1 Mndewa Imulungu yatogolwe!

Mtogoleni Mndewa Imulungu,

mweye iwasang'hanaji zake,

ditogoleni twaga da Mndewa Imulungu.

2 Twaga da Mndewa Imulungu ditogolwe,

sambi na milele.

3 Kulawa kudilawa zuwa mbaka kudiswela,

twaga da Mndewa Imulungu ditogolwe!

4 Kotawala uchanha ya iwanhu wa isi zose,

ukulu wake uvika uchanha kuulanga.

5 Nani kamba Mndewa Imulungu, Imulungu wetu?

Heyo kakala uchanha kuulanga,

6 kolola hasi yalole ulanga na isi.

7 Komwinula mkiwa kulawa mmitimbwisi,

na komkweza ngaengae kulawa mdizalala.

8 Komwika hamoja na iwakulu,

hamoja na iwakulu wa wanhu zake.

9 Komgwaa deng'ho mtwanzi mgumba mng'anda yake,

komsekeza kwa kumgwaa wana.

Mndewa Imulungu yatogolwe.