99
1 ܡܵܪܝܵܐ ܒܸܥܒ݂ܵܕܵܐ ܝܠܹܗ ܡܲܠܟܘܼܬܵܐ، ܪܵܓܕܝܼ ܥܲܡܡܹ̈ܐ،
ܒܸܬܝܵܒ݂ܵܐ ܝܠܹܗ ܒܹܝܠܔ ܟܪ̈ܘܿܒܹܐ، ܪܲܬܪܸܬܵܐ ܐܲܪܥܵܐ.
2 ܡܵܪܝܵܐ ܓܘܼܪܵܐ ܝܠܹܗ ܒܨܸܗܝܘܿܢ،
ܘܪܵܡܵܐ ܥܲܠܔ ܟܠܵܝܗܝ ܥܲܡܡܹ̈ܐ.
3 ܫܲܟܪܝܼ ܠܫܸܡܘܼܟ݂ ܓܘܼܪܵܐ ܘܣܲܗܡܵܢܵܐ،
ܩܲܕܝܼܫܵܐ ܝܠܹܗ ܗ̇ܘ.
4 ܥܘܼܫܢܵܐ ܕܡܲܠܟܵܐ ܟܹܐ ܡܲܚܸܒ ܕܝܼܘܵܢ،
ܐܲܢ݇ܬ ܡܘܼܩܘܹܐ ܠܘܼܟ݂ ܬܪܘܼܨܘܼܬܵܐ،
ܕܝܼܘܵܢ ܘܙܲܕܝܼܩܘܼܬܵܐ ܒܝܲܥܩܘܿܒ݂ ܐܲܢ݇ܬ ܥܒ݂ܝܼܕ ܠܘܼܟ݂.
5 ܡܲܪܡܘܼܢ ܠܡܵܪܝܵܐ ܐܲܠܵܗܲܢ،
ܘܣܓ݂ܘܿܕܘܼܢ ܠܟܘܼܒ݂ܫܵܐ ܕܐܲܩܠܵܬܘܼ̈ܗܝ،
ܩܲܕܝܼܫܵܐ ܝܠܹܗ ܗ̇ܘ.
6 ܡܘܼܫܹܐ ܘܐܲܗܪܘܿܢ ܓܵܘ ܟܵܗܢܘܼ̈ܗܝ،
ܘܫܡܘܼܐܹܝܠܔ ܒܩܵܪ̈ܝܵܢܹܐ ܕܫܸܡܹܗ،
ܟܹܐ ܩܵܪܝܼ ܗܘܵܘ ܠܡܵܪܝܵܐ، ܘܗ̇ܘ ܟܹܐ ܓ̰ܲܘܸܒ ܗܘܵܐ ܠܗܘܿܢ.
7 ܒܣܛܘܼܢܵܐ ܕܥܢܵܢܵܐ ܟܹܐ ܗܲܡܙܸܡ ܗܘܵܐ ܥܲܡܵܝܗܝ،
ܢܛܝܼܪܗܘܿܢ ܣܵܗܕܘܵܬܘܼ̈ܗܝ ܘܩܵܢܘܿܢܵܐ ܕܝܘܼܗܒܹܠܔ ܠܹܗ ܐܸܠܵܝܗܝ.
8 ܝܵܐ ܡܵܪܝܵܐ ܐܲܠܵܗܲܢ، ܐܲܢ݇ܬ ܩܵܡ ܓ̰ܲܘܸܒܸܬ ܠܗܘܿܢ،
ܐܲܠܵܗܵܐ ܫܵܒ݂ܩܵܢܵܐ ܗܘܹܐ ܠܘܼܟ݂ ܐܸܠܵܝܗܝ،
ܘܗܸܫ ܫܵܩܠܵܢܵܐ ܕܬܘܼܥܠܵܐ ܥܲܠܔ ܦܘܼܠܚܵܢܵܝ̈ܗܝ.
9 ܡܲܪܡܘܼܢ ܠܡܵܪܝܵܐ ܐܲܠܵܗܲܢ،
ܘܣܓ݂ܘܿܕܘܼܢ ܠܓܹܒܵܐ ܕܛܘܼܪܵܐ ܕܩܘܼܕܫܹܗ،
ܣܵܒܵܒ ܩܲܕܝܼܫܵܐ ܝܠܹܗ ܡܵܪܝܵܐ ܐܲܠܵܗܲܢ.