32
ܡܙܡܘܪܐ ܕܕܘܝܕ. ܡܲܣܟܝܼܠܔ.
1 ܛܘܼܒ݂ܵܐ ܠܗ̇ܘ ܕܦܝܼܫܬܵܐ ܝܠܵܗ̇ ܦܘܼܚܸܠܬܵܐ ܓܢܵܗܹܗ، ܘܡܘܼܟܸܣܬܵܐ ܝܠܵܗ̇ ܚܛܝܼܬܹܗ.
2 ܛܘܼܒ݂ܵܐ ܠܐܢܵܫܵܐ ܕܠܵܐ ܚܲܫܒܸܢ ܡܵܪܝܵܐ ܐܸܠܹܗ ܥܵܘܠܵܐ،
ܘܠܗ̇ܘ ܕܠܲܝܬ ܒܪܘܼܚܹܗ ܦܸܠܡܵܐ.
3 ܡ̣ܢ ܫܸܬܩܝܼ ܒܠܹܐ ܠܗܘܿܢ ܓܲܪ̈ܡܝܼ،
ܒܬܲܢܲܚܬܝܼ ܟܠܹܗ ܝܵܘܡܵܐ.
4 ܣܵܒܵܒ ܒܐܝܼܡܵܡܵܐ ܘܒܠܲܝܠܹܐ ܝܘܼܩܪܸܢܵܗ̇ ܥܲܠܝܼ ܐܝܼܕܘܼܟ݂،
ܚܕܝܼܪܵܗ̇ ܬܲܠܝܼܠܘܼܬܝܼ ܠܒܸܪ̈ܙܹܐ ܕܩܲܝܛܵܐ.
ܣܹܠܵܗ
5 ܚܛܝܼܬܝܼ ܡܘܼܕܸܥ ܠܝܼ ܐܸܠܘܼܟ݂ ܘܥܵܘܠܝܼ ܠܵܐ ܟܘܼܣܹܐ ܠܝܼ،
ܐܡܝܼܪܝܼ: ”ܒܸܬ ܡܵܘܕܸܢܗܘܿܢ ܓܢܵܗܝܼ̈ ܠܡܵܪܝܵܐ،“
ܘܐܲܢ݇ܬ ܫܒ݂ܝܼܩ ܠܘܼܟ݂ ܥܵܘܠܵܐ ܕܚܛܝܼܬܝܼ.
ܣܹܠܵܗ
6 ܒܘܼܬ ܐܵܗܵܐ، ܒܸܬ ܨܲܠܹܐ ܟܠܔ ܛܵܒ݂ܵܐ ܐܸܠܘܼܟ݂ ܟܲܕ ܐܝܼܬ ܦܘܼܪܣܵܐ،
ܒܫܪܵܪܵܐ، ܐܝܼܡܲܢ ܕܫܵܦܟ݂ܝܼ ܡ̈ܝܼܵܐ ܪܵܒܵܐ، ܠܹܐ ܡܵܛܝܼ ܐܸܠܹܗ.
7 ܐܲܢ݇ܬ ܣܸܬܵܪܵܐ ܝܘܸܬ ܩܵܬܝܼ، ܒܸܬ ܢܵܛܪܹܬ ܠܝܼ ܡ̣ܢ ܥܵܘܩܵܢܵܐ،
ܒܩܲܘܲܚ̈ܝܵܬܹܐ ܕܦܘܼܪܩܵܢܵܐ ܒܸܬ ܟܵܪܟܹܬ ܠܝܼ.
ܣܹܠܵܗ
8 ܒܸܬ ܡܲܦܪܸܡܸܢܘܼܟ݂ ܘܒܸܬ ܡܲܠܦܸܢܘܼܟ݂ ܒܐܘܼܪܚܵܐ ܕܐܵܙܹܠ݇ܬ،
ܒܸܬ ܥܵܒ݂ܕܹܢ ܡܸܠܟܵܐ ܟܲܕ ܥܲܝܢܝܼ ܥܲܠܘܼܟ݂.
9 ܠܵܐ ܗܵܘܹܝܬܘܿܢ ܐܲܝܟ݂ ܣܘܼܣܵܐ ܝܲܢ ܐܲܝܟ݂ ܟܵܘܸܕܢܵܐ ܕܠܲܝܬ ܠܗܘܿܢ ܦܲܪܡܲܝܬܵܐ،
ܐܲܝܢܝܼ ܕܐܵܬܝܼ ܠܙܲܒܛܘܼܢܹܐ ܒܦܓ݂ܘܼܕܵܐ ܘܠܲܥܡܵܐ،
ܐܸܢ ܠܵܐ، ܠܹܐ ܩܲܪܒܸܢܝܼ ܐܸܠܘܼܟ݂.
10 ܪܵܒܵܐ ܝܢܵܐ ܕܲܪ̈ܕܹܐ ܕܪܲܫܝܼܥܵܐ،
ܐܝܼܢܵܐ ܣܵܒܪܵܢܵܐ ܒܡܵܪܝܵܐ ܛܲܝܒܘܼܬܵܐ ܒܸܬ ܟܵܪܟ݂ܵܐ ܠܹܗ.
11 ܚܕܹܝܡܘܼܢ ܒܡܵܪܝܵܐ ܘܦܨܘܿܚܘܼܢ، ܝܵܐ ܙܲܕܝܼܩܹ̈ܐ،
ܘܩܲܘܸܚܘܼܢ ܟܠܵܝܗܝ ܬܪ̈ܘܼܨܹܐ ܕܠܸܒܵܐ.