67
ZABULI YA 67
(Lwila na Zabuli kwa kilanja, yatumie nyuzi za bango.)
1 Imulungu yatonele bazi na yatutendele ganogile,
yatumwemwesele umulenge wa ikihanga chake.
2 Nzila zako zijuwigwe mwiisi yose,
na ukombola wako hagati ya iwanhu wa isi zose.
3 Leka iwanhu wakutogole gweye Imulungu,
leka iwanhu wakutogole gweye.
4 Leka iwanhu wa isi zose wakwimbile kwa deng'ho,
kwavija kowatagusa iwanhu kwa haki,
na kowalongoza iwanhu mwiisi yose.
5 Leka iwanhu wakutogole gweye Imulungu,
leka iwanhu wakutogole gweye.
6 Isi ilela ng'hani ndiya,
leka Imulungu, Imulungu wetu yatutende tumwede.
7 Imulungu yatutende tumwede,
na wanhu wose wa mwiisi wamdumbe heyo.