5
Cèikî naa goo Pwina naî Pwiduée
1 1 Ioane 4.15Wà diri tàpé na rà cèikî pâ, wà Iésu, âna wàé pwi Kériso, [wà Pwina é me gée goo Pwiduée] âna rà tèpa naî Pwiduée. Â wà diri tàpé na rà meaari Pwiduée Caa, âna rà o meaari mwara wà tèpa naîê. 2 Â jè tâmogòori pâ, ûna jè meaari wà Pwiduée, ma pitêre dàra ê pwina é ina, â jè meaari mwara tèpa naîê. 3 Ioane 14.15,23–24Ba [wiàna nümajè] na jè meaari wà Pwiduée, â jè o pitêre dàra ê pwina é ina. Â càcaa pwacoé ma jè pitêre dàra.
4 Ba wiàna jè tèpa naî wà Pwiduée, â jè piétò jii ê [èpà naa] gòropuu, gée goro ê cèikî kâjè [naa goo wà Iésu Kériso]! 5 Ba o wàilàapà na piétò jii ê [èpà naa] gòropuu? Nye êco wà pwina é cèikî pâ, wà Iésu âna é *Pwina naî Pwiduée.
Tèpa 3 paâjupâra Pwina naîê
6 Ioane 1.29–34Wà Iésu Kériso, âna paari pâ é Pwina naî Pwiduée*Paari pâ, é Pwina naî Pwiduée—Grec: É tèepaa., goro ê jawé bau ê domii. Càcaa goro co ê jawé, â nye goro ê jawé bau ê domii. Â ê Nyuâaê Pwicîri, âna é nye tà *paâjupâra ê pwiibà. Ba ê Nyuâaê Pwicîri, âna wàé ê *âjupâra. 7 Êkaa na rà po âracié tèpa paâjupâra†Pàra Tii Pwicîri naa na grec, âna rà ina pâ: 7Ba rà âracié tèpa paâjupâra naa napwéretòotù—wà Caa, wà Popai, ma ê Nyuâaê Pwicîri. Â rà tèpa âboro caapwi. 8Â rà âracié tèpa paâjupâra naa gòropuu—ê Nyuâaê Pwicîri, ê jawé ma ê domii. Â rà pitêrerà wà tèpa âracié bèepwiri.— 8 Ioane 15.26ê Nyuâaê Pwicîri [na é patùrajè]; ma ê jawé [kâra *piupwaa kà Iésu]; ma ê domii kêe‡Jawé…ma ê domii kêe—Ucina mwara goro ê piupwaa kâjè, ma ê dipâa na jè wâdo naa na Caanilo, ba naa pitaniimiri ê pai bà kêe., [na joro na é bà ba kâjè]. Â wà tèpa âracié bèepwiri, âna rà nye pitêrerà.
9 Ioane 5.32–37Wiàna jè tòpi ê pai paâjupâra, na me gée goro âboro, â [wâdé na jè tòpi] ê pai paâjupâra na me gée goo Pwiduée, ba é nye piwéna.  é nye paâjupâra kaa wà Pwina naîê. 10 Galatia 4.6 wiàna jè cèikî naa gooé, â jè mwa côoina pâ, ê popai gooé, âna é âjupâra§Â jè mwa côoina pâ, ê popai gooé, âna é âjupâra—Grec:  tâa goojè ê bépaâjupâra..
Êco na, wiàna câjè caa cèikî naa goo [Pwina naî] Pwiduée, âna jè câbapwâ Pwiduée, ba câjè caa tòpi ê pwina é ina goo wà Pwina naîê.
11 Jè tâmogòori pâ, ê pwina é ina naa gooé, âna *âjupâra, ba é jèe naa tâjè ê *wâro dàra gòiri jaaé. Â ê wâro bèepwiri, âna wâgoo wà Pwina naîê. 12 Ioane 3.36Üu, wà pwi âboro na é tâa gooé wà Pwina naîê, âna tâa gooé ê wâro bèepwiri. Â wà pwi âboro na câé caa tâa gooé wà Pwina naî Pwiduée, âna ticè *âji wâro gooé.
Go pwa tii ba na cimwü cèikî kàwà
13 Ioane 20.31Guwà tèpa cèikî naa goo Pwina naî Pwiduée. Â go pwa tii tàwà ni, ba na guwà tâmogòori bwàti pâ, jèe tà tàwà ê wâro dàra gòiri jaa Pwiduée. 14 Ioane 14.13; 1 Ioane 3.21–22Wàéni gorodà na tà mwü ê cèikî kâjè naa goo Pwiduée. Ba jè tâmogòori pâ, é têre ê pwâra pwapwicîri kâjè, wiàna jè ilari jè muru naa na câbawâdé kêe. 15 Â wiàna jè tâmogòori pâ é têrejè, â jè tâmogòori mwara pâ, é jèe naa tâjè ê pwina jè ilari jiié!
Câjè caa pwa taaci pwina èpà
16 Mataio 12.31Wiàna gà côo pwi a cèikî béegà, na é pwa na èpà*Na é pwa na èpà—Napéaati naa na grec pâ: Na câé caa popaé naa na aubà {dàra gòiri}., â wâdé na gà pwapwicîri kêe, ba na tà têe ê âji wâro. Êco na pwa pwi jè èpà, na é nama é bà [dàra gòiri]†Pwi jè èpà, na é nama é bà dàra gòiri—Munaa ê pai ciburà naa càùjè naa goo Kériso (côo nee tii 12), ma pai ciburà tàutâjè na jè meaari tèpa béejè (côo 1 Ioane 3.14). Pwi pwâra bà bèepwiri, âna munaa pwâra bà dàra gòiri, wâiti jii Pwiduée, é, pwiri ê pai tubaèpà târa ê pai tâa kâjè ma wà Pwiduée, é, pwiri ê pwâra bà kâra naiiri âboro. wà pwi jè âboro. Â câgo caa tacoo googà pâ, na gà pwapwicîri ba kêe, wiàna é tàgére pwa ê pwi èpà bèepwiri. 17 Ba êdiri pâ tûâ kâjè na càcaa *tàrù, âna wàépwiri ê èpà. Êco na càcaa diri pâ èpà na jè pwa, na rà nama jè bà.
18 1 Ioane 3.9Jè nye tâmogòori pâ, wàijè tèpa naî Pwiduée, âna câjè caa pwa taaci ê pwina èpà. Â wà *Caatana, wà Pwi âboro èpà, âna càcaa pâri ma é tubaèpà ê nyuâajè. Ba é wéaarijè wà Pwina naîê.
19 Â jè nye tâmogòori pâ, jè tèpa âboro kà Pwiduée. Â napwa naa goo diri [pàra tèpa âboro] gòropuu, âna [càra caa tèpa âboro kêe. Ba] é pitûâ kàra wà Pwi âboro èpà.
Jè tâmogòori Pwiduée
20 Jè nye tâmogòori mwara pâ, é jèe tèepaa me wà Pwina naî Pwiduée. Â é jèe naa tâjè ê pai tâmogòorimuru, ba na jè tâmogòori wà Pwiduée, na é caapwi co. Â jè tâa goo wà Pwiduée, gée goo na jè tâa goo Iésu Kériso, Pwina naîê. Ba wàé Pwiduée na é caapwi co, â wàé mwara na é naa tâjè ê wâro dàra gòiri jaaé.
21 Â êkaa, co tèpa âji béeò, na guwà tétâjii diri pâ muru na pwa na rà popa autâa kà Kériso, naa na pwâranümawà‡É, Guwà tétâjii ê èpà gée na ê pwâranümawà, é, Guwà tétâjii cè pâ ârapupûra na càcaa papwicîri wà Kériso. Grec: Guwà piwéaariwà jii pâ ânuurumuru. Côo mwara Ânuurumuru (Idole) naa na Neeremuru (Vocabulaire) naa pwâadàra tii..

5:1 1 Ioane 4.15

5:3 Ioane 14.15,23–24

5:6 Ioane 1.29–34

*5:6 Paari pâ, é Pwina naî Pwiduée—Grec: É tèepaa.

†5:7 Pàra Tii Pwicîri naa na grec, âna rà ina pâ: 7Ba rà âracié tèpa paâjupâra naa napwéretòotù—wà Caa, wà Popai, ma ê Nyuâaê Pwicîri. Â rà tèpa âboro caapwi. 8Â rà âracié tèpa paâjupâra naa gòropuu—ê Nyuâaê Pwicîri, ê jawé ma ê domii. Â rà pitêrerà wà tèpa âracié bèepwiri.

5:8 Ioane 15.26

‡5:8 Jawé…ma ê domii kêe—Ucina mwara goro ê piupwaa kâjè, ma ê dipâa na jè wâdo naa na Caanilo, ba naa pitaniimiri ê pai bà kêe.

5:9 Ioane 5.32–37

5:10 Galatia 4.6

§5:10 Â jè mwa côoina pâ, ê popai gooé, âna é âjupâra—Grec: Â tâa goojè ê bépaâjupâra.

5:12 Ioane 3.36

5:13 Ioane 20.31

5:14 Ioane 14.13; 1 Ioane 3.21–22

5:16 Mataio 12.31

*5:16 Na é pwa na èpà—Napéaati naa na grec pâ: Na câé caa popaé naa na aubà {dàra gòiri}.

†5:16 Pwi jè èpà, na é nama é bà dàra gòiri—Munaa ê pai ciburà naa càùjè naa goo Kériso (côo nee tii 12), ma pai ciburà tàutâjè na jè meaari tèpa béejè (côo 1 Ioane 3.14). Pwi pwâra bà bèepwiri, âna munaa pwâra bà dàra gòiri, wâiti jii Pwiduée, é, pwiri ê pai tubaèpà târa ê pai tâa kâjè ma wà Pwiduée, é, pwiri ê pwâra bà kâra naiiri âboro.

5:18 1 Ioane 3.9

‡5:21 É, Guwà tétâjii ê èpà gée na ê pwâranümawà, é, Guwà tétâjii cè pâ ârapupûra na càcaa papwicîri wà Kériso. Grec: Guwà piwéaariwà jii pâ ânuurumuru. Côo mwara Ânuurumuru (Idole) naa na Neeremuru (Vocabulaire) naa pwâadàra tii.

© 2012 WBT