42
Iawe God meba nolawa dewalala sonabedie wadiaubede apanawa mampo
1 Iawe God wadiase, “Ewana, apana ema ipa ne nolana dewalala,
ne me muka wanedina,
ne me sonabena ita ne nuana eudidalen me mampe.
Ne aleuna mampe me nopesana,
ita me apana uduudu mampo kotuwa dodomana dewasampa
ita mo banlamopio God mukawa atowentopu.✡Matiu 3.17; 17.5; Mak 1.11; Luk 3.22; 9.35
2 Me mai bola bedewainta apana mampo aiawa badowa ba mukama gagalolepi, dia.
3 Me auni asiwa tewapia baiwaleidia mai ampipundepi,
ita siwa keraudida idia mai supibolepi, dia.
Me kotuwa dodomana dewasapi apana uduudu mampo.
4 Me mai nuawa oaoaralepio nolawa epi,
me nolalempo ideita tawo osowe apana uduudu dewa dodomana dewasampaa dewawa winepidewalepi.
Apana nowa dauwo wanwanlala me waeuwa etapua onioniawantoie waimoi.✡Matiu 12.18-21
6 Ne Iawe God neba dodomanana bedewe apaena,
ne e witaa wadape ita muka enepe oniadewasaepa,
ne e dewaepo saua badowa rua segaita apana mampo,
ita e bedeawoe mo ne sauna euda wadapu
ita e ipa sapa uwa daitada apanawa baibu.✡Aisaia 49.6; Luk 2.32; Aposel 13.47; 26.23
7 E apana emau potawa wadaubaitawo sala ewapu,
ita diburalala dibura bedewe wadaubamoa,
ita mo mida diburantone dubawa bedewe waimoia wadaubamowo inantopu!”