129
Israel sêôc gêŋwapac ma Apômtau gêjam êsêac sa
Israel embe êsôm nê biŋ teŋ, oc êsôm, nê biŋ tonec lasê gebe
“Aê ŋapalêgeŋ ma sêlêsu aê ŋasec.
Biŋŋanô, aê ŋapalêgeŋ ma sêlêsu aê ŋasec,
mago sêkôniŋ aê tôŋ atom.
Lau sakweŋtêna sêsêlê aê dêmôêctêkwa
e popoc jamuŋ-jamuŋgeŋ,
mago ŋac gêdêŋ Apômtau gêdim lakô,
taŋ lau sec sêwa su naŋ gêŋgic.”
 
Lau samob, taŋ têtac kêbôli auc kêtu Sionŋa naŋ,
sênu tauŋ su tomajeŋgeŋ.
Oc têtôm gêgwaŋ, taŋ kêkô salôm eŋ, ŋaô naŋ,
êtu kapôêŋ atom tageŋ ma êmêliŋ sebeŋ.
Ŋanô masi, tec ŋac teŋ ejoŋ sa atom
ma teŋ ênac lagic gêŋ tau atomanô.
Ma ŋac teŋ, taŋ êsa intêna tonaŋ mêŋêlic gêŋ tau naŋ, oc êmôêc gebe “Apômtaunê moasiŋ êpi amac.
Aêac ajam mec amac ajam Apômtau laŋô” nec atom.