54
ZABULI YA 54
(Kwa kilanja, yatumie nyuzi za bango. Zabuli ya Daudi mbuli ya kipindi Wazifu viwamcholele Sauli na kumulongela kamba Daudi kaifisa kumwao.)*Lola kitabu cha 1 Samweli 23:15-24, 26:1-5.
1 Gweye Imulungu, nikombole kwa twaga jako,
unilekese kwa nguvu zako.
2 Gweye Imulungu, tegeleza kupula kwangu,
uhulike mbuli zinilonga.
3 Wanhu baki onivamila,
wanhu wasede ozahila ugima wangu,
iwanhu hawamgesa Imulungu.
4 Lakini Imulungu ayo yonitaza,
Mndewa ayo yougoga ugima wangu.
5 Heyo kowabwezela gehile iwanhu onihila niye.
Kwa kutamanilwa kwako gweye Imulungu uwabanange.
6 Nokulavila nhosa za kulonda mwenyego,
Go Mndewa Imulungu, noditogola twaga jako kwavija dinoga.
7 Kwavija kanikombola kulawa mmagazo gangu gose,
meso gangu gona kuhumwa kwa iwanhu onihila.