87
ܡܙܡܘܪܐ ܕܒܢܲܝ̈ ܩܘܪܚ. ܙܡܪܬܐ.
1 ܫܲܬܐܸܣܬܵܐ ܕܡܕܝܼܢ݇ܬܹܗ ܒܛܘܼܪ̈ܵܢܹܐ ܕܩܘܼܕܫܵܐ ܝܠܵܗ̇.
2 ܟܹܐ ܡܲܚܸܒ ܡܵܪܝܵܐ ܕܲܪ̈ܘܵܙܹܐ ܕܨܸܗܝܘܿܢ،
ܒܘܼܫ ܡ̣ܢ ܟܠܵܝܗܝ ܡܲܫܟܢܹ̈ܐ ܕܝܲܥܩܘܿܒ݂.
3 ܚܲܒܪܹ̈ܐ ܡܝܘܼܩܪܹ̈ܐ ܗܘܼܡܙܸܡܹܐ ܝܢܵܐ ܒܘܼܬ ܕܝܼܵܟ݂ܝ،
ܝܵܐ ܡܕܝܼܢ݇ܬܵܐ ܕܐܲܠܵܗܵܐ.
ܣܹܠܵܗ
4 ܒܸܬ ܡܲܕܟܸܪܸܢ ܪܵܚܵܒ݂ ܘܒܵܒܹܠܔ ܓܵܘ ܝܵܕܥܵܢܝܼ̈،
ܗܵܐ، ܦܠܸܫܬ ܘܨܘܿܪ ܥܲܡ ܟܘܼܫ:
ܐܵܗܵܐ ܦܝܼܫ ܠܹܗ ܝܠܝܼܕܵܐ ܬܵܡܵܐ.
5 ܐܝܼܢܵܐ ܒܘܼܬ ܨܸܗܝܘܿܢ ܒܸܬ ܦܵܐܹܫ ܐܡܝܼܪܵܐ:
”ܐܵܗܵܐ ܘܗ̇ܘ ܦܝܼܫ ܠܹܗ ܝܠܝܼܕܵܐ ܓܵܘܘܼܗ̇.
ܘܗ̇ܘ ܥܸܠܵܝܵܐ ܒܸܬ ܡܲܩܘܹܐ ܠܵܗ̇.“
6 ܡܵܪܝܵܐ ܒܸܬ ܡܵܢܹܐ ܐܝܼܡܲܢ ܕܟܵܬܹܒ݂ ܥܲܡܡܹ̈ܐ:
”ܐܵܗܵܐ ܦܝܼܫ ܠܹܗ ܝܠܝܼܕܵܐ ܬܵܡܵܐ.“
ܣܹܠܵܗ
7 ܙܲܡܵܪܹ̈ܐ ܥܲܡ ܪ̈ܲܩܵܕܹܐ ܐܵܡܪܝܼ:
”ܟܠܵܝܗܝ ܥܲܝܢܵܬܝܼ̈ ܕܡ̈ܝܼܵܐ ܓܵܘܵܟ݂ܝ ܝܼܢܵܐ.“