105
1 ܫܲܟܪܘܼܢ ܠܡܵܪܝܵܐ، ܩܪܹܝܡܘܼܢ ܒܫܸܡܹܗ،
ܡܲܕܸܥܡܘܼܢ ܓܵܘ ܥܲܡܡܹ̈ܐ ܥܒ݂ܵܕܘܼ̈ܗܝ.
2 ܫܲܒܚܘܼܢ ܐܸܠܹܗ، ܙܡܘܿܪܘܼܢ ܐܸܠܹܗ،
ܗܲܓܹܝܡܘܼܢ ܟܠܵܝܗܝ ܕܘܼܡܵܪ̈ܘܼܗܝ.
3 ܫܲܒܚܘܼܢ ܒܫܸܡܵܐ ܕܩܘܼܕܫܹܗ،
ܚܵܕܹܐ ܠܸܒܵܐ ܕܛܵܥܝܵܢܹ̈ܐ ܠܡܵܪܝܵܐ.
4 ܒܥܹܝܡܘܼܢ ܠܡܵܪܝܵܐ ܘܠܥܘܼܫܢܹܗ،
ܛܥܹܝܡܘܼܢ ܠܦܵܬܹܗ ܐܲܡܝܼܢܵܐܝܼܬ.
5 ܕܟ݂ܘܿܪܘܼܢ ܕܘܼܡܵܪ̈ܘܼܗܝ ܕܥܒ݂ܝܼܕ ܠܹܗ،
ܢܝܼܫܲܢܩܘܼ̈ܗܝ ܘܕܝܼܘܵܢܹ̈ܐ ܕܦܘܼܡܹܗ.
6 ܝܵܐ ܙܲܪܥܵܐ ܕܐܲܒ݂ܪܵܗܵܡ ܪܹܓܹܗ،
ܝܵܐ ܒܢܲܝ̈ ܝܲܥܩܘܿܒ݂ ܓܘܼܒܝܘܼ̈ܗܝ.
7 ܗ̇ܘ ܝܼܠܹܗ ܡܵܪܝܵܐ ܐܲܠܵܗܲܢ،
ܒܟܠܵܝܗܝ ܐܲܪܥܵܐ ܕܝܼܘܵܢܘܼ̈ܗܝ.
8 ܕܟ݂ܝܼܪܹܗ ܠܥܵܠܲܡ ܘܲܥܕܹܗ،
ܚܲܒܪܵܐ ܕܦܩܝܼܕ ܠܹܗ ܠܐܲܠܦܵܐ ܕܵܪܹ̈ܐ،
9 ܘܲܥܕܵܐ ܕܩܛܝܼܥ ܠܹܗ ܥܲܡ ܐܲܒ݂ܪܵܗܵܡ،
ܘܡܵܘܡܝܼܬܹܗ ܠܐܝܼܣܚܵܩ،
10 ܘܡܘܼܩܘܹܐ ܠܹܗ ܘܲܥܕܹܗ ܠܝܲܥܩܘܿܒ݂ ܠܩܵܢܘܿܢܵܐ،
ܠܐܝܼܣܪܵܐܹܝܠܔ ܘܲܥܕܵܐ ܕܥܵܠܲܡ،
11 ܒܹܐܡܵܪܵܐ: ”ܐܸܠܘܼܟ݂ ܒܸܬ ܝܵܗܒܹܢ ܐܲܪܥܵܐ ܕܟܢܲܥܢ،
ܣܵܗܡܵܐ ܕܝܵܪܬܘܼܬܵܘܟ݂ܘܿܢ.“
12 ܟܲܕ ܝܼܗܘܵܘ ܒܵܨܘܿܪܹ̈ܐ ܒܡܸܢܝܵܢܵܐ،
ܪܵܒܵܐ ܒܵܨܘܿܪܹ̈ܐ، ܘܡܵܫܵܚܲܛܹ̈ܐ ܓܵܘܘܼܗ̇،
13 ܗܘܹܐ ܠܗܘܿܢ ܒܸܚܕܵܪܵܐ ܡ̣ܢ ܐܘܼܡܬܵܐ ܠܐܘܼܡܬܵܐ،
ܡ̣ܢ ܡܲܠܟܘܼܬܵܐ ܠܥܲܡܵܐ ܐܚܹܪܢܵܐ.
14 ܠܵܐ ܫܒ݂ܝܼܩ ܠܹܗ ܕܐܢܵܫܵܐ ܕܙܵܠܹܡ ܥܲܠܵܝܗܝ،
ܘܡܘܼܢܟܸܣ ܠܹܗ ܡܲܠܟܹ̈ܐ ܒܘܼܬ ܕܝܼܵܝܗܝ.
15 ܐܡܝܼܪܹܗ: ”ܠܵܐ ܕܵܩܪܝܼܬܘܿܢ ܒܡܫܝܼܚܝܼ̈،
ܘܠܢܒ݂ܝܼܝܼ̈ ܠܵܐ ܥܵܒ݂ܕܝܼܬܘܿܢ ܒܝܼܫܬܵܐ.“
16 ܘܩܪܹܐ ܠܹܗ ܟܸܦܢܵܐ ܥܲܠܔ ܐܲܪܥܵܐ،
ܟܠܔ ܕܵܘܪܵܢܵܐ ܕܠܲܚܡܵܐ ܬܒ݂ܝܼܪܹܗ.
17 ܫܘܼܕܸܪܹܗ ܩܲܕܡܵܝܗܝ ܐܢܵܫܵܐ،
ܠܪܹܓܘܼܬܵܐ ܦܝܼܫ ܠܹܗ ܙܘܼܒܢܵܐ ܝܵܘܣܸܦ.
18 ܡܘܼܠܝܸܨ ܠܗܘܿܢ ܠܐܲܩܠܵܬܘܼ̈ܗܝ ܒܩܵܘܕܹ̈ܐ،
ܒܬܵܘܩܵܐ ܕܦܪܸܙܠܵܐ ܥܒ݂ܝܼܪܹܗ ܩܕܵܠܹܗ.
19 ܗܲܠܔ ܙܲܒ݂ܢܵܐ ܕܦܝܼܫ ܠܹܗ ܬܘܼܡܸܡܵܐ ܚܲܒܪܹܗ،
ܡܹܐܡܪܵܐ ܕܡܵܪܝܵܐ ܩܵܡ ܨܲܪܸܦ ܠܹܗ.
20 ܫܘܼܕܸܪܹܗ ܡܲܠܟܵܐ ܘܩܵܡ ܫܵܪܹܐ ܠܹܗ،
ܫܲܠܝܼܛܵܐ ܕܥܲܡܡܹ̈ܐ ܩܵܡ ܥܵܒܹܕ ܠܹܗ ܚܹܐܪܵܐ.
21 ܩܵܡ ܡܲܬܸܒ݂ ܠܹܗ ܡܵܪܵܐ ܠܒܲܝܬܹܗ،
ܘܫܲܠܝܼܛܵܐ ܥܲܠܔ ܟܠܹܗ ܥܘܼܬܪܹܗ،
22 ܠܹܐܣܵܪܵܐ ܓܘܼܪ̈ܵܢܘܼܗܝ ܒܨܸܒ݂ܝܵܢܹܗ،
ܘܠܚܘܵܪ̈ܕܸܩܢܘܼܗܝ ܡܲܠܸܦ ܚܸܟ݂ܡܬܵܐ.
23 ܥܒ݂ܝܼܪܹܗ ܐܝܼܣܪܵܐܹܝܠܔ ܠܡܸܨܪܹܝܢ،
ܘܝܲܥܩܘܿܒ݂ ܡܘܼܫܚܸܛ ܠܹܗ ܒܐܲܪܥܵܐ ܕܚܵܡ.
24 ܘܡܘܼܦܪܹܐ ܠܹܗ ܠܥܲܡܹܗ ܪܵܒܵܐ،
ܘܩܵܡ ܥܵܒܹܕ ܠܹܗ ܒܘܼܫ ܥܲܫܝܼܢܵܐ ܡ̣ܢ ܕܸܫ̃ܡܸܢܘܼ̈ܗܝ.
25 ܡܘܼܕܸܪܹܗ ܠܸܒܵܝܗܝ ܠܸܣܢܵܝܵܐ ܠܥܲܡܹܗ،
ܠܸܥܒ݂ܵܕܵܐ ܦܸܠܡܵܐ ܒܪܹ̈ܓܵܘܵܬܘܼܗܝ.
26 ܫܘܼܕܸܪܹܗ ܠܡܘܼܫܹܐ ܪܹܓܹܗ،
ܘܠܐܲܗܪܘܿܢ ܕܓܘܼܒܹܐ ܠܹܗ.
27 ܐܵܢܝܼ ܥܒ݂ܝܼܕ ܠܗܘܿܢ ܓܵܘܵܝܗܝ ܫܘܼܠܹ̈ܐ ܕܢܝܼܫܲܢܩܘܼ̈ܗܝ،
ܘܕܘܼܡܵܪܹ̈ܐ ܒܐܲܪܥܵܐ ܕܚܵܡ.
28 ܫܘܼܕܸܪܹܗ ܚܸܫܟܵܐ ܘܚܘܼܫܟܸܢܵܐ ܠܹܗ،
ܘܠܵܐ ܥܒ݂ܝܼܕ ܠܗܘܿܢ ܡܵܪܘܿܕܘܼܬܵܐ ܥܲܠܔ ܗܹܡܸܙܡܵܢܘܼ̈ܗܝ.
29 ܡܘܼܚܕܸܪܹܗ ܡܝܼܵܝ̈ܗܝ ܠܕܸܡܵܐ،
ܘܡܘܼܡܝܸܬ ܠܹܗ ܠܢܘܼܢܵܝ̈ܗܝ.
30 ܡܠܹܐ ܠܵܗ̇ ܐܲܪܥܵܐ ܦܸܩܵܩܹ̈ܐ،
ܐܘܼܦ ܓܵܘ ܬܵܘܵܢܹ̈ܐ ܕܡܲܠܟܵܝ̈ܗܝ.
31 ܐܡܝܼܪܹܗ ܘܐܬܹܐ ܠܵܗ̇ ܕܸܒܘܼܪܬܵܐ،
ܘܩܲܠܡܵܐ ܓܵܘ ܟܠܹܗ ܬܚܘܼܡܵܝܗܝ.
32 ܥܒ݂ܝܼܕ ܠܹܗ ܡܸܛܪ̈ܵܝܗܝ ܒܲܪܕܵܐ،
ܘܢܘܼܪܵܐ ܠܵܗܝܵܢܵܐ ܒܐܲܪܥܵܐ،
33 ܘܡܚܹܐ ܠܹܗ ܓܸܦܝܵܬܵܝ̈ܗܝ ܘܬܹܐܢܵܝ̈ܗܝ،
ܘܬܒ݂ܝܼܪܹܗ ܐܝܼܠܵܢܹ̈ܐ ܕܬܚܘܼܡܵܝܗܝ.
34 ܐܡܝܼܪܹܗ ܘܐܬܹܐ ܠܹܗ ܩܲܡܨܵܐ،
ܘܙܵܚܠܵܐ ܒܠܵܐ ܡܸܢܝܵܢܵܐ،
35 ܘܐܟ݂ܝܼܠܔ ܠܹܗ ܟܠܔ ܓܸܠܵܐ ܒܐܲܪܥܵܝܗܝ،
ܘܐܟ݂ܝܼܠܔ ܠܹܗ ܛܥܘܼܢܝܵܬܹ̈ܐ ܕܐܲܪܥܵܝܗܝ.
36 ܡܚܹܐ ܠܹܗ ܟܠܔ ܒܘܼܟ݂ܪܵܐ ܒܐܲܪܥܵܝܗܝ،
ܪܹܝܫܝܼܬܵܐ ܕܟܠܹܗ ܥܘܼܫܢܵܝܗܝ.
37 ܗ̇ܝܓܵܗ ܦܘܼܠܸܛ ܠܹܗ ܠܥܲܡܹܗ ܒܣܹܐܡܵܐ ܘܒܕܲܗܒ݂ܵܐ،
ܘܠܲܝܬ ܗܘܵܐ ܒܫܲܒ݂ܛܘܼ̈ܗܝ ܬܲܪܩܸܠܵܢܵܐ.
38 ܚܕܹܐ ܠܵܗ̇ ܡܸܨܪܹܝܢ ܒܦܠܵܛܬܵܝܗܝ،
ܣܵܒܵܒ ܢܦܝܼܠܔ ܠܵܗ̇ ܙܕܘܼܥܬܵܝܗܝ ܥܲܠܵܝܗܝ.
39 ܦܪܝܼܣ ܠܹܗ ܥܢܵܢܵܐ ܠܟܲܣܲܝܬܵܐ،
ܘܢܘܼܪܵܐ ܠܒܲܗܪܘܼܢܹܐ ܒܠܲܝܠܹܐ.
40 ܛܠܝܼܒ ܠܗܘܿܢ ܘܡܘܼܝܬܹܐ ܠܹܗ ܩܘܼܦܫܝܼܢܹ̈ܐ،
ܘܒܠܲܚܡܵܐ ܕܫܡܲܝܵܐ ܡܘܼܣܒܸܥܵܝ ܠܹܗ.
41 ܦܬܝܼܚ ܠܹܗ ܐܝܼܨܵܪܵܐ ܘܓ̰ܪܹܐ ܠܗܘܿܢ ܡ̈ܝܼܵܐ،
ܐܙܝܼܠܔ ܠܗܘܿܢ ܐܲܝܟ݂ ܢܲܗܪܵܐ ܒܐܲܪ̈ܥܵܬܹܐ ܨܹܗܝܹ̈ܐ.
42 ܣܵܒܵܒ ܕܟ݂ܝܼܪܹܗ ܠܚܲܒܪܵܐ ܕܩܘܼܕܫܹܗ
ܠܐܲܒ݂ܪܵܗܵܡ ܪܹܓܹܗ،
43 ܦܘܼܠܸܛ ܠܹܗ ܠܥܲܡܹܗ ܒܚܲܕܘܼܬܵܐ،
ܠܓܘܼܒܝܘܼ̈ܗܝ ܒܩܲܘܲܚܬܵܐ.
44 ܘܝܘܼܗܒܹܠܔ ܠܹܗ ܐܸܠܵܝܗܝ ܐܲܪ̈ܥܵܬܹܐ ܕܐܸܡܘܵܬܹ̈ܐ،
ܘܥܲܡܠܵܐ ܕܥܲܡܡܹ̈ܐ ܝܪܝܼܬ ܠܗܘܿܢ،
45 ܩܵܐ ܕܢܵܛܪܝܼ ܩܵܢܘܿܢܘܼ̈ܗܝ،
ܘܚܲܡܝܼ ܢܵܡܘܿܣܹܗ. ܗܲܠܸܠܘܼܝܵܐ