18
ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ ܪܓܐ ܕܡܪܝܐ، ܕܗܘܡܙܡ ܠܗ ܠܡܪܝܐ ܗܡܙܡܢ̈ܐ ܕܐܗܐ ܙܡܪܬܐ ܒܝܘܡܐ ܕܩܡ ܦܨܐ ܠܗ ܡ̣ܢ ܐܝܕܐ ܕܟܠܝܗܝ ܕܫ̃ܡܢܘ̈ܗܝ ܘܡ̣ܢ ܐܝܕܐ ܕܫܐܘܠܔ.
1 ܘܐܡܝܼܪܹܗ: ܟܹܐ ܡܲܚܸܒܸܢܘܼܟ݂ ܡܵܪܝܵܐ، ܚܲܝܠܝܼ.
2 ܡܵܪܝܵܐ ܩܵܝܝܼ ܝܠܹܗ، ܘܚܸܣܢܝܼ، ܘܦܲܨܝܵܢܝܼ،
ܐܲܠܵܗܵܐ ܐܝܼܨܵܪܝܼ ܕܫܵܩܠܹܢ ܓܵܘܣܵܐ ܒܝܼܹܗ،
ܡܵܛܵܠܝܼ، ܩܲܠܥܝܼ ܘܚܲܝܠܵܐ ܕܦܘܼܪܩܵܢܝܼ.
3 ܒܸܬ ܩܵܪܹܝܢ ܠܡܵܪܝܵܐ ܕܝܼܠܹܗ ܡܫܘܼܒܚܵܐ،
ܘܡ̣ܢ ܕܸܫ̃ܡܸܢܝܼ̈ ܒܸܬ ܦܵܝܫܹܢ ܦܘܼܪܩܵܐ.
4 ܟܪܝܼܟܸܢܗܘܿܢ ܚܸܒ݂ܠܹ̈ܐ ܕܡܵܘܬܵܐ،
ܛܵܘܦܵܢܹ̈ܐ ܣܸܪ̈ܝܹܐ ܨܦܝܼܚ ܠܗܘܿܢ ܥܲܠܝܼ.
5 ܚܲܒ݂ܠܹ̈ܐ ܕܫܝܘܿܠܔ ܩܵܡ ܚܲܪܕܝܼ ܠܝܼ،
ܬܦܝܼܩ ܠܗܘܿܢ ܒܝܼܝܼ ܢܸܫܒܹ̈ܐ ܕܡܵܘܬܵܐ.
6 ܟܲܕ ܥܝܼܩ ܠܵܗ̇ ܐܸܠܝܼ، ܩܪܹܐ ܠܝܼ ܠܡܵܪܝܵܐ،
ܘܡܘܼܩܘܸܚ ܠܝܼ ܠܐܲܠܵܗܝܼ،
ܫܡܝܼܥ ܠܹܗ ܡ̣ܢ ܗܲܝܟܠܹܗ ܩܵܠܝܼ،
ܘܓܥܵܝܬܝܼ ܩܲܕܡܘܼܗܝ ܡܛܹܐ ܠܵܗ̇ ܠܢܵܬܝܵܬܘܼ̈ܗܝ.
7 ܗ̇ܝܓܵܗ ܫܥܝܼܫ ܠܵܗ̇ ܘܕܘܼܪܘܸܕ ܠܵܗ̇ ܐܲܪܥܵܐ،
ܪܓܝܼܕ ܠܗܘܿܢ ܘܫܥܝܼܫ ܠܗܘܿܢ ܒܸܢܝܲܬܹ̈ܐ ܕܛܘܼܪ̈ܵܢܹܐ،
ܡ̣ܢ ܚܸܡܬܵܐ ܕܟܲܪܒܹܗ.
8 ܐܣܝܼܩ ܠܹܗ ܬܸܢܵܐ ܡ̣ܢ ܢܵܚܝܼܪܹܗ،
ܘܢܘܼܪܵܐ ܐܵܟ݂ܘܿܠܵܐ ܡ̣ܢ ܦܘܼܡܹܗ،
ܓܘܼܡܪܹ̈ܐ ܠܒ݂ܝܼܟ݂ ܠܗܘܿܢ ܡܸܢܹܗ،
9 ܡܘܼܟܸܦ ܠܹܗ ܫܡܲܝܹ̈ܐ ܘܨܠܹܐ ܠܹܗ،
ܟܲܕ ܥܲܝܒ݂ܵܐ ܚܸܫܟܵܢܬܵܐ ܬܚܘܿܬ ܐܲܩܠܵܬܘܼ̈ܗܝ.
10 ܪܟܝܼܒ݂ ܠܹܗ ܥܲܠܔ ܟܪܘܿܒ݂ܵܐ ܘܦܪܝܼܚ ܠܹܗ،
ܘܣܛܹܐ ܠܹܗ ܥܲܠܔ ܓܘܼܠܦܵܢܹ̈ܐ ܕܦܵܘܚܵܐ.
11 ܥܒ݂ܝܼܕ ܠܹܗ ܠܚܸܫܟܵܐ ܣܸܬܵܪܹܗ، ܡܛܲܠܠܹܗ ܚܵܕܸܪ̈ܘܵܢܘܼܗܝ،
ܠܚܸܫܟܵܐ ܕܡ̈ܝܼܵܐ، ܥܲܝܒ݂ܵܬܹ̈ܐ ܕܪܩܝܼܥܵܐ.
12 ܡ̣ܢ ܫܲܦ̮ܩܵܐ ܕܩܲܕܡ ܦܵܬܹܗ ܥܲܝܒ݂ܵܬܘܼ̈ܗܝ ܡܘܼܥܪܹܐ ܠܗܘܿܢ
ܒܲܪܕܵܐ ܘܓܘܼܡܪܹ̈ܐ ܕܢܘܼܪܵܐ.
13 ܘܩܘܼܪܩܸܡ ܠܹܗ ܒܫܡܲܝܵܐ ܡܵܪܝܵܐ،
ܘܥܸܠܵܝܵܐ ܝܘܼܗܒܹܠܔ ܠܹܗ ܩܵܠܹܗ،
ܒܲܪܕܵܐ ܘܓܘܼܡܪܹ̈ܐ ܕܢܘܼܪܵܐ.
14 ܘܫܘܼܕܸܪܹܗ ܓܹܐܪ̈ܘܼܗܝ ܘܒܘܼܪܒܸܙܵܝ ܠܹܗ،
ܘܫܘܼܕܸܪܹܗ ܒܸܪ̈ܩܹܐ ܪܵܒܵܐ ܘܚܒ݂ܝܼܛܵܝ ܠܹܗ.
15 ܘܡܘܼܒܝܸܢܗܘܿܢ ܪ̈ܵܗܛܹܐ ܕܡ̈ܝܼܵܐ،
ܘܦܝܼܫ ܠܗܘܿܢ ܓܸܠܝܹܐ ܫܘܼܬܐܵܣܹ̈ܐ ܕܬܹܒܹܝܠܔ،
ܡ̣ܢ ܢܓ̰ܵܘܬܘܼܟ݂، ܝܵܐ ܡܵܪܝܵܐ،
ܡ̣ܢ ܢܫܲܡܬܵܐ ܕܦܵܘܚܵܐ ܕܢܵܚܝܼܪܘܼܟ݂.
16 ܫܘܼܕܸܪܹܗ ܡ̣ܢ ܪܵܘܡܵܐ ܓ̰ܢܝܼܒܸܢܹܗ،
ܓܪܝܼܫܸܢܹܗ ܡ̣ܢ ܡ̈ܝܼܵܐ ܙܲܪ̈ܒܵܢܹܐ.
17 ܩܵܡ ܦܲܨܹܐ ܠܝܼ ܡ̣ܢ ܕܸܫ̃ܡܸܢܝܼ̈ ܚܲܝܠܵܢܹ̈ܐ،
ܘܡ̣ܢ ܣܵܢܝܵܢܝܼ̈ ܕܝܼܢܵܐ ܒܘܼܫ ܙܲܪ̈ܒܵܢܹܐ ܡܸܢܝܼ.
18 ܐܬܹܐ ܠܗܘܿܢ ܥܲܠܝܼ ܒܝܵܘܡܵܐ ܕܓܘܼܢܚܝܼ،
ܐܝܼܢܵܐ ܗܘܹܐ ܠܹܗ ܡܵܪܝܵܐ ܣܢܵܕܬܵܐ ܐܸܠܝܼ.
19 ܘܦܘܼܠܛܸܢܹܗ ܠܪܘܵܚܵܢܝܼ،
ܩܵܡ ܦܲܨܹܐ ܠܝܼ ܒܗ̇ܝ ܕܒܣܝܼܡ ܠܵܗ̇ ܠܹܗ ܒܝܼܝܼ.
20 ܩܵܡ ܦܵܪܹܥ ܠܝܼ ܡܵܪܝܵܐ ܐܲܝܟ݂ ܙܲܕܝܼܩܘܼܬܝܼ،
ܐܲܝܟ݂ ܕܸܟ݂ܝܘܼܬܵܐ ܕܐܝܼܕܵܬܝܼ̈ ܡܘܼܕܸܪܹܗ ܐܸܠܝܼ.
21 ܣܵܒܵܒ ܢܛܝܼܪܝܼ ܐܘܼܪ̈ܚܵܬܹܐ ܕܡܵܪܝܵܐ،
ܘܒܪܲܫܝܼܥܘܼܬܵܐ ܠܵܐ ܦܪܝܼܫ ܠܝܼ ܡ̣ܢ ܐܲܠܵܗܝܼ.
22 ܣܵܒܵܒ ܟܠܵܝܗܝ ܕܝܼܘܵܢܘܼ̈ܗܝ ܠܒܲܠܩܘܼܒ݂ܠܝܼ ܝܢܵܐ،
ܘܡ̣ܢ ܩܵܢܘܿܢܘܼ̈ܗܝ ܠܵܐ ܕܝܼܪܝܼ.
23 ܘܗܘܹܐ ܠܝܼ ܬܲܡܝܼܡܵܐ ܥܲܡܹܗ،
ܘܢܛܝܼܪܝܼ ܓܵܢܝܼ ܡ̣ܢ ܥܵܘܠܝܼ.
24 ܒܘܼܬ ܐܵܗܵܐ، ܡܘܼܕܸܪܹܗ ܐܸܠܝܼ ܡܵܪܝܵܐ ܐܲܝܟ݂ ܙܲܕܝܼܩܘܼܬܝܼ،
ܐܲܝܟ݂ ܕܸܟ݂ܝܘܼܬܵܐ ܕܐܝܼܕܵܬܝܼ̈ ܩܲܕܡ ܥܲܝܢܘܼ̈ܗܝ.
25 ܥܲܡ ܡܪܲܚܡܵܢܵܐ ܟܹܐ ܗܵܘܹܝܬ ܡܪܲܚܡܵܢܵܐ،
ܥܲܡ ܓܲܒ݂ܪܵܐ ܬܲܡܝܼܡܵܐ ܟܹܐ ܗܵܘܹܝܬ ܬܲܡܝܼܡܵܐ؛
26 ܥܲܡ ܕܸܟ݂ܝܵܐ ܟܹܐ ܗܵܘܹܝܬ ܕܸܟ݂ܝܵܐ،
ܘܥܲܡ ܦܟ̰ܝܼܠܵܐ ܟܹܐ ܗܵܘܹܝܬ ܝܵܕܘܿܥܵܐ.
27 ܣܵܒܵܒ ܐܲܢ݇ܬ ܟܹܐ ܦܲܪܩܹܬ ܥܲܡܵܐ ܡܸܣܟܹܢܵܐ،
ܐܝܼܢܵܐ ܥܲܝ̈ܢܹܐ ܪ̈ܵܡܵܢܹܐ ܟܹܐ ܡܲܟܸܦܸܬ.
28 ܣܵܒܵܒ ܐܲܢ݇ܬ ܟܹܐ ܒܲܗܪܸܢܸܬ ܫܪܵܓ݂ܝܼ،
ܡܵܪܝܵܐ ܐܲܠܵܗܝܼ ܟܹܐ ܒܲܗܪܸܢ ܚܸܫܟܝܼ.
29 ܣܵܒܵܒ ܒܝܼܘܼܟ݂ ܡܵܨܹܝܢ ܪܵܚܛܹܢ ܥܲܠܔ ܓܲܝܣܵܐ،
ܘܒܐܲܠܵܗܝܼ ܡܵܨܹܝܢ ܫܵܘܪܹܢ ܡܥܲܠܔ ܫܘܼܪܵܐ.
30 ܬܲܡܝܼܡܬܵܐ ܝܠܵܗ̇ ܐܘܼܪܚܵܐ ܕܐܲܠܵܗܵܐ،
ܚܲܒܪܵܐ ܕܡܵܪܝܵܐ ܨܘܼܪܸܦܵܐ ܝܠܹܗ،
ܡܵܛܵܠܵܐ ܝܠܹܗ ܠܟܠܔ ܡ̇ܢ ܕܫܵܩܹܠܔ ܓܵܘܣܵܐ ܒܝܼܹܗ.
31 ܣܵܒܵܒ ܡܵܢܝܼ ܝܠܹܗ ܐܲܠܵܗܵܐ ܫܒ݂ܘܿܩ ܡ̣ܢ ܡܵܪܝܵܐ؟
ܘܡܵܢܝܼ ܝܠܹܗ ܐܝܼܨܵܪܵܐ ܫܒ݂ܘܿܩ ܡ̣ܢ ܐܲܠܵܗܲܢ؟
32 ܐܲܠܵܗܵܐ ܕܟܹܐ ܡܲܠܒܸܫ ܠܝܼ ܚܲܝܠܵܐ،
ܥܒ݂ܝܼܕ ܠܹܗ ܐܘܼܪܚܝܼ ܬܲܡܝܼܡܬܵܐ.
33 ܟܹܐ ܥܵܒܹܕ ܐܲܩܠܵܬܝܼ̈ ܐܲܝܟ݂ ܐܲܩܠܹ̈ܐ ܕܐܲܝ̈ܠܹܐ،
ܘܥܲܠܔ ܕܘܼܟܵܢܝܼ̈ ܪ̈ܵܡܹܐ ܟܹܐ ܡܲܟܠܹܐ ܠܝܼ.
34 ܟܹܐ ܬܲܠܡܸܕ ܐܝܼܕܵܬܝܼ̈ ܠܦܠܵܫܵܐ،
ܕܡܵܬܚܝܼ ܕܪ̈ܵܥܢܵܢܝܼ ܩܸܫܬܵܐ ܕܢܚܵܫܵܐ.
35 ܩܵܡ ܝܵܗܒܹܬ ܠܝܼ ܡܵܛܵܠܵܐ ܕܦܘܼܪܩܵܢܘܼܟ݂،
ܘܝܲܡܝܼܢܘܼܟ݂ ܩܵܡ ܣܵܢܕܵܐ ܠܝܼ،
ܘܓ̰ܲܘܲܒܬܘܼܟ݂ ܐܸܠܝܼ ܩܵܡ ܓܲܪܘܸܣܵܐ ܠܝܼ.
36 ܡܘܼܪܘܸܚ ܠܘܼܟ݂ ܐܘܼܪܚܝܼ ܩܵܐ ܦܵܣܘܿܥܝܵܬܝܼ̈،
ܗܵܕܵܐ ܕܠܵܐ ܫܥܝܼܫ ܠܗܘܿܢ ܦܟ̰ܘܼܪܹ̈ܐ ܕܐܲܩܠܵܬܝܼ̈.
37 ܢܦܝܼܠܔ ܠܝܼ ܒܵܬܪ ܕܸܫ̃ܡܸܢܝܼ̈ ܘܛܘܼܠܩܵܝ ܠܝܼ،
ܘܠܵܐ ܕܝܼܪܝܼ ܗܲܠܔ ܬܝܵܡܬܵܝܗܝ.
38 ܒܠܝܼܣܵܝ ܠܝܼ ܘܠܹܐ ܡܵܨܝܼ ܩܵܝܡܝܼ،
ܢܦܝܼܠܔ ܠܗܘܿܢ ܬܚܘܿܬ ܐܲܩܠܵܬܝܼ̈.
39 ܘܫܩܝܼܠܔ ܠܝܼ ܚܲܝܠܵܐ ܠܦܠܵܫܵܐ،
ܡܘܼܒܪܸܟ ܠܘܼܟ݂ ܬܚܘܿܬܝܼ ܠܩܵܝܡܵܢܹ̈ܐ ܕܥܲܠܝܼ.
40 ܘܕܸܫ̃ܡܸܢܝܼ̈ ܡܘܼܥܒܸܕ ܠܘܼܟ݂ ܕܥܵܪܩܝܼ ܡ̣ܢ ܩܲܕܡܝܼ،
ܝܘܼܗܒܹܠܔ ܠܘܼܟ݂ ܐܸܠܝܼ ܕܛܲܠܩܸܢ ܠܣܵܢܝܵܢܝܼ̈.
41 ܡܘܼܩܘܸܚ ܠܗܘܿܢ، ܐܝܼܢܵܐ ܠܲܝܬ ܗܘܵܐ ܦܲܪܩܵܢܵܐ،
ܡܘܼܩܘܸܚ ܠܗܘܿܢ ܠܡܵܪܝܵܐ، ܘܠܵܐ ܓ̰ܘܼܘܸܒܵܝ ܠܹܗ.
42 ܘܕܘܼܩܕܸܩܵܝ ܠܝܼ ܐܲܝܟ݂ ܥܲܦܪܵܐ ܩܲܕܡ ܦܵܘܚܵܐ،
ܐܲܝܟ݂ ܛܝܼܢܵܐ ܕܥܵܠܘܿܠܹ̈ܐ ܪܘܼܦܝܵܝ ܠܝܼ.
43 ܘܩܵܡ ܦܲܨܹܝܬ ܠܝܼ ܡ̣ܢ ܡܲܩܲܪ̈ܵܨܘܼܝܵܬܹܐ ܕܥܲܡܵܐ،
ܩܵܡ ܡܲܬܒܸܬ ܠܝܼ ܠܪܹܝܫܵܢܘܼܬܵܐ ܕܐܸܡܘܵܬܹ̈ܐ،
ܥܲܡܵܐ ܕܠܹܐ ܝܘܸܢ ܝܕܝܼܥܹܗ ܒܸܬ ܦܵܠܹܚ ܐܸܠܝܼ.
44 ܟܲܕ ܫܵܡܥܵܐ ܢܵܬܵܝܗܝ، ܒܸܬ ܨܵܝܬܝܼ ܐܸܠܝܼ،
ܒܢܲܝ̈ ܢܘܼܟ݂ܪ̈ܵܝܹܐ ܒܸܬ ܫܵܠܡܝܼ ܐܸܠܝܼ.
45 ܒܢܲܝ̈ ܢܘܼܟ݂ܪ̈ܵܝܹܐ ܒܸܬ ܛܲܠܩܝܼ ܓ̰ܘܼܪܐܲܬܵܝܗܝ،
ܘܪܲܬܪܘܼܬܹܐ ܒܸܬ ܦܵܠܛܝܼ ܡ̣ܢ ܩܲܠܥܵܬܵܝ̈ܗܝ.
46 ܚܵܝܵܐ ܝܠܹܗ ܡܵܪܝܵܐ ܘܒܪܝܼܟ݂ܵܐ ܝܠܹܗ ܐܝܼܨܵܪܝܼ،
ܘܪܘܼܡܪܵܡܵܐ ܠܐܲܠܵܗܵܐ ܕܦܘܼܪܩܵܢܝܼ.
47 ܐܲܠܵܗܵܐ ܫܵܩܠܵܢܵܐ ܕܬܘܼܥܠܵܐ ܝܠܹܗ ܩܵܬܝܼ،
ܘܙܲܒܛܸܢܵܢܵܐ ܕܥܲܡܡܹ̈ܐ ܬܚܘܿܬ ܐܲܩܠܝܼ.
48 ܟܹܐ ܦܲܨܹܐ ܠܝܼ ܡ̣ܢ ܕܸܫ̃ܡܸܢܝܼ̈،
ܘܟܹܐ ܡܲܪܡܹܝܬ ܠܝܼ ܠܥܸܠܔ ܡ̣ܢ ܩܵܝܡܵܢܹ̈ܐ ܕܥܲܠܝܼ،
ܡ̣ܢ ܐܢܵܫܵܐ ܕܛܠܘܼܡܝܵܐ ܟܹܐ ܦܲܨܹܝܬ ܠܝܼ.
49 ܒܘܼܬ ܐܵܗܵܐ، ܒܸܬ ܫܲܟܪܸܢܘܼܟ݂ ܓܵܘ ܐܸܡܘܵܬܹ̈ܐ، ܝܵܐ ܡܵܪܝܵܐ،
ܘܠܫܸܡܘܼܟ݂ ܒܸܬ ܙܵܡܪܹܢ.
50 ܒܘܼܪܓ̰ܵܐ ܕܦܘܼܪܩܵܢܵܐ ܝܠܹܗ ܠܡܲܠܟܹܗ،
ܘܥܵܒ݂ܕܵܢܵܐ ܕܛܲܝܒܘܼܬܵܐ ܠܡܫܝܼܚܹܗ،
ܠܕܵܘܝܼܕ ܘܠܙܲܪܥܹܗ ܗܲܠܔ ܥܵܠܲܡ.