14
Mìsaide yã'oa
(Soũ 53)
Davidi lɛ.
Mìsaideↄ ì o ń sↄ̃ guu Lua kuo.
Aa ↄ̃̀ↄkpà, an yãkɛa vãi,
yãmaakɛna kú ń guuo.
Za musu Dii ì wɛ́tɛ gbɛ̃nazĩnaↄzi,
ì gwa tó gbɛ̃e ↄ̃nↄ kà a kĩ́i wɛɛlɛa.
Aa sã̀sã píi, aa gↄ̃̀ dↄ̀ↄsai míↄmiↄ,
yãmaakɛna kuo, baa do.*
 
Vãikɛna wɛ́ lí gu'eo lé?
Aaì ma gbɛ̃́ↄ mↄ́mↄ lán úwa,
aali lɛzu Diizio.
 
Gwa, vĩa a ń kṹ we maamaa,
asa Lua a zɛ ń gbɛ̃maaↄ.
Vãikɛna ì kpa taasideɛ a pↄeãu,
kási sↄ̃ Dii mɛ́ taaside ulɛkĩi ũ.
 
Lua, bↄ Siↄna mↄ ǹ Isailiↄ bↄ!
Tó Dii sù ń a gbɛ̃́ↄ ń pá ziu,
Yakↄbu buiↄ pↄnakɛ,
Isailiↄ yáalↄ.
* 14:3 Lom 3.10-12