16
ܡܸܟ݂ܬܵܡ ܕܕܘܝܕ.
1 ܢܛܘܿܪܝܼ، ܝܵܐ ܐܲܠܵܗܵܐ، ܒܗ̇ܝ ܕܫܩܝܼܠܔ ܠܝܼ ܓܵܘܣܵܐ ܒܝܼܘܼܟ݂.
2 ܐܡܝܼܪܝܼ ܠܡܵܪܝܵܐ: ”ܡܵܪܝܼ ܝܘܸܬ ܐܲܢ݇ܬ،
ܛܵܒ݂ܬܵܐ ܠܲܝܬ ܠܝܼ ܫܒ݂ܘܿܩ ܡܸܢܘܼܟ݂.“
3 ܒܘܼܬ ܩܲܕܝܼܫܹ̈ܐ ܕܒܐܲܪܥܵܐ، ܕܝܼܢܵܐ ܚܩܝܼܪܹ̈ܐ،
ܟܠܵܝܗܝ ܒܘܼܣܵܡܝܼ ܒܝܼܵܝܗܝ ܝܠܹܗ.
4 ܒܸܬ ܙܵܝܕܝܼ ܐܘܼܠܨܵܢܹ̈ܐ ܕܐܵܢܝܼ ܕܪܵܚܛܝܼ ܒܵܬܪ ܐܲܠܵܗܵܐ ܐܚܹܪܢܵܐ،
ܠܹܐ ܨܲܢܨܸܠܸܢ ܢܘܼܩܵܝܵܝ̈ܗܝ ܕܕܸܡܵܐ،
ܘܠܹܐ ܡܲܕܟܸܪܸܢ ܫܸܡܵܢܵܝ̈ܗܝ ܥܲܠܔ ܣܸܦܘܵܬܝܼ̈.
5 ܡܵܪܝܵܐ ܝܠܹܗ ܣܵܗܡܝܼ ܘܟܵܣܝܼ،
ܐܲܢ݇ܬ ܕܒ݂ܝܼܩܵܐ ܝܘܸܬ ܒܐܝܼܕܘܼܟ݂ ܦܸܫܟܝܼ.
6 ܟܝܘܼܠܹ̈ܐ ܢܦܝܼܠܔ ܠܗܘܿܢ ܐܸܠܝܼ ܒܕܘܼܟܵܢܹ̈ܐ ܒܲܣܝܼܡܹ̈ܐ،
ܐܘܼܦ ܝܵܪܬܘܼܬܝܼ ܫܦܝܼܪܵܗ̇ ܒܥܲܝܢܝܼ̈.
7 ܒܸܬ ܒܲܪܟܸܢ ܠܡܵܪܝܵܐ ܕܥܒ݂ܝܼܕ ܠܹܗ ܡܸܠܟܵܐ ܐܸܠܝܼ،
ܐܘܼܦ ܒܠܲܝܠܵܘܵܬܹ̈ܐ ܟܹܐ ܬܲܥܠܸܡ ܠܝܼ ܪܸܥܝܵܢܝܼ.
8 ܡܘܼܬܸܒ݂ ܠܝܼ ܠܡܵܪܝܵܐ ܒܲܠܩܘܼܒ݂ܠܝܼ ܐܲܡܝܼܢܵܐܝܼܬ،
ܣܵܒܵܒ ܡ̣ܢ ܝܲܡܝܼܢܝܼ ܝܠܹܗ، ܠܹܐ ܫܵܥܫܹܢ.
9 ܒܘܼܬ ܐܵܗܵܐ، ܚܕܹܐ ܠܹܗ ܠܸܒܝܼ ܘܦܨܝܼܚ ܠܵܗ̇ ܓܵܢܝܼ،
ܐܘܼܦ ܦܲܓ݂ܪܝܼ ܒܸܬ ܫܵܪܹܐ ܒܫܲܝܢܵܐ.
10 ܣܵܒܵܒ ܠܹܐ ܫܵܒ݂ܩܹܬ ܠܓܵܢܝܼ ܒܫܝܘܿܠܔ،
ܠܹܐ ܝܵܗܒܹܬ ܠܩܲܕܝܼܫܘܼܟ݂ ܠܸܚܙܵܝܵܐ ܚܪܵܒ݂ܵܐ.
11 ܒܸܬ ܡܲܕܥܸܬ ܠܝܼ ܐܘܼܪܚܵܐ ܕܚܲܝܹ̈ܐ،
ܣܘܼܒ݂ܵܥܬܵܐ ܕܚܲܕܘܼܝܵܬܹ̈ܐ ܐܝܼܬ ܒܗܸܙܘܼܪܘܼܟ݂،
ܒܘܼܣܵܡܹ̈ܐ ܒܝܲܡܝܼܢܘܼܟ݂ ܠܥܵܠܲܡ.