70
ZABULI YA 70
(Kwa kilanja, Zabuli ya Daudi kopula yakumbukigwe na Imulungu.)
1 Gweye Imulungu ulopole kunikombola,
gweye Mndewa Imulungu wize unitaze.
2 Wose olonda ugima wangu,
wagwe kinyala na wapate lukwale,
wose olonda gehile gamhate,
wabwele kuchugu na wagwe kinyala.
3 Waja onibeza, “Amweye! Amweye!”
wabwele kuchugu mbuli ya kinyala chao.
4 Lakini wose okuzahila gweye wadeng'helele,
na kusekelela kumwako.
Wose ounogela ukombola wako walonge,
“Imulungu yatogolwe!”
5 Lakini niye na mkiwa na ngaengae,
gweye Imulungu wize himahima kumwangu.
Gweye ayo unitazaga na mkombola wangu,
gweye Mndewa Imulungu, sikuukawe.