4
Elaisa maura iwa Sunem bedewe wandia sausade
8 Walama dea Elaisa bola debama Sunem*Sunem ipa bola debama Samaria eniena kilomita 40. bedewe alen. Sape maura iwa wandie ita me Elaisa iririidasadia me duwa bedewe wimpe nana napona. Sa baiwa walama isiwa me inta sa asiasi iedie nana nadie. 9 Me badawa diene wanase, “Asisunea, apana sa ne ateina me walama uduudu iede, me ipa God perowetawa kakaiwa. 10 Eulena no dumba iwa†Israel apanawa du wadeia iwa tabataba. osowe me waimpa bolawa dewasata. Sape itu bolawa, nana watawa, wanwan bolawa ita do siwa ituta, ita me wisempe sape waimpa.”
11 Walama dea Elaisa Sunem bolawa bedewe leulene wisene ita wandia bolawe du iwe bubualepia baiwa odene alen.
14 Ema aupe Elaisa nolawa dewalala ebowa Geasi diene wanase, “Ne dima euwa i ema baiwa dewasapa?”
Tane Geasi Elaisa sipoasane wanase, “Me mai oto wadapona ita badawa ipa gulaulen.”
15 Elaisa nolawa dewalala diene wanase, “I diawo mape wimpi.” Sa baiwa Geasi alene i dieno wisene Elaisa duwa moape enen. 16 Ita Elaisa i mampe wanase, “Ena dea dialepio aupe e oto mona sitaue mabua osowe awanea.”✡Bumpai 18.14
Tane me Elaisa diene wanase, “Debamana, e ipa God perowetawa mai laganea, ne ipa e nolaa dewalala.”
17 Tane ulaipaida, Elaisa i diena rua ena da bedewe walama sa deawaa bedewe i otopa mona gamosan.
Elaisa apana 100 nana wanamon
42 Walama da bedewe apana dea bola debama Baal Salisa bedewe wandie wisene Elaisa bured uduudu 20 wanen. Apana ena sa bedewe nanau ipawa bauta itudia uwauwantoia ebowa waia bali otene wimone bured sumoiena. Tane do nana ipawa sanaa uwauwantoia Elaisa deuawa aine waneiena. Tane Elaisa nolawa dewalala diene wanase, “Nana sa peroweta auweia wanamowo ita napu.”
43 Tane Elaisa nolawa dewalala wanase, “E ambi waiana, apana 100 wadena mai nana napua rua?”
Tane Elaisa leusane wanase, “Iawe God wadia mo nana napue pokamopio moawa epu, sa baiwa nana mo wanamona.”
44 Sa baiwa nola dewalala apana nana wanamon. Ita mo Iawe God wana rua nana nane moawa eiena.