57
ܠܪܝܫ ܓܘܕܐ ܕܙܡܪ̈ܐ. ܐܲܠܬܲܫܚܸܬ. ܡܸܟ݂ܬܵܡ ܕܕܘܝܕ، ܐܝܡܢ ܕܥܪܝܩ ܠܗ ܡ̣ܢ ܩܕܡ ܫܐܘܠܔ ܠܓܘ ܓܦܝܬܐ.
1 ܪܲܚܸܡ ܥܲܠܝܼ، ܝܵܐ ܐܲܠܵܗܵܐ، ܪܲܚܸܡ ܥܲܠܝܼ،
ܒܗ̇ܝ ܕܒܝܼܘܼܟ݂ ܒܸܫܩܵܠܵܐ ܝܠܵܗ̇ ܓܵܘܣܵܐ ܓܵܢܝܼ،
ܘܒܛܸܠܵܢܝܼܬܵܐ ܕܓܘܼܠܦܵܢܘܼ̈ܟ݂ ܒܸܬ ܫܵܩܠܹܢ ܓܵܘܣܵܐ،
ܗܲܠܔ ܕܥܵܒ݂ܪܝܼ ܐܘܼܠܨܵܢܹ̈ܐ.
2 ܒܸܬ ܩܵܪܹܝܢ ܠܐܲܠܵܗܵܐ ܥܸܠܵܝܵܐ،
ܠܐܲܠܵܗܵܐ ܕܟܹܐ ܬܲܡܸܡ ܟܠܔ ܡܸܢܕܝܼ ܩܵܬܝܼ.
3 ܒܸܬ ܫܲܕܸܪ ܡ̣ܢ ܫܡܲܝܵܐ ܘܦܲܪܸܩ ܠܝܼ،
ܒܸܬ ܠܵܐܹܡ ܠܗ̇ܘ ܕܝܼܠܹܗ ܛܲܚܛܘܼܚܹܐ ܠܝܼ،
ܣܹܠܵܗ
ܒܸܬ ܫܲܕܸܪ ܐܲܠܵܗܵܐ ܛܲܝܒܘܼܬܹܗ ܘܫܲܪܝܼܪܘܼܬܹܗ.
4 ܓܵܢܝܼ ܓܵܘܵܐ ܕܐܲܪ̈ܝܹܐ ܝܠܵܗ̇،
ܟܹܐ ܕܵܡܟܹܢ ܓܵܘܵܐ ܕܢܘܼܪܹ̈ܐ ܠܵܗܝܵܢܹ̈ܐ،
ܒܢܲܝ̈ܢܵܫܵܐ ܕܟܹܟܵܝ̈ܗܝ ܪܘܼܡܚܵܐ ܝܢܵܐ ܘܓܹܐܪܹ̈ܐ،
ܘܠܸܫܵܢܵܝܗܝ ܣܲܝܦܵܐ ܚܲܪܝܼܦܵܐ.
5 ܪܘܼܡ ܥܲܠܔ ܫܡܲܝܵܐ، ܝܵܐ ܐܲܠܵܗܵܐ،
ܥܲܠܔ ܟܠܵܗ̇ ܐܲܪܥܵܐ ܗܵܘܹܐ ܐܝܼܩܵܪܘܼܟ݂.
6 ܓܲܪܕܵܐ ܗܘܼܕܸܪܗܘܿܢ ܠܦܵܣܘܿܥܝܵܬܝܼ̈،
ܟܝܼܦ ܠܵܗ̇ ܓܵܢܝܼ،
ܚܦܝܼܪܗܘܿܢ ܓܘܼܒܵܐ ܒܐܘܼܪܚܝܼ،
ܐܝܼܢܵܐ ܒܓܵܢܵܝܗܝ ܢܦܝܼܠܔ ܠܗܘܿܢ ܒܓܵܘܹܗ.
ܣܹܠܵܗ
7 ܡܩܵܘܝܵܢܵܐ ܝܠܹܗ ܠܸܒܝܼ، ܝܵܐ ܐܲܠܵܗܵܐ، ܡܩܵܘܝܵܢܵܐ ܝܠܹܗ ܠܸܒܝܼ،
ܒܸܬ ܫܲܒܚܸܢ ܘܒܸܬ ܙܵܡܪܹܢ.
8 ܪܥܘܿܫܝ، ܝܵܐ ܓܵܢܝܼ! ܪܥܘܿܫܝ، ܩܝܼܬܵܪܵܐ ܘܟܸܢܵܪܵܐ!
ܒܸܬ ܡܲܪܥܸܫܸܢ ܠܨܲܦܪܵܐ.
9 ܒܸܬ ܫܲܟܪܸܢܘܼܟ݂ ܓܵܘ ܥܲܡܡܹ̈ܐ، ܝܵܐ ܡܵܪܝܵܐ،
ܒܸܬ ܙܵܡܪܹܢ ܐܸܠܘܼܟ݂ ܓܵܘ ܐܸܡܘܵܬܹ̈ܐ،
10 ܒܗ̇ܝ ܕܓܘܼܪܬܵܐ ܝܠܵܗ̇ ܗܲܠܔ ܫܡܲܝܵܐ ܛܲܝܒܘܼܬܘܼܟ݂،
ܘܗܲܠܔ ܥܢܵܢܹ̈ܐ ܫܲܪܝܼܪܘܼܬܘܼܟ݂.
11 ܪܘܼܡ ܥܲܠܔ ܫܡܲܝܵܐ، ܝܵܐ ܐܲܠܵܗܵܐ،
ܥܲܠܔ ܟܠܵܗ̇ ܐܲܪܥܵܐ ܗܵܘܹܐ ܐܝܼܩܵܪܘܼܟ݂.