1 Mzimbwega mbwega za vizanda va Babeli tukala,

tulila vituikumbuke Sayuni.

2 Mmibiki ya isi ija,

tutumbika mabango getu.

3 Kwavija awo watugogile, watulonda tuwembile lwila,

awo otudeta watulonda tuwembile lwila lwa deng'ho,

walonga, “Twimbileni lwila lumoja mzinyila za Sayuni.”

4 Tokwimbaze nyila za Mndewa Imulungu,

kuno twa mwiisi baki?

5 Gweye Yelusalemu nahakusemwa gweye,

mkono wangu wa ukudila unyale.

6 Lulimi lwangu luilumbe na mulomo wangu wa uchanha,

kamba sikukumbuka gweye,

kamba sikutenda gweye Yelusalemu deng'ho jangu kulu.

7 Go Mndewa Imulungu, sambi uisemwe kiwatendile Waedomu,

siku dija Yelusalemu viisoligwe,

kumbuka kiwalongile,

“Dibomoleni buga da Yelusalemu,

mbaka kuna ichandusilo chake!”

8 Gweye Babeli, utagusigwe na kubanangwa,

komweda munhu yonda yakulihe gehile gako gaututendele siye.

9 Komweda munhu ija yonda yawasole wanago,

na kuwahonda honda uchanha ya dibwe.