25
Lɛ̀sinaↄ
Davidi ń Isaili kíaↄ mɛ́ Asafa nɛgↄ̃ɛↄ ń Emani nɛgↄ̃ɛↄ ń Yedutu nɛgↄ̃ɛↄ dìlɛ ń zɛ́i aa ãnabikɛkɛ ń mↄↄnaↄ ń domaↄ ń sɛ̃́sɛ̃naↄ. Zĩpikɛnaↄ tↄ́n kɛ:
Asafa nɛgↄ̃ɛↄ tↄ́n kɛ: Zakuu, Yosɛfu, Nɛtania ń Asalɛlao. Asafa mɛ́ aↄ wɛ́tɛ a nɛ́piↄzi, kía sↄ̃ iↄ wɛ́tɛ ń ãnabikɛkɛai.
Yedutu nɛgↄ̃ɛↄ sooloɛ: Gedalia, Zeli, Yesaia, Simɛi, Asabia ń Matitiao. An mae Yedutu mɛ́ ìↄ wɛ́tɛńzi, ↄ̃ ìↄ ãnabikɛkɛ ń mↄↄnlɛao, ìↄ Dii sáau kpa àↄ aà táasilɛò.
Emani nɛgↄ̃ɛↄ tↄ́n kɛ: Bukia, Matania, Uziɛli, Sebuɛli, Yelemↄ, Anania, Anani, Ɛliata, Gidaleti, Lomantiɛzɛɛ, Maloti, Yↄsebekasa, Otii ń Maazioo. Gbɛ̃́piↄá kí gu'ena Emani nɛgↄ̃ɛↄnɛ ḿpii. Lua lɛgbɛ̃̀ɛ̀ à mɛ̀ á aà gba gbãa, ↄ̃ à aà gbà nɛgↄ̃ɛↄ gɛ̃o mɛ̀ndosai ń nɛnↄɛↄ lↄ àaↄ̃. Gbɛ̃́piↄ ìↄ lɛsi Dii ua ń sɛ̃́sɛ̃naↄ ń domaↄ ń mↄↄnaↄ ḿpiiɛ. An maeↄ Asafa ń Yedutuo ń Emanio mɛ́ aaìↄ wɛ́tɛńzi Lua ua zĩpi guu. Kí sↄ̃ ìↄ wɛ́tɛ ń maepiↄzi. Ampiↄ ń ń gbɛ̃́ pↄ́ aa lɛsia Diiɛ dàda aa dↄ̃ↄ, ampii gbɛ̃ↄn ↄ̀aa do ń basiiↄ̃kwi plasaioɛ (288). Wà likpà lá aali kↄ̃ gba zɛ́ zĩpi yã́ musuɛ, nɛ́fɛ̃nɛn gbɛ̃zↄ̃ↄ, yãdanɛdeↄ ń yãdadanaↄ píi. Wà gbɛ̃́piↄ sɛ̀ baade ń a nɛgↄ̃ɛↄ ń a dãunaↄ gbɛ̃ↄn kuɛplaplaɛ:
A sɛ̃́ia Asafa nɛ́ Yosɛfu,
a plaade Gedalia,
10 a àaↄ̃de Zakuu,
11 a síiↄ̃de Zeli,
12 a sↄode Nɛtania,
13 a soolode Bukia,
14 a soplade Yesalela,
15 a swaaↄ̃de Yesaia,
16 a kɛ̃okwide Matania,
17 a kwide Simɛi,
18 a kuɛdode Azalɛli,
19 a kuɛplade Asabia,
20 a kuɛ'aaↄ̃de Sebuɛli,
21 a gɛ̃o mɛ̀ndosaide Matitia,
22 a gɛ̃ode Yelimↄ,
23 a gɛ̃o ń mɛ̀ndoode Anania,
24 a gɛ̃o ń plaode Yↄsebekasa,
25 a bao plasaide Anani,
26 a bao mɛ̀ndosaide Maloti,
27 a baode Ɛliata,
28 a bao ń mɛ̀ndoode Otii,
29 a bao ń plaode Gidaleti,
30 a bao ń àaↄ̃ode Maazio,
31 a baasↄo mɛ̀ndosaide Lomantiɛzɛɛ.