8
Aten Insaisawa Euwa gagalowa
22-23 Mapo, Iawe God tawo mai dewasapona walamawe,
walama sawo me nolawa ualepona baiwaleidie,
bauta ne, Aten Insaisawa Euwa, dewanen.✡Gagalo 3.14
24 Bauta ne munten, muriwa Iawe God owa dewasan,
ita maneu dogo bedewe dewasano wisen.
25 Bauta ne munteno, muriwa Iawe God wadi debamau ita kerakera,
26 tawo ita irai bolawa ba dogo dewamon.
27 Ne wainedino Iawe God uba dewasan,
ita me uba ita owa sawano makalen.
28 Ne mampe wainedino
me uba tampe giou dewamone teen,
ita esa dewamono wimone owa nopesaiena.
29 Ne wainedino Iawe God owa makawa einpunden,
ita me anaanasana makawa mai ampibolepi.
Ne wainedino me tawo winepia bolawa badowa dewasane osowe itun.
30 Walama sawo ne koitau dewalala apanawa me tampe wainedine,
ne walama uduudu me nuawa eusadine,
ne me nata wainitana baiwa nuaeuntedine.
31 Me tawo dewasana ne ewane nuana eulen,
ita do tawo osowe apana waimoia ewane nuana eulen.