10
1 <<Na ɗa ula a uma a na a zuwai ekiye a katagarda ka uzuwakpani ka na a lapai n ka̱ta̱mba̱ri ka, a̱yi Nehemiya gomuna maku ma Hakaliya n Zedekiya,
2 Ula anan ganu a na tankpamu a zuwa ekiye a katakarda ka, ele ɗa Seraya n Azariya n Irimiya,
3 n Pashuru n Amariya n Malikiya,
4 n Hatushi n Shebaniya n Maluki,
5 n Harim n Meremotu n Obodiya,
6 n Daniyan n Gineton n Baruku,
7 n Meshulam n Abija n Mijamin,
8 n Ma'aziya n Biligai n Shemaya.
9 Ula aza e Levi tankpamu ele ɗa, Jesuwa maku ma Azaniya m Binuyi vu kpa'a ku Henadadu, n Kadimiyelu,
10 n aza e le, Shebaniya n Hodiya n Kelita n Pelaya n Hanan,
11 n Mika n Rehobu n Hashabiya,
12 n Zakuru n Sherebiya n Shebaniya,
13 n Hodiya m Bani m Beninu.
14 Na ɗa ula aza e kelime a na a zuwai ekiye e le, ele ɗa, Paroshi n Pahatu-mowabu n Elam n Zatu m Bani,
15 m Buni n Azagada n Bebayi.
16 n Adonija n Bigawai n Adini,
17 n Ateru n Hizekiya n Azuru,
18 n Hodiya n Hashum n Bezayi,
19 n Harifa n Anatotu n Nebayi,
20 n Magapisha n Meshulam n Heziru,
21 n Meshezabelu n Zadoku n Jaduwa,
22 n Pelatiya n Hanan n Anaya,
23 n Hosiya n Hananiya n Hashubu,
24 n Haloshi n Piliha n Shobeku,
25 n Rehum n Hashabana n Maseya,
26 n Ahija n Hanan n Anan,
27 n Maluka n Harim m Ba'anahu.
28 Uma a na a buwai ele ɗa, anan ganu n aza e Levi n aza a̱ kindi ku utsutsu wa̱ A̱'isa̱ a gbayin n aza a ishipa n aza a ulinga wa̱ A̱'isa̱ a Gbayin n aza a na e pecei ka̱ci ke le n uma a iɗika adama a na o tono wila̱ u Ka̱shile. Ele na ra̱ka̱ n a̱ma̱ci e le n muku n le olobo nu nkere, aza a na e kuyeve ili i na i a kudanasa,
29 ɗa a gbaɓai ka̱ci n aza e le n aza e kelime, ɗa a ya'in akucina a danai, ya'an una̱ u wuya u tono tsu ɗa baci tsu kpa̱ɗa̱i kutono wila̱ u Ka̱shila̱, u na e nekei Musa kagbashi ka̱ Ka̱shile. A kucinai a danai, i ta̱ o kutono wila̱ n kadanshi ka̱ ni n ili i kutono i vuzavaguɗu Ka̱shile ka̱ tsu.
30 Ci ya'an ta̱ uzuwakpani tsu danai ci e kuneke nkere n tsu olo uma a iɗika ya ko olobo a̱ tsu a zuwa nkere n uma a iɗika ya ba.
31 Ɗa baci uma a iɗika ya a̱ tuka̱i nu ucanuku u kudenge u le a kanna ka Ashibi ko a kanna ka ciɗa ko yoku, ci a kutsula u ɗa ekiye e le ba, a̱ ka̱ya̱ ke cindere dem ci a kucimba ashina a̱ tsu ba, kpamu ci ta̱ a kucinukpaka yaba dem kutan ku ni.
32 <<Tsu ushuku ta̱ yaba dem vu tsu wi ta̱ e kuneke ngura n tawun ma azurufa a̱ ka̱ya̱ dem adama a ulinga u kpa'a ku Ka̱shile ka̱ tsu,
33 azurufa a nampa adama o boroji vu na a zagbai n kune'en ku kiya ku kanna dem, nu nnama adama a alyuka o kusongu a kanna dem, a lyuka a kanna ka Ashibi n ka̱ɗiva̱ ko wotoi u savu, n ka̱ɗiva̱ ka na a zuwai, n kune'en kakau ku ciɗa n kune'e ka ku takpaka unushi wa aza Isaraila n ku ulinga u kpa'a ku Ka̱shile ka̱ tsu.
34 A̱tsu anan Ganu n aza e Levi n uma a na a buwai ci ta̱ a kuya'an kazagba adama a na tsu ciya̱ makyan a̱ ka̱ya̱ a na kpa'a dem ka̱ kutuka̱ nu nɗanga n na o kusonku alyuka o kusongu a katalikalyuka ka Vuzavaguɗu Ka̱shile ka̱ tsu, tsu na wila̱ wa wi uɗani.
35 Ci ya'an ta̱ kpamu uzuwakpani ci ta̱ e kuneke ili ya ashina a̱ tsu i na i gita̱i ku ge'ewe n umaci wu nɗanga n na n gita̱i ku ge'ewe a̱ ka̱ya̱ dem a kpa'a ku Vuzavaguɗu.
36 Ci ta̱ kpamu a̱ kutuka̱ n muku mu ugiti n tsu nu mi ili i kuzuwa i tsu n ushiga wa anaka nu wu nlala a̱ ubuta̱ u anan ganu aza a na i a kuya'an ulinga a kpa'a ku Ka̱shile ka̱ tsu tsu na wi uɗani.
37 Ci ta̱ a kuzuwa ili i ya ashina a̱ tsu i na i gita̱i ke ge'we a mpon n kpa'a ku Ka̱shile ka̱ tsu. Ci ta̱ a̱ kutuka̱ n anan ganu n kune'e ku kiya ki ishina i na i gita̱i kuge'we n kune'e ku tsu dem n ku umaci wu nɗanga n ku ma̱kya̱n n ku mani'in ma zaitu. Ci ta̱ e kuneke ili i te a̱ ka̱tsuma̱ ka kupa wa aza e Levi aza a na i a ku isasa ili i te a̱ ka̱tsuma̱ kupa a̱ likuci dem.
38 Ganu vu te a̱ ka̱tsuma̱ ka kumaci ku Haruna wi ta̱ a kushamgba n aza e Levi, a makyan ma na i a ki isa kune'en ki ili kashina ya. Ele aza e Levi a i ta̱ a̱ ku uta̱ka̱ feu ili i te a̱ ka̱tsuma̱ ka kupa ka na isai va a banka a mpon n kpa'a ku Ka̱shile ka̱ tsu.
39 Aza a Isaraila n aza e Levi i ta̱ a̱ kutuka̱ n kune'en ku le ki i kashina n ma̱kya̱n n ma'in ma zaitu a mpon. A̱ ubuta̱ u na ucanuku wu ulinga wu ubuta̱ u ciɗa wi. Ɗevu n Ubuta̱ u na anan ganu n aza a kuya'an u linga, n aza a kindi n aza a ishipa i a̱ ida̱shi. Ci a̱ ku ka̱sukpa̱ A̱'isa̱ a gbayin a̱ Ka̱shile ka̱ tsu ba.>>