Psalm 54
54
Hay Dasal David Ta Wan Mibaliw Hinadan Mi'buhul I Hiya.
1 Innila' Apu Dios an ongal di abalinam ot daan mo bahan ta ihwanga' i he"a.
2 Ya daan mo bahan ta donglom tun dasal'u.
3 Te den mangalida nadan mun'abubungot an tatagun naminhod an mamaten ha"on an dida nadan adi mangibilang i he"an Dios.
4 Mu he''a Apu Dios di nahamad hi bumoddang ya mangibaliw i ha''on.
5 Ot iyukod'un he''a nadan mi'buhul i ha''on ta diday a'atan hanadan adi maphod an ninomnomdan aton.
Ot gapu ta he"an Dios han mabalin an pundinolan ya he"ay pangidinola' ta he"ay ukod an manadag i dida.
6 Ya munhanaa' i he"a te maphod di a'atmu.
Ot mun'am'amlonga' an mangidawat hinadan i'nong'un he''a.
7 Te binoddangana' hinadan punligata' ya tinigo' di na'abakan nadan mi'buhul i ha"on.