36
ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ ܪܓܐ ܕܡܪܝܐ.
1 ܥܵܘܠܵܐ ܟܹܐ ܚܵܫܹܒ݂ ܪܲܫܝܼܥܵܐ ܒܓܵܘܵܐ ܕܠܸܒܹܗ،
ܠܲܝܬ ܙܕܘܼܥܬܵܐ ܕܐܲܠܵܗܵܐ ܩܲܕܡ ܥܲܝܢܘܼ̈ܗܝ،
2 ܣܵܒܵܒ ܟܹܐ ܡܲܫܦܸܪܵܗ̇ ܓܵܢܹܗ ܒܥܲܝܢܘܼ̈ܗܝ،
ܗܵܕܵܐ ܕܠܵܐ ܡܲܫ݇ܟ̰ܸܚ ܠܥܵܘܠܹܗ ܘܣܵܢܹܐ ܠܹܗ.
3 ܗܹܡܸܙܡܵܢܹ̈ܐ ܕܦܘܼܡܹܗ ܥܵܘܠܵܐ ܘܦܸܠܡܵܐ،
ܫܠܹܐ ܠܹܗ ܡ̣ܢ ܠܦܲܪܡܘܼܝܹܐ ܘܠܸܥܒ݂ܵܕܵܐ ܛܵܒ݂ܬܵܐ.
4 ܥܵܘܠܵܐ ܟܹܐ ܬܲܚܡܸܢ ܥܲܠܔ ܫܘܝܼܬܹܗ،
ܟܹܐ ܟܵܠܹܐ ܥܲܠܔ ܐܘܼܪܚܵܐ ܠܵܐ ܨܦܵܝܝܼ،
ܒܝܼܫܬܵܐ ܠܹܐ ܡܲܣܠܹܐ.
5 ܡܵܪܝܵܐ ܗܲܠܔ ܫܡܲܝܵܐ ܝܠܵܗ̇ ܛܲܝܒܘܼܬܘܼܟ݂،
ܡܗܘܼܡܢܘܼܬܘܼܟ݂ ܗܲܠܔ ܥܢܵܢܹ̈ܐ.
6 ܙܲܕܝܼܩܘܼܬܘܼܟ݂ ܐܲܝܟ݂ ܛܘܼܪ̈ܵܢܹܐ ܕܐܲܠܵܗܵܐ ܝܠܵܗ̇،
ܕܝܼܘܵܢܘܼ̈ܟ݂ ܐܲܝܟ݂ ܬܗܘܿܡܵܐ ܓܘܼܪܵܐ،
ܒܲܪܢܵܫܵܐ ܘܗܲܝܘܵܢ ܟܹܐ ܦܲܪܩܸܬ، ܝܵܐ ܡܵܪܝܵܐ.
7 ܟܡܵܐ ܝܲܩܝܼܪܬܵܐ ܝܠܵܗ̇ ܛܲܝܒܘܼܬܘܼܟ݂، ܝܵܐ ܐܲܠܵܗܵܐ،
ܘܒܢܲܝ̈ܢܵܫܵܐ ܒܛܸܠܵܢܝܼܬܵܐ ܕܓܘܼܠܦܵܢܘܼ̈ܟ݂ ܟܹܐ ܫܵܩܠܝܼ ܓܵܘܣܵܐ.
8 ܟܹܐ ܫܵܬܝܼ ܣܒ݂ܵܥܬܵܝܗܝ ܡ̣ܢ ܫܲܡܝܼܢܘܼܬܵܐ ܕܒܲܝܬܘܼܟ݂،
ܘܡ̣ܢ ܢܲܗܪܵܐ ܕܒܲܣܝܼܡܘܼܝܵܬ̈ܘܼܟ݂ ܟܹܐ ܡܲܫܬܹܝܬ ܠܗܘܿܢ.
9 ܣܵܒܵܒ ܥܲܡܘܼܟ݂ ܝܼܠܹܗ ܡܲܒܘܼܥܵܐ ܕܚܲܝܹ̈ܐ،
ܒܒܲܗܪܘܼܟ݂ ܟܹܐ ܚܵܙܲܚ ܒܲܗܪܵܐ.
10 ܡܲܪܝܸܟ݂ ܛܲܝܒܘܼܬܘܼܟ݂ ܠܝܵܕܥܵܢܘܼ̈ܟ݂،
ܘܙܲܕܝܼܩܘܼܬܘܼܟ݂ ܠܬܪ̈ܘܼܨܹܐ ܕܠܸܒܵܐ.
11 ܠܵܐ ܐܵܬܝܵܐ ܥܲܠܝܼ ܐܲܩܠܵܐ ܕܫܲܒ݂ܗܸܪ̈ܵܢܹܐ،
ܘܐܝܼܕܵܐ ܕܪ̈ܲܫܝܼܥܹܐ ܠܵܐ ܫܵܥܫܵܐ ܠܝܼ.
12 ܬܵܡܵܐ ܢܦܝܼܠܔ ܠܗܘܿܢ ܦܵܠܚܵܢܹ̈ܐ ܕܥܵܘܠܵܐ،
ܦܝܼܫ ܠܗܘܿܢ ܚܘܼܪܙܸܦܹܐ ܘܠܹܐ ܡܵܨܝܼ ܩܵܝܡܝܼ.