7
1 2 3 4 5 6 7 8 9
Din Naipadto Ay Maipanggep En Immanuel
(7:10-17)
Sin timpo ay nanturayan Ari Ahaz ed Juda, nantotolag da Ari Rezin ed Syria en Ari Peka ed Israel ay en mangobat sin siyodad ay Jerusalem. Inbaan Diyos si Isaias ta ena papigsaen di nemnem Ari Ahaz. Kanana en adi koma madanagan ono emegyat mo adi et ipapasnek na koma ay mantalek en Diyos, tan adi matongpal din planon di dowa ay ari ay sana. Mo maipanggep abe sin nasyon ay Israel, dadlon maabak sin oneg di enemapolo ya lima ay tawen. (7:1-9)
10 Wada kasin di inpaammon Diyos en Ahaz ay kanana, 11 “Mankedaw ka en Yahweh ay Diyos mo si pangilasinan ay temet-ewa din inkarin Diyos. Mabalin ay olay sino di kedawem ay sinyal, olay mapo ed dallem ay kad-an di natey ono mapod langit.”
12 Ngem kanan Ahaz, “Aga, sigaak ay mamadas en Diyos.”
13 Pag kanan Isaias en da Ahaz, “Dengngen yo ay polin David: Ay adi kayo pay laeng mapnek sin pamadpadasan yo si anos di ipogaw? Ay olay si Diyos ay pansilsilbiak yan padasen yo din anos na sin panigaan yo ay mankedaw? 14 Isonga din Apo ay mismo di mangidawat si sinyal. Mawad-an din balasang*Din kanana sin Hebreo et balasang. Din kanana abe sin Griego (LXX) ay inbagan Mateo sin Mateo 1:23 et balasang ay magay nangiwgiwit, tan sin pannemnem di Judio, basta balasang yan laydena ay kalien en magay nangiwgiwit. et man-anak si lalaki ay ngadananas Immanuel. 15 Mo madakdake ya enggay ammo na di am-amagena, gatas ya anig di kanena. 16 Adi pay laeng domteng di ay timpo yan enggay magay man-ili sin iturayan di dowa ay ari ay egyatan yo. 17 Ipalak-am Diyos di palalo ay ligat en sik-a, sin ipogaw mo ya sin intiro ay pamilyam, tan ibaa na din arin di Assyria. Din ligat ay nay yan nakarkaro mo din amin ay napasamak manipod sin naisianan di Israel ed Juda.” 18 19 20 21 22 23 24 25
*7:14 Din kanana sin Hebreo et balasang. Din kanana abe sin Griego (LXX) ay inbagan Mateo sin Mateo 1:23 et balasang ay magay nangiwgiwit, tan sin pannemnem di Judio, basta balasang yan laydena ay kalien en magay nangiwgiwit.