Tai Dam Ti‑tô 3

ꞌKhớng chaư ꞌdệt ꞌchu ꞌnéo đi

1 Hảư tơn ꞌpứng ꞌcốn ꞌchưa Chảu ꞌGiê‑ꞌsu hảư sú phép ꞌquiến ꞌpứng phủ téng đa bản#ꞌmướng, hảư ꞌphắng ꞌquám#sau, ꞌkhớng chaư ꞌdệt ꞌchu ꞌnéo#đi. 2 ꞌNhá đảy ꞌvạu uối#phaư, ꞌnhá pên ꞌcốn ꞌmặc ꞌcại#thiêng, hảư ꞌmí chaư quảng sảng ꞌdáo#ꞌtẹ, chaư ón van tó ꞌchu#ꞌcốn.

3 Té cón ꞌháu ꞌcọ pên ꞌnéo#sáu, pên ꞌcốn bảư#ꞌchạ, bók báu#ꞌphắng, thứk ỏn ꞌlứa ꞌdệt ꞌtoi ꞌluống#phít, pên khỏi ꞌluống ꞌtáng chaư ꞌmặc ꞌnéo ỉn ꞌmuôn ꞌchuốn chaư ꞌdệt phít lai#ꞌnéo, kin dú ꞌtoi ꞌluống ác#ꞌhại, pên ꞌcốn nái#ꞌchắng, hơng ken ꞌchắng#căn.

4 Chảu Pua ꞌPhạ pên phủ ꞌchoi hảư ꞌsúm ꞌháu ók khói sia báp ꞌsội#ꞌnặn, hảư ꞌháu hên#ꞌva ꞌTan chảu phớng ꞌdứa ꞌhặc au phủ ꞌcốn ꞌháu#ꞌtẹ, 5 ꞌTan chảu ꞌchoi hảư ꞌsúm ꞌháu ók khói sia báp ꞌsội#ꞌnặn, báu#ꞌmen ꞌdọn ꞌpứng ꞌnéo đi ꞌmí ꞌmen ꞌháu đảy ꞌdệt ꞌmá cá#đaư, ꞌmen ꞌdọn ꞌTan chảu ꞌmí chaư ín đu ꞌhặc au ꞌháu#ꞌló. ꞌTan chảu hảư Chảu Khuôn Saư ꞌlạng suối au ꞌháu hảư ꞌmí chaư#máư, ꞌmá piến chaư hảư ꞌháu pên ꞌcốn#máư. 6 ꞌTan chảu sống Chảu Khuôn Saư ꞌlống ꞌmá sáư ꞌsúm ꞌháu chao ꞌlộn ꞌdọn Chảu ꞌGiê‑ꞌsu ꞌKha‑ꞌlịt phủ ꞌchoi hảư ꞌsúm ꞌháu ók khói sia báp#ꞌsội. 7 ꞌDọn công ꞌphún Chảu Pua ꞌPhạ phớng ꞌdứa hảư ꞌháu#ꞌnặn, chắng ꞌtứ ꞌháu pên ꞌcốn đi ꞌmí#ꞌmen, ꞌháu chắng ꞌcóng thả đảy ꞌchua ꞌlới#ꞌlới. 8 ꞌPứng ꞌquám ꞌvạu ꞌmá ꞌnị ꞌmen ꞌtẹ ꞌchưa#đảy, ꞌpo é hảư ꞌlụk ꞌcứ ꞌvạu nển sáư ꞌpứng nả ꞌviạk#ꞌnị, ꞌpưa hảư ꞌpứng ꞌcốn ꞌchưa Chảu Pua ꞌPhạ ꞌlẹo ꞌnặn sáư chaư ꞌdệt ꞌnéo#đi, ꞌnặn chắng ꞌmen ꞌluống ꞌtáng đi đảy lởi hảư ꞌcốn ꞌtếng#lai.

9 Hảư ꞌlụk ꞌvện sia ꞌnéo bảư ꞌchạ ꞌcại thiêng#căn, ꞌnhá ꞌtứ ꞌviạk ꞌchựa sai té pảu pú ꞌmưa#ꞌláng, ꞌnhá ꞌcại phít ꞌcại ꞌmen căn nẳng ꞌluột ꞌláng Chảu Pua ꞌPhạ bók ꞌvạy#ꞌnặn. ꞌPứng ꞌviạk ꞌnị ꞌcọ báu#đảy lởi kéng báu#ꞌmí ꞌca#săng. 10 Phủ đaư ꞌdệt hảư ꞌpi ꞌnọng păn phái#căn, hảư bók tơn ꞌmắn ꞌhọt song#ꞌtưa, ꞌva báu#ꞌphắng ꞌcọ ꞌnhá pay ha ꞌmá sú#ꞌmắn. 11 ꞌCọ ꞌhụ ꞌcốn ꞌnéo ꞌnặn pên ꞌcốn pỉn sia ꞌluống#ꞌmen, ꞌcốn báp#ꞌsội, ꞌmắn hák ꞌdệt phít sáư ꞌmo ꞌmắn#ꞌló.

12 ꞌChớ đaư ꞌpo sống ꞌtan ꞌA‑tê‑ꞌmạt ꞌhứ#ꞌva ꞌtan Ti‑ꞌkhi‑cô ꞌmá piến ꞌlụk#ꞌlẹo, hảư ꞌlụk au chaư sáư pay ha ꞌpo cá ꞌmướng ꞌNia‑cô‑pô#ꞌnớ, ꞌpo ngắm ꞌchí ꞌmứa ꞌdặng dú nẳng hẳn thả mết ꞌnhám#nao. 13 Au chaư sáư ꞌchoi ꞌtan ꞌSê‑ꞌna phủ pên ꞌsáy bók ꞌluột ꞌláng kéng ꞌtan ꞌA‑pô‑ꞌlô, cuông ꞌchớ sau ók ꞌtáng#pay, hảư ꞌkhớng ꞌchương dú khong kin hảư ꞌtục#ꞌpó. 14 ꞌPứng ꞌpi ꞌnọng ꞌháu phủ ꞌchưa Chảu ꞌGiê‑ꞌsu ꞌchọ ép ꞌhụ sáư chaư ꞌdệt ꞌnéo#đi, ha ꞌchương sủ ꞌvạy ꞌchớ ꞌcặt khó ꞌmá chắng ꞌchí ꞌmí ꞌchoi dưa#căn, báu#pên ꞌcốn dú ꞌlạ kin#đai.

15 ꞌPứng ꞌcốn dú ꞌtoi ꞌpo ꞌnị phaư ꞌcọ phák ꞌquám tham kháo ha ꞌlụk#mết. So phák ꞌquám tham kháo ha ꞌpi ꞌnọng ꞌchưa Chảu ꞌGiê‑ꞌsu phủ ꞌhặc ꞌpéng#ꞌháu.

So Chảu ꞌGiê‑ꞌsu phớng ꞌdứa công ꞌphún hảư ꞌpi ꞌnọng ꞌchu#ꞌcốn.