12
Israel kuery oguerupa jevy rã oporaei okuapy aguã re ijayvuague
1 Ha'e va'e ára ma aipopeje 'rã: “ Senhor, xee rogueroporaei, mba'eta xevy ndepoxy va'ekue ri aỹ oaxapa ma ndepoxyague. Ha'e gui aỹ ma xembovy'a ju ma.
2 Nhanderuete ma xereraa jepea oiko. Hexe ajerovia 'rã akyje e'ỹ re, mba'eta Senhor Nhanderuete xemombaraetea ha'e aroporaei va'e. Ha'e gui aỹ ma xereraa jepea ju oiko.
3 Peju nhandereraa jepea re javy'a, yvu gui yy porã nhanoẽ vy javy'aa rami avi”, peje 'rã.
4 Ha'e va'e ára aipo pejeve ju 'rã: “Peroporaei ke Senhor! Pejapukai hery rupi, ha'e javi regua pe peikuaa uka hembiapokue. Hery yvate ete ramo penhogueroma'endu'a.
5 Peroporaei ke Senhor, mba'emo porã ete ojapo rire. Yvy jave rupi toikuaapa ha'e nunga!
6 Ha'e peẽ Sião pygua kuery voi pevy'a peporaei reve, mba'eta Israel kuery ruete iky'a e'ỹ va'e penembyte oĩ va'e yvate ete ramo”, peje.