Kálaad Pwôl nyə á cilə buud ɔ́ Galátia yɛ́
Isâ í dʉ́gyá nə Kálaad mə Pwôl shú Galátia yí
Pwôl nyə a sá məma mínjɔɔnd ŋgə́lə jaaw miláŋ mí Zɛmbî. Njɔɔnd ábɛɛ́ nə alɛ́ɛl dɨ́ wə́ nyə á kə nə miláŋ mí Zɛmbî shí á Galátia yɛ́ (Mis 16.6 nə 18.23).
Njɨ, bɔ́ɔ́l búúd bwə́ á nyiŋgə kə wu, Pwôl kú bə, kə ŋgə jɨ́ɨ́gʉli buud nə́ okrîstɛn bɛ̂sh bwə́ cúgɛ́ Oyúdɛn wá bwə́ jəlá nə bɛ̧ mə́cɛ̧ɛ̧ mə́ Moyîz, bul bə nə́ ndɛɛ́ cɛ̧ɛ̧ lʉ́ ábɨwáág.
Nə́ ndɛɛ́, ja Pwôl nyə á gwág nə́ okrîstɛn wâ Galátia bwə́ ŋgə bə nda bwə́ magʉlə njɨ́ɨ́gʉ́lá wɔɔŋg yí (í á jee bə a njúl Ifɛ̂z), nyə á ka cilə bwo kálaad ɛ́ga, shú nə́ bwə́ bə́g kú bɛ̧ njɨ́ɨ́gʉ́lá wɔɔŋg, bwə́ nyíŋgəg ŋwa Jɔ̧jɔ̧ Kɛ́ɛl. Nyə á ka tə̂l kálaad yé icé ílɔ́ɔl:
(1) A fwo tɛ́ɛ́d jaaw bwo sâ í á sɨ̂y nə nyəmɛ́fwó yí; nda nyə á cɛ́nd kuú njɔɔnd nə́, nə nda ókrîstɛn wâ Yurʉ́səlɛm bwə́ á magʉlə nyə nə́ (lúu 1 nə lúu 2).
(2) A mú nyiŋgə lwó nə́ tɔɔ micilyá myâ Sɔ̧ a Cwúlû mí ŋgə jɨ́ɨ́gʉli nə́ Zɛmbî cugɛ́ nə ŋkul cɨ nə́ muud jɨ tʉ́təlí nə a bɛ̧ɛ̧́lə mə́cɛ̧ɛ̧ mə́ Oyúdɛn (lúu 3 nə lúu 4).
(3) A mú kə shínal nə bándʉ́lə́lə nə́ bwə́ cʉ́gəg váál cʉg Ŋkɛ̧́ŋkɛ̧̂ Shíshim ŋgə́ lwó bwo yí (lúu 5 nə lúu 6).
Dɔ̧ dɛ̂sh tɔɔ mbúgʉla yɛ̂sh mə́ jəlá nə gwádʉga Ŋkɛ̧́ŋkɛ̧̂ Shíshim wɔɔŋg nyə́dɨ́ lámʉ́d, a wú míkwámʉ́d.
1
Məbə́dá
1.11-12; Rom 1.5; 1Kr 9.1-2Mə Pwôl wə́ mə́ cílə́ kálaad ɛ́ga, mə *muud lwámá mə Yésus-Krîst. Mə cugɛ́ múúd lwámá nə́ buud bwə́ á fɛ́ɛ́sh mə, kú nyiŋgə bə nə́ muud nyə á tə̂l mə; Yésus-Krîst bá Sɔ́ɔ́ŋgʉ́ wúsʉ́ Zɛmbî muud nyə á gwûmʉshi nyə yɛ́, bwə́ wə́ bwə́ á fɛ́ɛ́sh mə nə́ mə bə́g muud lwámá. 1Kr 16.1Nə mə, nə bwááŋg* Na cugɛ́ óminyɔŋʉ́ wâ byélé, jísə buud bə́nɔ́ŋ bwə́ ŋgə́ búgʉla Yésus wá. bɛ̂sh sə́nɔ̂ŋ bʉ́sə́ sámbá wá, sə́ ŋgə cilə mə́dɔ̧ mə́sə́ Galátia má. Sɔ́ɔ́ŋgʉ́ íshé Zɛmbî bâ Cwámba Yésus-Krîst bwə́ ɔ́ sá bɨ́ mpaam, bwə́ ɔ́ sá nə́mə́ nə́ bɨ ŋgə́g nə cʉgə nə́ shɛɛ. 2.20; Mat 20.28; Yuá 1.29; 2Kr 5.21; Ifz 5.2; 1Tm 2.6; Tit 2.14; Heb 9.12-14, 26; 1Yn 5.19Krîst nyə á kɛɛnzh nyəmɛ́fwó, zə sá nə́ Zɛmbî júúg shé nə *misə́m, nyə á zə yîl shé mə́nyámá mâ bɔ́w-bɔ̂w cʉg á mwɔ̂w mə́gaád. Nyə a sá nə́mə́ nda Sɔ́ɔ́ŋgʉ́ wúsʉ́ Zɛmbî nyə á cɨ nə́. Zɛmbî ŋwág gúmə́ kandʉgə á kandʉgə. Amɛn.
Jɔ̧jɔ̧ Kɛ́ɛl jisə njɨ ŋgwûd
Heb 12.15Bɨ mə́ lɛɛl béégya nə Zɛmbî muud nyə á jɔ̂w bɨ́ nə mpaam mə *Krîst yɛ́, kə bɛ̧ dúl kɛ́ɛl ɨɨ́? Mə ŋgə bul káam sá jɔɔŋgʉ́ ɛɛ́. 5.8, 10; 2.4; Mis 15.1, 24Mə acɨ́yɛ́ nə́ dúlʉ́gá kɛ́ɛl í nyiŋgə bə. Mbɔ̂. Jɨ́ yida bə nə́, bɔ́ɔ́l búúd bwə́ mə́ zə sá nə́ fʉg í jímbʉ́g bɨ̂, cɛɛl zə sá nə́ Jɔ̧jɔ̧ Kɛ́ɛl mə́ Krîst í gwɨ́ɨ́gʉ́g dúl váál. 1Kr 16.22Mə́ cɨ náaá, ŋkí ŋgwɔ́l múúd mə zə́ nə kɛ́ɛl ishús í ŋgə́ shwɔ̧́ɔ̧la nə dɔɔŋg sə́ á bwiiŋg bɨ́ yɛ́, tɔɔ í nyiŋgə bə sə́mɛ́fwó, tɔɔ jísə nə́ *éŋgəles nyə ámə zhu gwɔ̂w, ŋkwaal nə nyə. Sə́ á shí fwo bwey cɨ ntɔ́, mə́ nyiŋgə nə́mə́ cɨ nə́, ŋkí muud mə zə́ bwiiŋg bɨ́ kɛ́ɛl ŋgə́ shwɔ̧́ɔ̧la nə dɔɔŋg bɨ́ á *magʉlə yɛ́, ŋkwaal nə muud wɔɔŋg. 10  1Te 2.4-6Nə́ jɨ? Ye mə ŋgə sɔ̧́ nə́ sə́nɔ̂ŋ buud wə́ sə́ bə́g cʉ́ŋ, ye sâ Zɛmbî? Ye mə ŋgə jɨɨ nə́ buud wə́ bwə́ gwágʉ́g mə nywa? Mə́ ká ŋgə jɨɨ nə́ buud wə́ bwə́ gwágʉ́g mə nywa, mə kú ná bə sɔ́ɔl məsáal mə́ Krîst.
Zɛmbî wə́ nyə a jɔ̂w Pwôl
11  1.1Bwaaŋg, mə mpú jaaw bɨ́ nə́, Jɔ̧jɔ̧ Kɛ́ɛl mə́ ŋgə́ bwiiŋg yí cúgɛ́ sâ nə́ muud nyə ámə bwəndɛ nə fʉg nyɛ́. 12 Muud ntâg dɨ́ nyə á bwiiŋg mə dwo, ŋkí jɨ́ɨ́gʉli mə dwo. Yésus-Krîst wə́ nyə a sá nə́ mə mpúg isâ mə́ mpú yí.
13  Mis 8.3; 9.1; Flp 3.5-6; 1Kr 15.9Ŋgaá bɨ a shí gwág sâ mə́ á dʉ sá ja mə́ á bə náá yə́bə́ *Oyúdɛn dɨ́ yí? Bɨ a shí gwág nə́ mə á dʉ lwó *Dɔ̧ lʉ́ óbúgʉla ɔ́ Zɛmbî cúwʉ́lí nə ŋkʉ́d, mə á dʉ cugas bwo nə́ bwə́ jɛ̧́ɛ̧g. 14 Mə á ŋgə lɛɛl kə shwóg yə́bə́ Oyúdɛn dɨ̂ cɔ̧́ bíl zhwog ikala byâm mə́dɨ́ kúl búúd dɨ̂, mə á bul wá lúu məcum mə́ ódâ dɨ̂. 15  Zhe 1.5; Mis 9.3-5; 22.21; Rom 1.5; 1Kr 9.1; 15.10Njɨ, Zɛmbî muud nyə á bwey fɛ́ɛ́sh mə mə njúl ná mwɔ̧̂ mə nyɔ́ɔ́ŋgʉ́ waam dɨ́ yɛ́, múúd nyə́ á jɔ̂w mə mpáam dɨ́ yɛ́, ja nyə á kwey nə́ fwámɛ́ wəla mə́ wɔ́ɔ́s yí, 16 nyə a sá nə́ mə mpúg Mwán yé mə́dɨ́ lámʉ́d, mə kə́g nə nyə kə bwiiŋg íkúl ishús. Nə́ ndɛɛ́, mə a shígɛ́ kə jî tɔɔ mə́cwûŋ wə́ muud, 17 mə kú nə́mə́ fwo kə Yurʉ́səlɛm nə́ mə kə́ bwəma nə *buud ɔ lwámá bwə́ á tɛ́ɛ́d ŋwa jiya nə mə wá. Mə á yida fwo kə shí á Arabî, mə nyiŋgə zə Damás. 18  Mis 9.26-28Nə́ ndɛɛ́, mpʉ́sə mimbú mílɔ́ɔl wə́ mə á ka tɛɛm bád kə Yurʉ́səlɛm nə́ mə kə́ bwəma nə Séfas Séfas: Jisə dúl jínə́ mə́ Pyɛ̂r. yɛ́. Mə a já ntâg nyə́dɨ́ mwɔ̂w wûm nə mə́tɔ́ɔn. 19  Mat 13.55Mə a shígɛ́ nə́mə́ bwəma nə tɔɔ *muud lwámá ŋgwûd mwɔ̂w wûm nə mə́tɔ́ɔn mɔɔŋgʉ́d, mə a dʉ́g njɨ Zhâk á mínyɔŋʉ̂ mə Cwámba. 20 Mísh mə́ Zɛmbî dɨ́, mə aŋgɛ̂ nə bwiiŋg ijɔ̧́ɔ̧́, sâ mə́ ŋgə́ jaaw bɨ́ ga jísə bʉ́bə́lɛ́. 21  Mis 9.30Nə́ ndɛɛ́, mə á ka zə kə mə́faan mâ Sirî nə Silisî. 22 Njɨ, mədɔ̧ mə́ *Krîst mâ Yudéa mə́ áshígɛ́ nə́mə́ fwo mpu mə mpwoombʉ́. 23 Bwə́ á yida ŋgə gwág njɨ láŋ nə́: «Muud nyə á dʉ sá shé cúwʉ́lí yɛ́ mú ŋgə bwiiŋg búgə́ nyə á ŋgə cɛɛl jaŋgʉlə yí.» 24 Bwə́ á ka ŋgə yə Zɛmbî gúmə́ nə sâ nyə á sá mə jɔɔŋgʉ̂.

1:1 1.11-12; Rom 1.5; 1Kr 9.1-2

1:2 1Kr 16.1

*1:2 Na cugɛ́ óminyɔŋʉ́ wâ byélé, jísə buud bə́nɔ́ŋ bwə́ ŋgə́ búgʉla Yésus wá.

1:4 2.20; Mat 20.28; Yuá 1.29; 2Kr 5.21; Ifz 5.2; 1Tm 2.6; Tit 2.14; Heb 9.12-14, 26; 1Yn 5.19

1:6 Heb 12.15

1:7 5.8, 10; 2.4; Mis 15.1, 24

1:8 1Kr 16.22

1:10 1Te 2.4-6

1:11 1.1

1:13 Mis 8.3; 9.1; Flp 3.5-6; 1Kr 15.9

1:15 Zhe 1.5; Mis 9.3-5; 22.21; Rom 1.5; 1Kr 9.1; 15.10

1:18 Mis 9.26-28

1:18 Séfas: Jisə dúl jínə́ mə́ Pyɛ̂r.

1:19 Mat 13.55

1:21 Mis 9.30