14
ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ.
1 ܐܡܝܼܪܹܗ ܣܲܟ݂ܠܵܐ ܒܠܸܒܹܗ: ”ܠܲܝܬ ܐܲܠܵܗܵܐ.“
ܚܪܝܼܒܹܐ ܝܢܵܐ، ܥܒ݂ܝܼܕ ܠܗܘܿܢ ܦܘܼܠܚܵܢܹ̈ܐ ܛܲܢ̈ܦܹܐ،
ܠܲܝܬ ܥܵܒ݂ܕܵܢܵܐ ܕܛܵܒ݂ܬܵܐ.
2 ܡܵܪܝܵܐ ܡ̣ܢ ܫܡܲܝܵܐ ܓܘܼܫܸܩ ܠܹܗ ܥܲܠܔ ܒܢܲܝ̈ܢܵܫܵܐ،
ܠܸܚܙܵܝܵܐ ܐܸܢ ܐܝܼܬ ܦܲܪܡܝܼܵܢܵܐ،
ܛܵܥܝܵܢܵܐ ܠܐܲܠܵܗܵܐ.
3 ܟܠܵܝܗܝ ܩܠܝܼܒ ܠܗܘܿܢ، ܡܸܚܕܵܕܹ̈ܐ ܗܘܹܐ ܠܗܘܿܢ ܛܲܡܐܹ̈ܐ،
ܠܲܝܬ ܥܵܒ݂ܕܵܢܵܐ ܕܛܵܒ݂ܬܵܐ، ܠܲܝܬ ܐܘܼܦ ܚܲܕ.
4 ܗܵܐ، ܠܵܐ ܝܕܝܼܥ ܠܗܘܿܢ ܟܠܵܝܗܝ ܦܵܠܚܵܢܹ̈ܐ ܕܥܵܘܠܵܐ،
ܕܟܹܐ ܐܵܟ݂ܠܝܼ ܠܥܲܡܝܼ ܐܲܝܟ݂ ܕܐܵܟ݂ܠܝܼ ܠܲܚܡܵܐ،
ܘܠܡܵܪܝܵܐ ܠܹܐ ܩܵܪܝܼ؟
5 ܬܵܡܵܐ ܙܕܝܼܥ ܠܗܘܿܢ ܙܕܘܼܥܬܵܐ،
ܒܗ̇ܝ ܕܐܲܠܵܗܵܐ ܝܼܠܹܗ ܥܲܡ ܬܵܘܠܲܕܬܵܐ ܙܲܕܝܼܩܬܵܐ.
6 ܡܸܠܟܵܐ ܕܡܸܣܟܹܢܵܐ ܟܹܐ ܡܲܣܠܹܝܬܘܿܢ،
ܐܝܼܢܵܐ ܡܵܪܝܵܐ ܝܠܹܗ ܒܹܝܬ ܓܵܘܣܹܗ.
7 ܛܘܼܒ݂ܵܐ ܕܐܵܬܹܐ ܡ̣ܢ ܨܸܗܝܘܿܢ ܦܘܼܪܩܵܢܵܐ ܕܐܝܼܣܪܵܐܹܝܠܔ؛
ܐܝܼܡܲܢ ܕܡܲܕܸܪ ܡܵܪܝܵܐ ܠܥܲܡܹܗ ܡ̣ܢ ܓܵܠܘܼܬܵܐ،
ܒܸܬ ܦܵܨܹܚ ܝܲܥܩܘܿܒ݂، ܒܸܬ ܚܵܕܹܐ ܐܝܼܣܪܵܐܹܝܠܔ.