1 CHRONICLES
Tahi Beebaa Kronikel
Di haga modongoohia:
Tahi Beebaa Kronikel mo Di Lua Beebaa Kronikel, e helekai labelaa nia hangaahai ala guu hihi labelaa gi lodo Tahi Beebaa Samuel mo Di Lua Beebaa Samuel, ngaadahi mo Tahi Beebaa King mo Di Lua Beebaa King, guu hihi mai i tuai hagadilinga maanadu. Nia beebaa e lua aanei guu lawa di hihi bolo e haga modongoohia nia hadinga e lua:
1) E dahi bolo gi modongoohia mai di hai a Dimaadua dana hai dela e daahi hua dana hagababa ang gi digau Israel mo dono haga gila dono manawa ang gi ginaadou, ma e aha maa nia guongo o Israel mo Judah guu noho i lodo di haingadaa, ge e haadanga balua huoloo. Tangada hihi o nia beebaa e lua aanei e haga langahia mai nia hangahaihai hagalabagau o David mo Solomon, mo nia hai hegau haga hoou ala ne hai go nia king go Jehoshaphat mo Hezekiah mo Josiah, mo di hai o digau Israel ala nogo manawa dahi gi Dimaadua.
2) E haga modongoohia aga taamada o taumaha ang gi Dimaadua i lodo di Hale Daumaha i Jerusalem, gei e donu go nia haga nohonoho o nia gau hai hegau dabu mono gau Levi, ala ne haga donudonu di hai daumaha deelaa. David e haga modongoohia bolo ma go mee dela ne daamada di Hale Daumaha mo nia hegau dabu, ma e aha maa go Solomon dela ne haga duu di hale deelaa.
Di hagahonu di beebaa deenei:
Di hagatau o nia hagadili mo nadau ingoo (1.1—9.44)
Di made o Saul (10.1-14)
Di madagoaa di king go David (11.1—29.30)
a. Nia haingadaa mo nia mee ne kila (11.1—22.1)
b. Hagatogomaalia gi di hau di Hale Daumaha (22.2—29.30)
1
Mai Adam gaa dau gi Abraham
(Genesis 5.1-32; 10.1-32; 11.10-26)
Adam go tamana o Seth, Seth go tamana o Enosh, Enosh go tamana o Canaan. Canaan go tamana o Mahalalel, Mahalalel go tamana o Jared. Jared go tamana o Enoch, dela nogo hai tamana o Methuselah. Methuselah go tamana o Lamech, dela nogo hai tamana o Noah. Noah ana dama daane dogodolu go Shem, Ham, mo Japheth.
Nia dama daane a Japheth go Gomer, Magog, Madai, Javan, Tubal, Meshech mo Tiras la go nia maadua mmaadua o nia daangada ala nogo daahi nia ingoo digaula. Nia hagadili o Gomer la go digau Ashkenaz, Riphath mo Togarmah. Nia hagadili o Javan la go digau Elishah, Spain, Cyprus mo Rhodes.
Nia dama daane a Ham go Cush, Egypt, Libya mo Canaan, la go nia maadua mmaadua o nia daangada ala e daahi nia ingoo digaula. Nia hagadili o Cush la go digau Seba, Havilah, Sabtah, Raamah mo Sabteca. Nia hagadili o Raamah la aalaa go digau Sheba mo Dedan. 10 Cush dana dama daane dono ingoo go Nimrod, dela ne gila gaa hai tangada dauwa kaedahi mugi nua o henuailala. 11 Nia hagadili o Egypt la go digau Lydia, Anam, Lehab, Naphtuh, 12 Pathrus, Casluh mo Crete. Digau Philistia ne hagadili mai i digau Crete. 13 Nia dama daane a Canaan go Sidon, di ulumadua, mo Heth, nia maadua mmaadua o nia daangada ala e daahi nia ingoo meemaa. 14 Canaan la tamana madua labelaa o digau Jebus, digau Amor, digau Girgash, 15 digau Hivite, digau Arkite, digau Sinite, 16 digau Arvad, digau Zemar mo digau Hamath.
17 Nia dama daane a Shem la go Elam, Asshur, Arpachshad, Lud, Aram, Uz, Hul, Gether mo Meshek. Aalaa go nia maadua mmaadua o nia daangada ala e daahi nia ingoo digaula. 18 Arpachshad la go tamana o Shelah go tamana o Eber. 19 Eber ana dama daane dogolua: di ulumadua dono ingoo go Peleg* Di ingoo Peleg i nnelekai Hebrew le e hai dono lee be telekai “waewae”, idimaa i di madagoaa nogo mouli iei mee, nia daangada henuailala gu waewae; di tama dela i golo dono ingoo go Joktan. 20 Nia hagadili o Joktan la aalaa go digau Almodad, Sheleph, Hazarmaveth, Jerah, 21 Hadoram, Uzal, Diklah, 22 Ebal, Abimael, Sheba, 23 Ophir, Havilah, mo Jobab.
24 Di hagatau gi muli di madahaanau mai i Shem gaa dau gi Abram le e hagatau beenei: Shem, Arpachshad, Shelah, 25 Eber, Peleg, Reu, 26 Serug, Nahor, Terah, 27 mo Abram (e haga ingoo labelaa bolo Abraham).
Nia hagadili o Ishmael
(Genesis 25.12-16)
28 Abraham ana dama daane dogolua go Isaac mo Ishmael. 29 Nia dama daane a Ishmael guu hai nia dagi o nia hagadili adu dangada e madangaholu maa lua: Nebaioth go di ulumadua, Kedar, Adbeel, Mibsam, 30 Mishma, Dumah, Massa, Hadad, Tema, 31 Jetur, Naphish, mo Kedemah.
32 Abraham gu iai dono lodo hege labelaa dono ingoo go Keturah, dela ne hai ana dama daane dogoono gi mee go Zimran, Jokshan, Medan, Midian, Ishbak mo Shuah. Jokshan ana dama daane dogolua go Sheba mo Dedan. 33 Midian ana dama daane dogolima go Ephah, Epher, Hanoch, Abida mo Eldaah.
Nia hagadili o Esau
(Genesis 36.1-19)
34 Tama daane Abraham go Isaac ana dama daane dogolua go Esau mo Jacob. 35 Nia dama daane a Esau la go Eliphaz, Reuel, Jeush, Jalam mo Korah. 36 Eliphaz guu hai tamana madua o nia hagabuulinga adu dangada aanei: go Teman, Omar, Zephi, Gatam, Kenaz, Timna mo Amalek. 37 Reuel guu hai tamana madua o nia hagabuulinga adu dangada o Nahath, Zerah, Shammah, mo Mizzah.
Digau matagidagi o Edom
(Genesis 36.1-19)
38-42 Digau matagidagi o Edom la ne hagadili mai nia dama daane a Seir aanei:
Lotan, dela go tamana madua o nia madahaanau llauehe o Hori mo Homam. (Lotan dono duaahina ahina dono ingoo go Timna.)
Shobal, dela go tamana madua o nia madahaanau llauehe o Alvan, Manahath, Ebal, Shephi, mo Onam.
Zibeon, ana dama daane dogolua go Aiah mo Anah. Anah la go tamana o Dishon, gei Dishon la go tamana madua o nia madahaanau llauehe o Hamran, Eshban, Ithran mo Cheran.
Ezer, dela go tamana madua o nia madahaanau llauehe o Bilhan, Zaavan, mo Jaakan.
Dishan, dela go tamana madua o nia madahaanau llauehe o Uz mo Aran.
Nia king o Edom
(Genesis 36.31-43)
43-50 Nia king aanei nogo dagi tenua go Edom, nogo hagadau nia daangada gi muli i lodo di madagoaa nogo nia king i Israel ai:
Bela go tama daane a Beor mai Dinhabah,
Jobab go tama daane a Zerah mai Bozrah,
Husham go tangada mai tenua Teman,
Hadad go tama ni Bedad mai Avith (mee gu maaloo i digau Midian i tauwa ne hai i Moab),
Samlah go tangada mai Masrekah,
Shaul go tangada mai Rehoboth i taalinga di monowai,
Baal-Hanan go tama daane a Achbor,
Hadad go tangada mai Pau (dono lodo go Mehetabel, tama ahina ni Matred, dono damana madua go Mezahab).
51 Nia daangada o Edom gu waewae guu hai nia hagabuulinga dangada aanei: Timna, Alvah, Jetheth, 52 Oholibamah, Elah, Pinon, 53 Kenaz, Teman, Mibzar, 54 Magdiel, mo Iram.

*1.19: Di ingoo Peleg i nnelekai Hebrew le e hai dono lee be telekai “waewae”