8
1 Bilidɑ Suɑɡii u ɡɑri ɡeruɑ u nɛɛ,
2 sere sɑɑ yerɑ̀ kɑɑ ɡɑri sɑɑri nini mɑri.
Wunɛn ɡɑri yi, yi dɑm mɔ nɡe woo bɔkɔ.
3 A tɑmɑɑ Gusunɔ Dɑm kpuroɡii u rɑ ɡem ɡɔsie weesu?
4 A n yɛ̃ mɑ wunɛn bibu bɑ Gusunɔ torɑriwɑ,
yen sɔ̃nɑ u bu ten ɑre wɛ̃.
5 Adɑmɑ wunɛ, ɑ̀ n Gusunɔ Dɑm kpuroɡii kɑsu,
mɑ ɑ win durom bikiɑ,
6 mɑ u ǹ tɑɑrɛ ɡɑɑ wɑ wunɛ sɔɔ,
sɑɑ yerɑ u koo nun nɔɔri,
kpɑ u nun nuku dobu wesiɑ nɡe mɛ wunɛn ɡem mu nɛ.
7 Kpɑ wunɛn tɛ̃n wɑ̃ɑru tu wɛ̃rɑ
tu yelluɡiru kerɑ.
8 Tɛ̃, ɑ bikio be bɑ sun ɡbiiyen mi,
kpɑ ɑ lɑɑkɑri ko ɑ wɑ wɑhɑlɑ ye ben sikɑdobɑ bɑ kuɑ.
9 Bɛsɛ, sɑ sɑ̃ɑwɑ be bɑ mɑrɑ ɡin tee te, sɑ ǹ ɡɑ̃ɑnu yɛ̃.
Bɛsɛn wɑ̃ɑru tɑ sɑ̃ɑwɑ nɡe sɑɑru hɑnduniɑ yeni sɔɔ.
10 Adɑmɑ ɑ de bu nun keu ko.
Kpɑ ɑ swɑɑ dɑki ye bɑ koo nun sɔ̃.
11 Gbĩi yi koo kpi mi dɑɑrɑ kun wɑ̃ɑ?
Nɑɑ yɑri yi koo kpi mi nim sɑri?
12 Yì n nim biɑ, bɑɑ bɑ̀ kun yi bure
yi rɑ ɡberewɑ fuuku n kere yɑkɑ si su tie.
13 Nɡe mɛyɑ be bɑ Gusunɔ duɑri bɑ koo ko,
kpɑ tɔn kɔ̃sobun yĩiyɔbu bu kɑm ko.
14 Ben yĩiyɔbu bu koo nɔru ko,
kpɑ yè sɔɔ bɑ tɑ̃sɑ yu ko nɡe nɑrɑn wɛ̃ɛ.
15 Bɑ̀ n ben dirun ɡɑnɑ nɛnuɑ, yɑ koo diiriwɑ.
Bɑ̀ n ye tɑ̃sɑ, kpɑ yu wɔri.
16 Bɑ ko n sɑ̃ɑwɑ nɡe dɑ̃ɑ beku te tɑ yɔ̃ sɔ̃ɔ sɔɔ,
mɑ ten kɑ̃ɑsi tɛriɑ mi bɑ tu duurɑ.
17 Tɑ rɑ ten ɡbini ɡire kpenun sɔɔwɔ,
kpɑ ɡbini yi, yi bɔsu yi wɑ ye n wɑ̃ɑ mi.
18 Bɑ̀ n tu wukɑ min di,
kpɑ yɑm mi, mu tu siki mu nɛɛ, mu ǹ dɑɑ tu yɛ̃.
19 Kpɑ ɡɑru tu kpi ten ɑyerɔ.
Nɡe mɛyɑ tɔn kɔ̃sobun nuku dobu bu ko n sɑ̃ɑ.
20 Gusunɔ u ku rɑ ɡemɡii biru kisi.
Mɛyɑ u ku rɑ mɑɑ tɔn kɔ̃so somi.
21 U koo de ɑ yɛ̃ɛri,
kpɑ ɑ nuku dobun kuuki ko.
22 Wunɛn yibɛrɛbɑ bɑ koo sekuru wɑ,
kpɑ tɔn kɔ̃sobun yɛnu ɡu ɡbi.
Yoobu u Bilidɑ wisɑ u nɛɛ, Gusunɔ u nùn dɑm kere