ᤐᤠᤘᤗᤖᤧ ᤁᤥᤖᤴᤌᤡᤜᤠ᤹ ᤜᤠᤰᤋᤢᤛᤡᤒᤠ ᤌᤡᤰᤛᤡᤃᤣ᤺ᤰᤐᤠ ᤛᤰᤀᤡᤱᤄᤱ
ᤏᤡ᤺ᤛᤢᤶ
ᤐᤠᤘᤗᤖᤧ ᤁᤥᤖᤴᤌᤡ ᤕᤧᤰᤕᤰᤁᤥᤒᤠ ᤛᤣᤛᤣᤜᤢᤵᤗᤰᤁᤥ ᤁᤧᤘᤠ᤹ᤒᤠ ᤏᤛᤠᤏᤡᤒᤠᤜᤠ᤹ ᤜᤠᤰᤋᤢᤛᤡᤒᤠ ᤁᤴ ᤌᤡᤰᤛᤡᤃᤣ᤺ᤰᤐᤠ ᤛᤰᤀᤡᤱᤄᤱᤗᤥ॥ ᤐᤠᤘᤗᤖᤧ ᤁᤴ ᤕᤧᤰᤕᤰᤁᤥ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤢᤀᤠᤱ ᤛᤣᤛᤣᤜᤢᤵᤗᤰᤁᤡᤴ ᤜᤣ᤺ᤰᤋᤢᤀᤠᤱ ᤘᤕᤧ॥ ᤂᤧᤴ ᤕᤧᤶᤔᤥ ᤁᤥᤖᤴᤌᤡ ᤕᤧᤰᤕᤰᤁᤡᤴ ᤕᤖᤡᤰ ᤗᤠᤈᤣ᤹ᤜᤠ᤹ᤏᤢ ᤋᤱᤈᤢ ᤁᤧᤃᤵᤐᤠ ᤃᤪᤡᤰᤜᤠ᤹ᤖᤧ ᤂᤢᤏᤡ᤹ ᤕᤧᤰᤕᤰ ᤘᤕᤧ॥ ᤁᤴ ᤕᤧᤰᤕᤰᤁᤡᤴ ᤗᤧᤱᤜᤱᤅᤥ ᤏᤢ ᤛᤠᤰᤌᤡᤶᤔᤥ ᤁᤢᤔᤡᤱ ᤁᤧᤛᤧᤒᤠ ᤆᤥᤃᤧ. ᤜᤧᤰᤁᤩᤠᤱ ᤂᤧᤵᤔᤥ ᤁᤧᤘᤠ᤹ᤒᤠ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤑᤧᤴ ᤕᤠ᤺ᤶᤒᤰᤜᤠ᤹ ᤏᤢ ᤏᤠᤏᤠ ᤐᤖᤡᤰᤗᤧᤴ ᤛᤠᤶᤕᤥᤜᤠ᤹ ᤁᤠᤰ ᤐᤡᤛᤠᤱ ᤀᤡᤅᤧᤀᤠᤱ ᤘᤕᤧᤖᤥ॥
ᤁᤥᤖᤴᤌᤡᤒᤠ ᤛᤣᤛᤣᤜᤢᤵᤗᤰᤐᤠ ᤁᤧᤛᤠᤰᤐᤠ ᤐᤠ᤺ᤴᤜᤠ᤹ᤀᤥ ᤂᤧᤔᤠ᤹. ᤋᤠᤵᤑᤧ᤺ᤶᤒᤠ ᤕᤧᤵᤗᤧᤰᤜᤠ᤹. ᤕᤠᤶᤒᤥ᤺ᤵᤔᤠ ᤏᤢ ᤔᤣ᤺ᤰᤂᤡᤶᤗᤧ ᤐᤠ᤺ᤴᤜᤠ᤹. ᤂᤠᤛᤡᤱᤗᤧ ᤐᤠ᤺ᤴᤜᤠ᤹. ᤛᤣᤛᤣᤜᤢᤵᤗᤰᤐᤠ ᤌᤡᤶ. ᤛᤣᤛᤣᤔᤠᤱ ᤐᤷᤎᤠ᤺ᤶ ᤏᤢ ᤛᤡ᤺ᤔᤠᤀᤠᤱ ᤕᤠᤶᤔᤥ ᤜᤡᤱᤔᤠᤖᤧ ᤐᤠ᤺ᤴᤜᤠ᤹ ᤘᤕᤧᤖᤥ॥ ᤐᤠᤘᤗᤖᤧ ᤁᤴ ᤐᤠ᤺ᤴᤜᤠ᤹ᤖᤧ ᤁᤢᤕᤠ᤺ᤶᤒᤣᤀᤥ ᤕᤖᤡᤰ ᤀᤡ᤺ᤳᤇᤡᤱᤛᤠᤶ ᤏᤢ ᤏᤧᤜᤡᤏᤡᤱᤘᤠ᤹ ᤁᤳᤋᤢᤒᤠᤸᤗᤧ ᤆᤥᤃᤢᤸᤗᤧ ᤏᤢ᤺ᤖᤡᤰᤁᤠᤱ ᤐᤥᤎᤰᤋᤢᤛᤡᤖᤥ॥
ᤌᤡᤰ-ᤛᤢᤶ (᥇᥉) ᤏᤠ᤺ᤳᤗᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ ᤐᤡᤖᤢᤛᤡᤒᤠ ᤐᤷᤎᤠ᤺ᤶᤜᤠ᤹ᤀᤥ ᤔᤡ᤺ᤶᤈᤡᤴ ᤁᤧᤖᤧᤰᤏᤢ᤺ᤸᤗᤧ ᤏᤢ᤺ᤒᤠ ᤆᤥ᤺ᤰ ᤗ᤹ᤖᤡᤰ ᤛᤠᤵᤋᤢᤀᤠᤱ ᤐᤳ. ᤜᤧᤰᤁᤩᤠᤱ ᤁᤴ ᤛᤰᤀᤡᤱᤄᤱᤅᤥ ᤁᤴ (᥇᥉) ᤏᤠ᤺ᤳᤗᤠ᤺ᤴ ᤁᤧᤖᤧᤰᤏᤢ᤺ᤸᤗᤧ ᤁᤧᤀᤡᤱᤒᤠ ᤆᤥ᤺ᤰᤗᤥ॥
ᤌᤠᤔᤡᤱ
ᤏᤡ᤺ᤛᤢᤶ ᥇.᥇-᥏
ᤛᤣᤛᤣᤜᤢᤵᤗᤰᤁᤥ ᤕᤧᤔᤧᤴᤍᤱ ᥇.᥇᥆-᥊.᥈᥇
ᤔᤧᤴᤇᤢᤔᤠ᤹ ᤕᤧᤶᤒᤡᤳᤇᤠ᤹ᤖᤧ ᤁᤠ᤹ᤀᤡ ᤏᤢ ᤜᤡᤶᤛᤕᤱ ᥋.᥇-᥍.᥊᥆
ᤂᤪᤡᤛ᤻ᤋᤠᤏᤡᤜᤠ᤹ ᤏᤢ ᤏᤠᤘᤠᤀᤡᤳᤗᤠ ᤛᤣᤘᤠ ᤁᤧᤔᤧᤵᤐᤠᤜᤠ᤹ ᥎.᥇-᥇᥇.᥇
ᤛᤣᤛᤣᤜᤢᤵᤗᤰᤐᤠ ᤜᤡᤱᤔᤴ ᤏᤢ ᤔᤠᤱᤅᤥ ᤛᤣᤘᤠ ᤆᤥ᤺ᤰᤔᤠ ᥇᥇.᥈-᥇᥊.᥊᥆
ᤂᤪᤡᤛ᤻ᤋ ᤜᤧᤰᤁᤩᤠᤱ ᤏᤛᤠᤏᤡᤒᤠᤜᤠ᤹ ᤛᤡ᤺ᤔᤠᤀᤠᤱ ᤕᤠᤶᤔᤥ ᤜᤡᤱᤔᤠ ᤐᤠ᤺ᤴ ᥇᥋.᥇-᥋᥎
ᤕᤜᤢᤍᤡᤕᤠᤒᤠ ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤡ᤹ ᤗᤠᤃᤡ ᤁᤢᤓᤠ᤹ ᤕᤠᤱ ᥇᥌.᥇-᥊
ᤜᤡᤶᤔᤥᤒᤠ ᤐᤠ᤺ᤴ ᤏᤢ ᤁᤢᤏᤢᤵᤔᤠ ᥇᥌.᥋-᥈᥊
1
ᤐᤠᤘᤗᤗᤠᤶᤒᤠ ᤛᤣᤘᤠ
ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ᤗᤠᤶᤒᤠ ᤂᤪᤡᤛ᤻ᤋ ᤕᤧᤛᤢᤖᤧ ᤁᤢᤛᤣ᤺ᤰᤕᤢᤰᤔᤡᤒᤠ ᤐᤥ᤺ᤱᤛᤧ ᤛᤣᤃᤠᤱᤒᤠ ᤀᤡᤱᤃᤠ᤹ ᤐᤠᤘᤗ ᤏᤢ ᤀᤠᤏᤡ᤹ ᤏᤢᤛᤠ᤹ ᤛᤥᤛ᤻ᤌᤧᤏᤣᤛᤗᤠᤶᤒᤠ* ᤛᤥᤛ᤻ᤌᤧᤏᤣᤛ–ᤂᤢᤏᤧ᤹ ᤁᤥᤖᤴᤌᤡᤀᤥ ᤕᤜᤢᤍᤡᤜᤠ᤹ᤖᤧᤴ ᤗᤳᤇᤠ ᤗᤠᤶᤗᤥ᤺ᤒᤠ ᤘᤕᤧ॥ ᤂᤢᤏᤧ᤹ ᤐᤠᤘᤗᤗᤠᤶᤒᤠ ᤛᤢᤏᤠᤀᤡᤱ ᤂᤧᤵᤛᤢᤀᤠᤱ ᤏᤛᤠ᤺ᤴᤏᤡᤒᤠ ᤐᤥ᤺ᤰᤂᤧᤀᤠᤱ ᤘᤕᤧ॥ ᤁᤴ ᤛᤰᤀᤡᤱᤄᤱᤅᤡᤱ ᤁᤥᤖᤴᤌᤡ* ᤁᤥᤖᤴᤌᤡ ᤕᤧᤰᤕᤰᤁᤡᤴ ᤃᤪᤡᤛ ᤗᤠᤈᤣ᤹ᤀᤥᤒᤠ ᤗᤳᤇᤠ ᤁᤧᤕᤧᤰᤐᤠ ᤕᤧᤰᤕᤰ ᤏᤧᤛ᤻ᤛᤧ॥ ᤐᤠᤘᤗᤖᤧ ᤁᤴ ᤕᤧᤰᤕᤰᤁᤥ ᤋᤃᤡᤀᤠᤱ ᤛᤢᤏᤠᤀᤡᤱ ᤋᤠᤖᤢᤀᤠᤱ ᤘᤕᤧ॥ ᤕᤧᤰᤕᤰᤁᤥ ᤁᤧᤏᤧᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣᤜᤢᤵᤗᤰᤁᤥᤒᤠ ᤛᤣᤛᤣ ᤁᤢᤔᤏᤠᤜᤠ᤹ ᤜᤠᤰᤁᤠᤛᤡᤃᤧᤖᤥ॥ ᤂᤢᤏᤧ᤹ ᤂᤪᤡᤛ᤻ᤋ ᤕᤧᤛᤢᤗᤠᤶ ᤁᤧᤖᤧᤰ ᤐᤡᤛᤠᤱ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤔᤡᤱ ᤁᤧᤗᤥ᤺ᤱᤒᤠᤜᤠ᤹ ᤛᤣᤛᤣ ᤆᤥᤃᤢᤛᤡᤒᤠ ᤜᤧᤰᤁᤣᤀᤣ ᤂᤡᤏᤡ᤹ ᤛᤣᤛᤣ ᤁᤧᤈᤥᤃᤡᤒᤠᤖᤥ॥ ᤂᤪᤡᤛ᤻ᤋᤧᤱᤃ ᤂᤧᤱᤜᤠ᤹ᤖᤧᤴ ᤏᤢ ᤀᤠᤏᤡ᤹ ᤍᤠᤱᤒᤠᤖᤥ॥
ᤀᤠᤏᤡ᤹ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤜᤧᤰᤁᤩᤠᤱ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤗᤢᤱᤃᤢᤶ ᤏᤢ ᤛᤏᤠᤖᤢᤱᤅᤡᤴ ᤂᤡᤏᤡ᤹ ᤁᤧᤒᤡᤖᤡᤖ॥
ᤐᤠᤘᤗᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤖᤢ᤹
ᤂᤪᤡᤛ᤻ᤋ ᤕᤧᤛᤢᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤒᤡᤖᤡᤒᤠ ᤗᤢᤱᤃᤢᤶᤔᤡᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤛᤍᤠᤍᤡᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤂᤡᤏᤡ᤹ ᤗᤠᤃᤡ ᤏᤥᤃᤧᤴ ᤐᤡᤖᤢᤱᤗᤥ॥ ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋᤧᤴᤏᤢ ᤛᤥᤖᤡᤰ ᤂᤡᤏᤡ᤹ᤃ ᤐᤠ᤺ᤴ ᤐᤠ᤺ᤵᤔᤠ ᤔᤢᤰᤛᤠᤶ ᤏᤢ ᤏᤧᤜᤡᤏᤡᤱᤘᤠ᤹ ᤁᤧᤃᤵᤐᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥ ᤜᤧᤰᤁᤣᤗ᤹ᤖᤡᤰᤁᤣ ᤂᤪᤡᤛ᤻ᤋᤖᤧ ᤁᤢᤕᤠ᤺ᤶᤒᤣᤀᤥ ᤀᤠᤏᤡᤃᤧ ᤐᤠ᤺ᤳᤋᤢᤶᤒᤧᤒᤠ ᤐᤠ᤺ᤴᤜᤠ᤹ ᤂᤡᤏᤡ᤹ᤀᤥ ᤛᤧᤰᤂᤠᤀᤣ ᤁᤢᤒᤢᤱ ᤕᤢᤱᤛᤡᤱᤅᤠᤱ ᤘᤠ᤹ᤖᤥ. ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤏᤢ᤺ᤱᤔᤠ ᤕᤢ᤺ᤔᤠ ᤕᤧᤶᤔᤡᤴ ᤁᤧᤜᤠᤱᤄᤢᤶᤔᤡᤸᤗᤧ ᤆᤠᤜᤠᤒᤠ ᤁᤧᤈᤥᤃᤡᤒᤠ ᤁᤧᤖᤧᤰ ᤕᤠᤶᤛᤠᤶᤃᤧᤴ ᤐᤷᤎᤠ᤺ᤶᤔᤡᤴ ᤂᤡᤏᤡ᤹ ᤁᤧᤃᤳᤋᤢᤶᤗᤥ॥ ᤂᤢᤏᤧ᤹ᤀᤣ ᤁᤢᤏᤢᤵᤔᤥ ᤌᤠᤖᤡᤰ ᤏᤛᤠ᤺ᤴᤏᤥ ᤌᤎᤵ ᤔᤧᤸᤗ᤹ᤀᤣ ᤁᤧᤃᤳᤋᤡ᤹. ᤜᤧᤰᤁᤣ᤺ᤸᤗᤧ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤧᤸᤗᤧ ᤁᤢᤏᤢ᤺ᤱᤔᤠ ᤕᤢ᤺ᤔᤠ ᤕᤧᤴᤏᤥ ᤀᤠᤳᤋᤡᤸᤗᤧᤀᤠᤱ ᤂᤡᤏᤡ᤹ ᤐᤠ᤺ᤴᤎᤡᤰᤔᤠ ᤁᤧᤴᤇᤢᤰᤋᤡᤴᤗᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴᤛᤠᤒᤠ ᤆᤥ᤺ᤰᤗᤥ. ᤜᤧᤰᤁᤩᤠᤱ ᤂᤢᤏᤧ᤹ᤀᤣ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ ᤕᤧᤛᤢ ᤂᤪᤡᤛ᤻ᤋ ᤀᤠᤏᤡ᤹ ᤍᤠᤱᤒᤠᤴᤏᤢ ᤛᤣᤛᤣ ᤋᤱᤈᤢᤶᤔᤥ ᤂᤡᤏᤡ᤹ ᤁᤧᤀᤢ᤺ᤳᤋᤡᤀᤠᤱ ᤁᤧᤘᤕᤡ᤹ᤖᤥ॥
ᤛᤣᤛᤣᤜᤢᤵᤗᤰᤁᤥ ᤕᤧᤔᤧᤴᤍᤱ
10 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤗᤢᤶᤔᤥ ᤛᤧᤶᤔᤠ ᤔᤧᤒᤥ᤺ᤱᤏᤧᤴᤗ ᤁᤖ ᤋᤅᤧᤶᤔᤧ᤹ᤀᤠᤱ ᤘᤕᤧᤶᤔᤧ᤹ ᤑᤠ᤹ᤀᤠᤱ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤔᤡᤱᤅᤥ ᤐᤣᤗᤡ ᤑᤠᤰᤏᤡᤱᤗᤥ॥ ᤜᤧᤰᤁᤩᤠᤱ ᤂᤡᤏᤡ᤹ ᤏᤡᤱᤘᤠ᤹ ᤏᤢ ᤏᤡᤱᤘᤠ᤹ ᤀᤡ᤺ᤵᤔᤠᤀᤥᤀᤠᤱ ᤌᤡᤰᤜᤢᤵ ᤐᤥ᤺ᤰᤂᤧᤶᤔᤧ᤹ᤀᤥ॥ 11 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤗᤢᤶᤔᤥ ᤂᤧᤔᤠ᤹ ᤐᤥᤃᤧᤀᤠᤱ ᤘᤠ᤹ ᤑᤠ᤹ᤀᤠᤱ ᤰᤗᤥᤀᤣᤖᤧ ᤁᤢᤜᤡᤶᤛᤕᤱᤅᤥᤒᤠ ᤁᤢᤓᤠᤖᤧ ᤀᤡᤱᤃᤠ᤹ ᤔᤧᤈᤧᤰᤋᤠᤱᤅᤠᤱ ᤘᤠ᤹ᤖᤥ॥ 12 ᤀᤠᤸᤗ ᤀᤡᤱᤃᤠ᤹ ᤀᤠᤒᤠ᤺ᤵᤔᤠ ᤐᤠ᤺ᤴᤏᤡᤴ ᤀᤰᤋᤱᤒᤠ ᤘᤠ᤹­­–ᤂᤡᤏᤡ᤹ ᤗᤢᤶᤔᤥ ᤁᤢᤓᤠᤖᤧ ᤐᤠᤘᤗᤧᤴ ᤀᤡᤱᤃᤠ᤹ ᤋᤡᤶᤍᤢᤱ. ᤁᤢᤓᤠᤖᤧ ᤀᤵᤐᤥᤗᤥᤛᤧᤴ* ᤀᤵᤐᤥᤗᤥᤛᤧᤴ ᤁᤥᤖᤴᤌᤡ ᤕᤧᤰᤕᤰᤁᤥ ᤛᤢᤏᤠᤀᤡᤱ ᤁᤧᤛᤧᤒᤠ ᤘᤕᤧ (ᤛᤣ᤺ᤰᤕᤢᤰᤔᤡᤒᤠ ᥇᥎.᥈᥊–᥈᥎. ᥇᥏.᥇)॥ ᤋᤡᤶᤍᤢᤱ. ᤘᤣ᤹ᤀᤡᤸᤗᤧ ᤐᤋᤪᤢᤛᤧᤴ* ᤐᤋᤪᤢᤛ–ᤀᤖᤠᤔᤡᤁ ᤐᤠ᤺ᤴᤍᤠᤱᤅᤥ ᤁᤧᤑᤠᤛ ᤐᤥ᤺ᤱ ᤋᤡᤶᤍᤢᤱ. ᤀᤠᤸᤗᤛᤠᤱ ᤘᤣ᤹ᤛ᤻ᤔᤠᤸᤗᤧ ᤂᤪᤡᤛ᤻ᤋᤧᤴ ᤋᤡᤶᤍᤢᤱ ᤗ᤹ᤖᤡᤰ ᤂᤡᤏᤡ᤹ ᤁᤧᤒᤠ᤺ᤳᤋᤢᤶᤔᤢ᥄ 13 ᤌᤣ. ᤂᤪᤡᤛ᤻ᤋᤧᤴ ᤜᤠᤛᤡᤱᤅᤠᤱ ᤘᤠ᤹ᤒᤡ᥅ ᤐᤠᤘᤗᤧᤴ ᤂᤡᤏᤡ᤹ᤗᤠᤃᤡ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤑᤥ᤺ᤴᤇᤡᤱᤅᤠᤱ ᤘᤠ᤹ᤒᤡ᥅ ᤂᤡᤏᤡ᤹ᤀᤥ ᤀᤠᤳᤋᤡᤴᤜᤠ᤹ ᤐᤠᤘᤗᤖᤧ ᤁᤢᤔᤡᤱᤅᤥ ᤒᤵᤋᤡᤛ᤻ᤔᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤒᤣ᥅ 14 ᤀᤡᤱᤃᤠ᤹ ᤁᤪᤡᤛ᤻ᤐᤛ ᤏᤢ ᤃᤠᤕᤛᤧᤴᤗᤰ ᤒᤵᤋᤡᤛ᤻ᤔᤠ ᤐᤡᤖᤢᤱᤛᤡᤱ ᤁᤖ ᤘᤣ᤹ ᤀᤠᤳᤋᤡᤴᤏᤠᤱ ᤒᤵᤋᤡᤛ᤻ᤔᤠ ᤔᤧᤶᤒᤡᤀᤣ ᤘᤠ᤹ᤀᤠᤒᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤖᤢᤱᤗᤥ॥ 15 ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤐᤠᤘᤗᤖᤧ ᤁᤢᤔᤡᤱᤅᤥ ᤒᤵᤋᤡᤛ᤻ᤔᤠ ᤐᤥ᤺ᤰᤂᤡᤃᤧ ᤗ᤹ᤖᤡᤰ ᤐᤠ᤺ᤵᤔᤠ ᤁᤧᤱᤄᤥ᤺ᤛᤢᤶᤔᤡᤴᤗᤥ॥ 16 (ᤀᤥᤘᤠ. ᤀᤡᤱᤃᤠ᤹ ᤛ᤻ᤋᤡᤑᤏᤛᤖᤧ ᤁᤢᤜᤡᤶᤛᤕᤱᤒᤠᤜᤠ᤹ᤀᤠᤱ ᤒᤵᤋᤡᤛ᤻ᤔᤠ ᤐᤡᤖᤢᤱᤛᤡᤱ. ᤜᤧᤰᤁᤩᤠᤱ ᤘᤣ᤹ᤜᤠ᤹ᤀᤠᤱ ᤐᤡᤖᤢᤱᤛᤡᤱᤒᤡ ᤔᤧ᤺ᤶᤒᤡ ᤂᤧᤱᤃ ᤀᤡᤱᤃᤠ᤹ ᤀᤠᤏᤡᤱᤘᤠ᤹ ᤔᤧᤕᤠᤰᤏᤧᤴᤗᤥ॥) 17 ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋᤖᤧ ᤀᤡᤱᤃᤠ᤹ ᤒᤵᤋᤡᤛ᤻ᤔᤠ ᤐᤡᤛᤧ ᤐᤠᤱᤄᤠᤱᤒᤠ ᤔᤧ᤺ᤴᤗᤥ ᤁᤖ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤧᤏᤧ ᤐᤠᤱᤄᤠᤱᤒᤠᤖᤥ॥ ᤂᤧᤴᤏᤠᤱ ᤔᤧᤴᤇᤠᤶ ᤕᤠᤵᤔᤡ ᤛᤡᤰᤁᤢᤶ ᤏᤡᤱᤘᤠ᤹ᤀᤥᤒᤠ ᤐᤠ᤺ᤴᤛᤢᤳᤗᤠᤜᤠ᤹ᤀᤥᤃ ᤔᤧ᤺ᤴᤗᤥ. ᤔᤧ᤺ᤴᤏᤧ ᤑᤠ᤹ᤃᤪ ᤂᤪᤡᤛ᤻ᤋᤖᤧ ᤁᤢᤛᤡᤗᤠᤶᤛᤠᤰᤔᤠ ᤛᤡᤱᤅᤡᤴ ᤔᤢᤰᤛᤠᤶ ᤔᤧ᤺ᤴᤏᤣᤒᤠ ᤐᤥ᤺ᤱᤗᤥ॥
ᤂᤪᤡᤛ᤻ᤋᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶ ᤏᤢ ᤁᤢᤛᤡᤰᤁᤢᤶ ᤏᤡᤱᤘᤠ᤹
18 ᤛᤡᤗᤠᤶᤛᤠᤰᤔᤠ ᤛᤡᤱᤅᤡᤸᤗᤧᤴ ᤛᤢᤏᤠᤀᤡᤱᤅᤡᤱᤃ ᤁᤧᤔᤧᤰᤐᤠᤖ ᤁᤧᤒᤣ᤺ᤰᤐᤠᤜᤠ᤹ᤖᤧ ᤂᤢᤏᤡ᤹ ᤗᤠᤃᤡ ᤀᤍᤱ ᤐᤠ᤺ᤴᤗᤥ. ᤁᤖ ᤀᤠᤏᤡ᤹ ᤛᤧᤴᤗᤵ ᤁᤧᤄᤥ᤺ᤒᤠᤖ ᤁᤧᤒᤵᤐᤠᤜᤠ᤹ᤖᤧ ᤗᤠᤃᤡᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤥ॥ 19 ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ.
“ᤀᤡᤱᤃᤠ᤹ ᤛᤡᤰᤁᤢᤶᤍᤠᤱᤒᤠᤜᤠ᤹ᤖᤧ ᤂᤢᤏᤡ᤹ ᤛᤡᤰᤁᤢᤶ ᤏᤡᤱᤘᤠ᤹ᤀᤡᤴ ᤔᤧᤰᤂᤢᤱ. ᤜᤧᤰᤁᤩᤠᤱ ᤆᤠ᤺ᤵᤐᤠᤜᤠ᤹ᤖᤧ ᤂᤢᤏᤡ᤹ ᤆᤠ᤺ᤵᤔᤠᤴ ᤁᤢᤛᤢᤶᤔᤧᤴᤍᤶᤔᤏᤠ ᤆᤥᤃᤢᤱᤗᤥ॥”* ᤕᤛᤤᤕᤠ ᥈᥏.᥇᥊
20 ᤛᤡᤰᤁᤢᤶᤍᤠᤱᤒᤠᤜᤠ᤹. ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ ᤏᤢ ᤛᤠᤶᤈᤡᤰ ᤔᤢᤴᤎᤢᤶᤛᤠᤒᤠᤜᤠ᤹ ᤀᤠᤳᤋᤥ ᤔᤧᤘᤠ᤹ᤒᤣ᥅ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤛᤡᤰᤁᤢᤶ ᤏᤡᤱᤘᤠ᤹ᤜᤠ᤹ ᤀᤍᤱ ᤁᤢᤀᤡᤛᤡ᤺ᤰ ᤆᤥᤃᤢᤀᤠᤱ ᤔᤧᤘᤠ᤹ᤏᤧᤴᤒᤡ᥅ 21 ᤀᤠᤒᤠᤅᤣ ᤛᤡᤰᤁᤢᤶ ᤏᤡᤱᤘᤠ᤹ᤗᤠᤶᤒᤠ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤂᤢᤏᤧ᤹ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤡᤰᤁᤢᤶ ᤏᤡᤱᤘᤠ᤹ᤀᤥ ᤏᤡᤱᤛᤣ᤺ᤰ ᤆᤥᤃᤢᤒᤠᤸᤗᤧ ᤆᤥᤃᤢᤸᤗᤧ ᤀᤡᤱᤓᤥ᤺ᤔᤏᤠᤒᤠ ᤀᤍᤱ ᤐᤠ᤺ᤴᤏᤥᤗᤠᤶᤒᤠᤀᤣ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ ᤋᤠᤱᤛᤧ᤺ᤵᤔᤠᤛᤡ ᤏᤡᤱᤘᤠ᤹ ᤆᤥᤃᤢᤖᤥ॥ 22 ᤕᤜᤢᤍᤡᤜᤠ᤹ᤖᤧ ᤏᤡᤱᤘᤠ᤹ ᤁᤧᤔᤠᤒᤠ ᤔᤡᤰᤛᤣ᤺ᤴ ᤀᤥᤔᤧᤵᤔᤠ ᤔᤧᤃᤥ᤺ᤳᤋᤢ᤹. ᤜᤧᤰᤁᤩᤠᤱ ᤃᤪᤡᤰᤜᤠ᤹ᤖᤧ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ ᤔᤧᤃᤥ᤺ᤳᤋᤢ᤹. 23 ᤁᤖ ᤀᤠᤏᤡᤃᤧᤃ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤔᤧᤓᤥ᤺ᤴᤍᤢᤒᤠ ᤂᤪᤡᤛ᤻ᤋᤧᤴᤏᤣ ᤀᤡᤱᤓᤥ᤺ᤛᤢᤶᤒᤧᤖᤥ॥ ᤂᤧᤱᤃ ᤕᤜᤢᤍᤡᤜᤠ᤹ᤖᤧ ᤗᤠᤃᤡ ᤀᤠᤄᤄᤒᤠ ᤐᤠ᤺ᤴ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤗᤠᤃᤡ ᤀᤍᤱ ᤐᤠ᤺ᤴᤗᤥ. 24 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤢ᤺ᤳᤋᤢᤛᤡᤒᤠ ᤏᤧᤵᤔᤠᤱ ᤕᤜᤢᤍᤡ ᤏᤢ ᤃᤪᤡᤁ ᤛᤢᤘᤠᤱᤜᤠ᤹ᤖᤧ ᤗᤠᤃᤡ ᤂᤪᤡᤛ᤻ᤋᤧᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶ ᤏᤢ ᤁᤢᤛᤡᤰᤁᤢᤶ ᤏᤡᤱᤘᤠ᤹ᤖᤥ॥ 25 ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤍᤱ ᤐᤠ᤺ᤴᤏᤡᤱᤃ ᤔᤧᤴᤇᤠᤶ ᤕᤠᤵᤔᤡ ᤛᤡᤰᤁᤢᤶ ᤏᤡᤱᤘᤠ᤹ᤏᤢ᤺ᤸᤗᤧᤀᤠᤱ ᤛᤡᤰᤁᤢᤶᤒᤠ ᤆᤥ᤺ᤰᤗᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤴᤎᤢᤶᤔᤏᤠᤒᤠ ᤁᤢᤒᤠ᤺ᤴᤏᤡᤱᤃ ᤔᤧᤴᤇᤠᤶ ᤕᤠᤵᤔᤡ ᤌᤢᤶᤔᤡᤴᤏᤢ᤺ᤸᤗᤧᤀᤠᤱ ᤁᤧᤎᤢᤶᤒᤠ ᤆᤥ᤺ᤰᤗᤥ॥
26 ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤁᤧᤀᤢ᤺ᤳᤋᤡᤸᤗᤧ ᤀᤠᤰᤋᤱᤒᤠ ᤁᤧᤈᤥᤃᤡ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤁᤧᤶᤏᤡ᤺ᤛᤡᤸᤗᤧ ᤂᤡᤏᤡ᤹ ᤕᤖᤡᤰᤋᤱᤒᤠ ᤛᤡᤰᤁᤢᤶ ᤏᤡᤱᤘᤠ᤹ᤛᤠᤒᤠ ᤁᤧᤜᤥ᤺ᤵᤋᤡᤖᤥ॥ ᤂᤡᤏᤡ᤹ ᤕᤖᤡᤰᤋᤱᤒᤠ ᤔᤢᤰᤛᤠᤶᤛᤠᤒᤠ ᤏᤢ ᤁᤧᤃᤵᤐᤠ ᤜᤡᤶᤛᤕᤱᤅᤥᤒᤠ ᤁᤧᤜᤥ᤺ᤵᤋᤡᤖᤥ॥ 27 ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤛᤡᤰᤁᤢᤶᤍᤠᤱᤒᤠ ᤆᤥᤃᤡᤃᤧ᤹ ᤁᤧᤗ᤹ᤒᤠᤜᤠ᤹ ᤛᤡᤖᤡᤱ ᤔ᤺ᤔᤥ ᤌᤠᤔᤠᤛᤡ ᤑᤠ᤹ᤀᤠᤱ ᤀᤍᤱ ᤔᤧᤔᤧᤳᤋᤢᤛᤡᤒᤠᤜᤠ᤹ ᤛᤣᤃᤢᤛᤡᤖᤥ॥ ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤀᤠᤏᤡᤃᤧ ᤁᤧᤎᤢᤶᤒᤠ ᤔᤢᤰᤛᤠᤶᤍᤠᤱᤒᤠ ᤗ᤹ᤖᤡᤰ ᤁᤧᤀᤡ᤺ᤵᤐᤠᤜᤠ᤹ ᤛᤡᤖᤡᤱ ᤔ᤺ᤔᤥ ᤌᤠᤔᤠᤛᤡ ᤑᤠ᤹ᤀᤠᤱ ᤔᤧᤴᤎᤢᤶᤔᤏᤠᤒᤠ ᤔᤧᤔᤧᤳᤋᤢᤛᤡᤒᤠᤜᤠ᤹ ᤛᤣᤃᤢᤛᤡᤖᤥ॥ 28 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤕᤧᤰᤐᤠᤛᤡᤃᤧ ᤗ᤹ᤖᤡᤰ ᤁᤧᤀᤡ᤺ᤵᤐᤠᤜᤠ᤹ ᤌᤣᤏᤠᤎᤣᤒᤠ ᤆᤥ᤺ᤰᤛᤧ ᤜᤡᤗᤠᤵᤑᤢ ᤁᤧᤒᤥ᤺ᤱᤒᤠᤜᤠ᤹ ᤜᤧᤰᤁᤩᤠᤱ ᤁᤢᤔᤧᤸᤗᤢᤱ ᤔᤧ᤺ᤴᤏᤣᤒᤠ ᤏᤢ ᤜᤏᤧᤒᤠ ᤔᤧᤔᤧᤳᤋᤢᤛᤡᤒᤠᤜᤠ᤹ ᤛᤣᤃᤢᤛᤡᤖᤥ॥ 29 ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤳᤋᤡᤴᤏᤠᤱ ᤀᤠᤱᤍᤡᤱ ᤔᤧᤗ᤹ᤏᤧᤴᤗᤖᤥ॥
30 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢᤸᤗᤧᤀᤣ ᤂᤡᤏᤡ᤹ ᤂᤪᤡᤛ᤻ᤋ ᤕᤧᤛᤢᤀᤥ ᤁᤧᤘᤕᤡ᤹ᤖᤥ॥ ᤂᤢᤏᤧ᤹ᤀᤣ ᤀᤠᤏᤡ᤹ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤗᤠᤶᤒᤠ ᤛᤡᤰᤁᤢᤶ ᤏᤡᤱᤘᤠ᤹ ᤐᤥ᤺ᤰᤂᤧᤀᤠᤱ ᤘᤠ᤹॥ ᤂᤢᤏᤧ᤹ᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡ᤺ᤔᤠᤀᤥ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤏᤢ ᤛᤣᤛᤣ ᤛᤠᤱᤛᤠᤱ ᤀᤠᤈᤥ᤺ᤰ. ᤜᤧᤰᤁᤩᤠᤱ ᤀᤠᤏᤡ᤹ ᤗᤠᤕᤥᤗᤠᤶ ᤕᤠᤵᤔᤡ ᤁᤧᤎᤧ᤹ᤒᤠ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ 31 ᤂᤧᤸᤗᤧ ᤆᤥᤃᤢᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤀᤠᤳᤋᤡᤸᤗᤧ ᤕᤶᤒᤠ ᤐᤠ᤺ᤴ ᤐᤠ᤺ᤳᤋᤢ᤹. ᤂᤧᤸᤗᤧ ᤕᤜᤘᤣ ᤍᤠᤱᤒᤠᤸᤗᤧ ᤆᤥᤃᤢᤒᤠ ᤕᤠ᤺ᤶᤒᤰᤁᤥᤖᤰ ᤕᤶᤒᤠ ᤐᤠ᤺ᤴ ᤐᤠ᤺ᤳᤋᤢᤖᤖᤥ॥”* ᤕᤷᤔᤡᤕᤠ ᥏.᥈᥊

*1:1 ᤛᤥᤛ᤻ᤌᤧᤏᤣᤛ–ᤂᤢᤏᤧ᤹ ᤁᤥᤖᤴᤌᤡᤀᤥ ᤕᤜᤢᤍᤡᤜᤠ᤹ᤖᤧᤴ ᤗᤳᤇᤠ ᤗᤠᤶᤗᤥ᤺ᤒᤠ ᤘᤕᤧ॥ ᤂᤢᤏᤧ᤹ ᤐᤠᤘᤗᤗᤠᤶᤒᤠ ᤛᤢᤏᤠᤀᤡᤱ ᤂᤧᤵᤛᤢᤀᤠᤱ ᤏᤛᤠ᤺ᤴᤏᤡᤒᤠ ᤐᤥ᤺ᤰᤂᤧᤀᤠᤱ ᤘᤕᤧ॥

*1:2 ᤁᤥᤖᤴᤌᤡ ᤕᤧᤰᤕᤰᤁᤡᤴ ᤃᤪᤡᤛ ᤗᤠᤈᤣ᤹ᤀᤥᤒᤠ ᤗᤳᤇᤠ ᤁᤧᤕᤧᤰᤐᤠ ᤕᤧᤰᤕᤰ ᤏᤧᤛ᤻ᤛᤧ॥ ᤐᤠᤘᤗᤖᤧ ᤁᤴ ᤕᤧᤰᤕᤰᤁᤥ ᤋᤃᤡᤀᤠᤱ ᤛᤢᤏᤠᤀᤡᤱ ᤋᤠᤖᤢᤀᤠᤱ ᤘᤕᤧ॥

*1:12 ᤀᤵᤐᤥᤗᤥᤛᤧᤴ ᤁᤥᤖᤴᤌᤡ ᤕᤧᤰᤕᤰᤁᤥ ᤛᤢᤏᤠᤀᤡᤱ ᤁᤧᤛᤧᤒᤠ ᤘᤕᤧ (ᤛᤣ᤺ᤰᤕᤢᤰᤔᤡᤒᤠ ᥇᥎.᥈᥊–᥈᥎. ᥇᥏.᥇)॥

*1:12 ᤐᤋᤪᤢᤛ–ᤀᤖᤠᤔᤡᤁ ᤐᤠ᤺ᤴᤍᤠᤱᤅᤥ ᤁᤧᤑᤠᤛ ᤐᤥ᤺ᤱ

*1:19 ᤕᤛᤤᤕᤠ ᥈᥏.᥇᥊

*1:31 ᤕᤷᤔᤡᤕᤠ ᥏.᥈᥊