125
Lua gbɛ̃́ↄ kua aafia
Gɛa Yelusalɛũ lɛ.
Dii náaikɛnaↄ dɛ lán Siↄna gbɛ̀sĩsĩ pↄ́ deea vĩo aↄ ku gↄↄpiiwaɛ.
Lá gbɛ̀sĩsĩↄ liaa Yelusalɛũzi,
màa Dii liaa a gbɛ̃́ↄzi
za gbã e gↄↄpii.
Gbɛ̃vãiↄ e wàↄ kible gbɛ̃maaↄ bùsuwa aaↄ gɛo,
kɛ́ gbɛ̃maaↄ su ↄda vãikɛauo yã́i.
Dii, maakɛ gbɛ̃maaↄnɛ,
gbɛ̃́ pↄ́ an nↄ̀sɛ puaↄ.
Gbɛ̃́ pↄ́ aa tɛ zɛ́ koleaiↄ sↄ̃,
Dii a ń waa ń vãikɛnaↄɛ.
 
Lua Isailiↄ gba aafia!