Bibeli Luayãtaalá Soũↄ 47

47

Lua mɛ́ dṹnia gbɛ̃́pii kía ũ

1 Kole buiↄ lɛ.

2 Bui píi, à ↄtaalɛ,

à kúkuakɛ Luaɛ ń gulao.

3 Asa Dii Musude kà wàↄ aà vĩa vĩ,

dṹnia gbɛ̃́pii Kía zↄ̃ↄn aà ũ.

4 A tò wa zĩblè buiↄwa,

a tò wa ↄ̃zↄ̃̀ gbɛ̃́piↄwa.

5 À kpaalɛsɛ̀wɛ̃ɛ,

wápiↄ aà yenzide Yakↄbu buiↄ ĩ́andãbↄ ũ.

6 Lua fɛ̀lɛ, wàlɛ gulakɛ,

Dii zɛa, wàlɛ kã̀aepɛ.

7 À lɛsi Luaɛ, à lɛsiɛ̀,

à lɛsi wá Kíaɛ, à lɛsiɛ̀.

8 Asa dṹnia píi Kían aà ũ.

À lɛsiɛ̀ ń dↄ̃ao.

9 Lua lɛ́ kible bui píiwa,

a zↄ̃lɛa a báa pↄ́ a kua adoawa.

10 Bui píi kpalablenaↄ lɛ́ kãaa

ń gbɛ̃́ pↄ́ dɛ Ablahaũ Lua gbɛ̃́ↄ ũↄ,

asa dṹnia kíaↄá Lua pↄ́ɛ.

A dɛńla píi.