127
Néijmiꞌi pu ɨ Tavástaraꞌ jitze tyejeꞌrámaꞌcan
Cuíinarij ɨ maj jɨn huatyáajuꞌun, Salomón tɨ jaꞌaꞌrij
1 Tɨpuaꞌaj ɨ Tavástaraꞌ quee jaꞌajtaahuaj ɨ chiꞌij,
capu tyiꞌtɨ́j jeꞌej tyíꞌhuɨɨreꞌ tɨpuaꞌaj metyíꞌmuarɨeꞌej ɨ chiꞌij maj tyíꞌtaꞌhuacaa,
tɨpuaꞌaj ɨ Tavástaraꞌ quee jachaꞌɨɨj ɨ chájtaꞌnaj,
capu tyiꞌtɨ́j jeꞌej tyíꞌhuɨɨreꞌ maj ixɨeꞌriaꞌaj ɨ maj tyíꞌchaꞌɨj.
2 Capu tyiꞌtɨ́j jeꞌej tyíꞌhuɨɨreꞌ maj tyíꞌmuarɨeꞌej tɨꞌɨj naꞌaj tyeꞌréꞌnyej ɨ xɨcáj ꞌasta naꞌaj quee ujaꞌancájrutyej,
majta jeꞌen tyúꞌcuaꞌnyij aꞌɨ́jcɨ jɨmeꞌ maj caꞌnyíin jɨn tyuꞌmuárɨej,
tɨꞌɨj ɨ Dios tyihuaꞌtáꞌcaa ɨ maj jimi tyámuaꞌ een matɨꞌɨj aꞌɨ́ɨmaj móoj tyácuꞌtzij.
3 Aꞌɨ́ɨmaj ɨ tayójmuaꞌ maj nanɨeꞌhuacaa
aꞌɨ́ɨ mu aꞌɨ́ɨn puéꞌeen ɨ Tavástaraꞌ tɨ jɨn tyámuaꞌ tyitaatyátoosij.
4 Aꞌɨ́ɨmaj ɨ tayójmuaꞌ maj nanɨeꞌhuan tyatɨꞌɨj tyooj tyáamua
aꞌyaa mu een tɨꞌɨj ɨ ɨꞌrɨ́j muácaꞌraꞌan jitze aꞌɨ́jcɨ ɨ tɨ nyoꞌsii.
5 ¡Cheꞌ huatóotyamuaꞌveꞌen aꞌɨ́jna ɨ tyáatɨꞌ tɨ jéehua aꞌyan ényaꞌcan tyiyójmuaꞌ!
Capu tyéviꞌsiꞌ huataséjreꞌej aꞌɨ́ɨjma jimi ɨ maj jájchaꞌɨɨreꞌ
tɨꞌɨj aꞌɨ́ɨjma jɨn huatyóohuɨɨreꞌen aꞌɨ́ɨjma jimi ɨ maj tyityatatyíj.