31
Gwabigwabiyana miisena
10 Wiisuwona gwabigwabiyana dadourina,
na touna parapa gararaba miisena tomogha iiyabo inabanani na.
11 Tomogha wavinena initumaghaneni,
na kate getana awaki inadiyanana.
12 Touna nonowa miisena yaberabera bi geberona moghanena biidi
gabudara tupadi yana yawa kamone.
13 Touna sip ghunighunidi yayouna da bebera yabera bi
yinuwamiise da imanama yabagibagi.
 
19 Bi yana urawa yatumsesera bi yanowa,
da kana gara tounamani yaberabera.
20 Touna imana yatatari moyamoyakidi yiwiitedi
da imana yakoghasi iiyawogha getana awaki gwabidiye na toudi biiyadi.
 
30 Wasike yana bera wiigayagayaye na rubana tomogha iniyabeni,
bi mayiyi kepamarina na geinamake waghatana.
Bi gegha da, wasike iiyabo Yawe God yakabikabikarawayeni na kokabepepi.
31 Bi awaki ibera na kiiravine kana reregha kovereni,
wawaya naghodiye kokabepepi basuna sawara tupadi iberana kiiravine.