Sam Kranzpnu-li (20)
Nzkrka'ngr Mz Nzaovxiokr King
Nabz ne Devet kx yrbzle mz kxrmailz ngr dzbe kxnzngrng.
Nzkrka'kr Pris Ne Gct Badr Leplz
1 Yawe, nim Gct r melrmqgr Jekop.
X krka'-ngrgr kx na-ayzlume natq king rgr.
X mzli kc nakxpu-ngrde okatrpz nide.
2 Mz nzmnc-krm Newz Saeon mz Mangr-nzangiongr,
Aclve x axplr nide.
3 Abrtzlvz da kx rlr-ngrbzle bam.
X suti drtwrgr nzelalz-krm drtwrm mz blz kx angcle mz olta nyzm.
4 Kabz bade da kcng tqsuti drtwrde,
X angidatibz nepu nr drtwrdeng amrlx.
5 X sa namalqlvzkr nzaovxio-krde.
X naglqlzkr nim, Gct rgr.
Yawe, ayzlum natqdeng amrlx. Eu, angida.
Nzkrka'kr King Devet
6 Yawe, ninge king kc tqmcpxq.
X mzli ka krlzpex kx okatrq ninge mz nzaovxiongr.
X sa na-ayzluome natqnge mrla tqmnc-ngrn Heven kxtr,
X nakame bange zmatq ngr nzngini-krnge Ngrlrvea.
7-8 Kzdung leplz nzabrtrpzlr drtwrdr mz ami nedrng,
X kzdung mz dalr nzotangr.
Da lcdeng trnaokatrlru nidr x nztaong mz vea.
A' Yawe Gct rgr, tu-amqngi-zvzkr, murde abrtxtrpwzkr drtwrgr bam.
Leplz Amrlx
9 Yawe, kabz zmatq ngr nzaovxiongr mz king nem.
X mz nzkqle-krbzkr nim, ayzlum natqgr.