5
Wabi kↄↄ kɛa
Davidi lɛ. Wì sí ń kulɛpɛaoɛ.
Swã́kpa ma yã́i Dii,
laaidↄ ma yãwaaipaawa.
Ma Kía, málɛ wiilɛma,
ma Lua, málɛ wabikɛma.
Dii, ni ma yãma gufɛ̃nɛ,
mi a yã́ↄ dↄdↄnɛ kↄↄ,
ma wɛ́ iↄ dↄnzi.
 
Luan n ũ, ń ye vãizio,
nili gbɛ̃vãi dilɛo.
Zĩakãfĩna lí e zɛ̀ n aɛo,
ń za vãikɛnaↄgu píiɛ.
Dii, ni ɛɛdeↄ midɛ,
ń ye gbɛ̃dɛnaↄ ń gbɛ̃blenaↄ gĩyãio.
 
Mapi má gɛ̃ n ua n gbɛ̃kɛ zↄ̃ↄ yã́i,
má kúlɛ n kpɛɛlɛ mà misiilɛnɛ.
Dii, dↄaamɛɛ n náai yã́i,
zɛpoomɛɛ ma dã̀dãnaↄ yã́i.
10 Asa an yãe náai vĩo,
aaì lɛnakasa gbɛ̃́ↄnɛ.
An nↄ̀sɛ dɛ lán kaadↄɛmbɛwaɛ,
gbɛ̃́ ↄ̃̀ↄkpaa yã́ kↄ̃̀ ń sↄ̃u.*
11 To yã́ zↄ̃lɛmá Lua,
to aa ↄzu ńzĩa wɛ́u.
Ǹ ń yá n aɛ an tàae dasiↄ yã́i,
asa aa gì n yãmaiɛ.
 
12 To gbɛ̃́ pↄ́ nà n kpɛↄ yáalↄ,
aaiↄ wiilɛ ń pↄnao gↄↄpii.
Ɔku gbɛ̃́ pↄ́ yenziↄla,
aai vĩ aaↄ kɛ̃aa n yã́ musu.
13 Dii, ni báaada gbɛ̃maaↄgu,
n yeańzi ì kàedańzi.
* 5:10 Lom 3.13