Nihn Paul Kijilikoau oang oang Mwomwohdjohn
Colossae
Oarlap in Kijilikoau oauwe
Nihn Paul kijilikoau oang mihn Colossae insingdihoang mwomwohdjohn Colossae, kahnihmw oau ma mine nehn Asia siksik, ma mine in palimese in Ephesus. Jaudi Paul ma kouda mwomwohdjo oauwe, a ih mine nehn pwelkelkel in wija ma Paul kin doadoahk loaloa, nehn ah kin kadar sohndoadoahk jang Ephesus, poahjoan koaun in wei ma kijehn wein Rome nehn Asia. Paul rongda pwa mine sohnpadahk likamw pwi mine nehn mwomwohdjohn Colossae ma kin padahk sihkeiki ma pwa armaj uhdahn pirin kin kaudekkoang “ngen kan ma koahkoahkoaun apel manman,” pwa en kak marainki Koahs apel oaloahdi koamoaur unjek. Jounpadahk pwiai pel kin pwa armaj uhdahn pirin wia siahk pwi, ma doahr jorkomjaij, apel kapwaihahda koajoandi pwi ma pid mwinge siksik apel epwi joang kan.
Paul insingehdi kijilikoau kije pwa en uhwoang jounpadahk likamw pwiai doahr padahk mehlel en joauloang. Poahjoanpen ah pajpoang ioar doahr Christ ah anki manman unjek en kioang kisai koamoaur, apel doahr siahk apel lamlam sohrohr kan doahr ahr kin kadohwehjang kisai ipen Christ. Ki Christ, Koahs kapikkihda meohroj, apel pwa Ih meohroj pirin pel kajpahldohng ipen Koahs. Pwa asai minmin oang Christ oar ma kisai pirin mourkihla. Mwuhr, Paul ken kawoahwoahda kaspoan padahk kajampwal oauwe oang mourin irai ma pwojon kan.
Soahk mwehu doahr Onesimus ah pwili Tychicus ma wa inla kijilikoau kije. Onesimus, ioar lidu men ma Paul kapwurihla ipen ah joumaj Philemon, emen sohn mwomwohdjohn Colossae. Ioar ma Paul insingehkihda nah Kijilikoau oang Philemon.
Audoapoa in Oarlap
Sapin kijilikoau 1:1-8
Doahroar Christ apel Ah doadoahk 1:9—2:19
Mour kapw ipen Christ 2:20—4:5
Kadoariheklahn kijilikoau 4:7-18
1
1 Jang Paul, ma wiahla wahnpoaroan in Christ Jesus jangin kupwuren Koahs, apel jang riasai joauloang Timothy —
2 Oang *Nihn Koahs armaj kan ke armaj joarwi kanNihn Koahs armaj kan nehn Colossae, riamai joauloang loalpwoas kan ma minmin oang Christ:
Kalahngan apel popohl jang Jamasai Koahs oang kamwai.
Kapkap in Kapingkalahngan
3 Anjoau ohroj, kama kin kapingkalahngan oang Koahs, Jemen asai Koaun Jesus Christ, nehn ama kin kapkapki kamwai. 4 Pwa kama ne rong doahr amwai pwojon Christ Jesus, apel amwai limpoakoang †nihn Koahs armaj ke armaj joarwinihn Koahs armaj kan ohroj. 5 Nehn anjoauwo ma padahk mehlello, ioar Rongmwehuwo, ne lelloang kamwai, kamwai ne pel rong doahr koapwoarpwoar ma Rongmwehuwo kioang kamwai. Doar amwai pwojon apel limpoak kin poahjoankihda da ma kamwai kin koapwoarpwoarki, ma neknek mwehu oang kamwai nehnloannge. 6 Rongmwehuwo joah uhdi wahdo kapai kan, a lellelpijoang wija ohroj nehn jampah; doahr ah ne pel wiawi nehn pwungamwai janngoar nehn rehnno ma kamwai sapin rongda kalahngan in Koahs apel woahwoahkihla mwehu doahr Rongmwehuwo. 7 Col 4:12; Phm 1:23Kamwai ne padahki doahr en Koahs kupwurkalahngan jang ipen Epaphras, emen ioangoamai jounpapah, ma wia nihn Christ sohndoadoahk loalpwoas men ma appwapwali amai pwukoa kan. 8 Ioar ih ma sikoahng kamai doahr amwai limpoak ma Ngen Joarwiho ne kioang kamwai.
9 Pwa jangin kahrpoahioauwe, kamai kin kapkapki kamwai anjoau ohroj, janngoar nehn anjoauwo ma kamai rongda doahr kamwai. Kamai kin poaki Koahs pwa kamwai en kidalla kupwuroa unjek, apel pwa Ih en audohkihda kamwai erpis apel marain ohroj jang ipen Ngenno. 10 Doari, kamwai pirin kak mohmour in doahr ma Koaunno kin kupwurki, apel wihwia da ma Ih kin kupwurmalauki. Amwai mour pirin kajalehda wah mwehu nehn joangoan doadoahk mwehu ohroj, apel kamwai pirin koakoairda nehn amwai marainkihla Koahs. 11 Kama pel poaki kamwai en sihkeikihda joangoan sihkei ohroj ma kin pwiljang in Ah rojon ling, pwa kamwai en kak enngengdehn nehn apwal kan ohroj nehn kanangmah, 12 ezkapel malauki amwai kapingkalahngan oang Jahmmo, ma ne kaisarla kamwai, pwa kamwai en pwili anki da ma Koahs neknekid oang ‡Nah armaj ke armaj joarwi Nah armaj kan nehn wein maram. 13 Ih kapis kisai jang pehn manman in rosros, apel ukdohng kisai nehn wein Nah Iehroj ma Ih ipwilki, 14 Eph 1:7pwa Ih ma kajaldekla kisai ma woahwoahki lapwaddahjang kisai dipasai kan.
Christ apel Ah Doadoahk
15 Christ ma kajalpen Koahs ma johpwa janjal, ioar Ih ma Mehjeni apel laplap jang joang ohroj ma kapikpikda. 16 Nehn Christ, Koahs kapikda joang ohroj ma mine nehnloannge apel jampah, mehkan ma janjal apel mehkan ma johpwa janjal, pwilihki ngen manman kan, ngen ma koaun kan, ngen ma joumaj kan apel ngen ma laplap kan. Koahs kapikda jampah pwon ki Christ oang Ih. 17 Christ ne pwen mine mwohn meohroj, doar meohroj ne pwen joandi mwehu ki Ih. 18 Eph 1:22,23Ih ma moangoan palwoaroa, ioar mwomwohdjo; apel mour in palwarro pwiljang ipoa. Ih ma mehjeni, ma iejda jang mehdi, pwa Ih kalahpwuk ioar ma sapin meohroj. 19 Doari, ioar doahr kupwuren Koahs, pwa Nahu en anki uhdahn rojon unjek in Koahs. 20 Eph 2:16Koahs pel kupwuroahda en kajpahldohng jampah pwon oang pein Ih jang ipen Nahu.
Koahs kihdoa popohl, jang in insahn Nahu pohn lohpwuhwo apel kajpahldohng Ipoa meohroj nehn jampah apel nehnloannge.
21 Anjoau kij mehj, kamwai dohjang Koahs; kamwai wia Ah imwinsihsi pwa jangin joang nauna kan ma kamwai wia apel lemleme. 22 A apkas jang nehn mehdihn palwoaroan Nah Iehrojjo, Koahs ne wiahkihla kamwai Ah pirien, pwa Ih en ukdo kamwai — joarwi, joh jamin, joh japwung — amwai en mine Ipoa. 23 In mehlel, kamwai anahne doaudoaula (nehn) pwojon pohn poahjoan soang apel pwung. Kamwai anahne kalkehjang kamwai en joah mwoakidjang koapwoarpwoarro ma kamwai ne oaloahdi anjoauwo kamwai rongda Rongmwehuwo. Ioar jang in Rongmwehu oauwe ma ngoahi, Paul, wiahla jounpapah men. Rongmwehu oauwe ioar ma ne kalkalohkjili oang ohroj nehn jampah.
En Paul Doadoahk in jounpapah oang Mwomwohdjo
24 A apkas, ngoahi perenki oai koaloklokki kamwai; jangin moadoaklahn palwoaroaioa, ngoahi ne jaujauwaj in kaimwjekla da ma pel koanoahng kaimwjekla en Christ koaloklok in palwoaroa, ma ioar mwomwohdjo. 25 Apel Koahs ne kihdoa oai pwukoa pwa ngoahi en papah mwomwohdjo apel jeuweje kamwai. Ioar pwukoahn kalohkihwe in unjek Ah Mahjan, 26 ma ioar lamlam rirro Ih oakihjang armaj ohroj jang sapin kawa a apkas Ih ne kajalehioang Nah armaj kan.§Nah armaj kanke armaj joarwi kan 27 En Koahs koajoandi pid Nah armaj kan en woahwoahkihla Ah lamlam rir, ma inenin ling apel kapai ma Ih kolkol oang armaj in wei kan ohroj. Lamlam rir wa ioar ma Christ mine nehn loaloamwai, ma ioar woahwoahki pwa kamwai pirin pwili paiki klorihn Koahs.*ma ioar woahwoahki pwa kamwai pirin pwili paiki klorihn Koahske koapwoarpwoar in klorihn Koahs. 28 Doari, kamai kalohkihwe oang ohroj Christ. Jangin joangoan erpis ohroj kamai kaperihki apel padahki armaj ohroj pwa en kahlwahdo emen emen irai ipen Koahs nehn ah pein koahiokki oauwoang Christ. 29 Pwa ngoahi en kaimwjekla pwukoahioauwe, ngoahi doadoahk apel apwalkihda; a ngoahi doadoahkki in sihkei apel koalik ma jang Christ, ma ioar kamwkamwoakid ngoahi.
*1:2 Nihn Koahs armaj kan ke armaj joarwi kan
†1:4 nihn Koahs armaj ke armaj joarwi
‡1:12 Nah armaj ke armaj joarwi
§1:26 Nah armaj kanke armaj joarwi kan
*1:27 ma ioar woahwoahki pwa kamwai pirin pwili paiki klorihn Koahske koapwoarpwoar in klorihn Koahs.
This is a DRAFT translation. Please email comments and suggestions for improvement to peter_knapp at sil dot org, giving the translation, book, chapter, verse, current reading, and suggested reading.