70
Egvu, Dévidi deru nụ onye ishi egvu gude nyataru Ojejoje iphe
1 Dzọnua mu;
nggụbe Nchileke.
Byanụ ẹgwegwa;
bya eyeru mu ẹka;
nggụbe Ojejoje!
2 T'e mekwaru iphe-iphere;
kpua ndu achọ ishi mu;
mekwaaphu t'ẹphe ghahụ beringu.
T'ẹka gwọkwaa ndu
achị mu nụ ẹji; mbụ ndu,
iphe byaru mu nụ atsọ ẹna.
3 T'e mekwaru iphe-iphere
kpua ndu azụru mu ukwe;
t'ẹhu daa ẹphe kọo.
4 T'iphe bụ ndu achọ ngu nụ;
bụkwaru ndu ẹhu a-tsọ ẹna;
ẹphe anọdu ngu l'ẹka ete ẹswa.
Tẹ ndu ẹhu atsọ ẹna l'ị
dzọfutaru ẹphe kfujekwa
tekenteke; sụ:
“T'a tụa ọnu Nchileke l'ọ ha nshinu-o!”
5 Obenu lẹ mbẹdua bụ onye ụkpa;
l'aka ẹka ịkarikari.
Byanụ ẹgwegwa;
nggụbe Nchileke.
Ọ bụ nggu bụ onye eyejeru
mu ẹka; bụru nggu;
bẹ adzọje mu nụ.
Nggụbe Ojejoje;
ba akpọkwa ụkfu abyabya!