi waiting'hana,

wailumba na iwanhu wa Imulungu wa Abulahamu,

kwavija wandewa wa mwiisi mwenyego Imulungu,

heyo kenuligwa ng'hani.