47
Anôtô kêtu lau nomŋa samob nêŋ kiŋ
1 O tenteŋlatuac, amakop lemem,
anam lasê Anôtô toôndugeŋ.
2 Lôlôc Ŋatau Anôtô eŋ ŋacsiŋsêlêcsêga,
kiŋ ŋaclai tec gêjam gôliŋ nom samucgeŋ.
3 Eŋ kêkôniŋ tenteŋlatu tôŋ sêsô aêac ŋalabu.
Ma kêkêŋ aêac tajam gôliŋ lau to-m-to-m.
4 Eŋ kêjaliŋ aêacnêŋ nomlênsêm sa,
Jakob, taŋ eŋ têtac gêwiŋ naŋ, nê gêŋ towae.
5 Anôtô kêpi gêja toôndugeŋ.
Dauc gêwê Apômtau toaligeŋ kêpi gêja.
6 Awem êôc Anôtô, awem êôcmaŋ.
Awêm êôc aêacnêŋ kiŋ, awem êôcmaŋ.
7 Gebe Anôtô kêtu nom samucgeŋ ŋakiŋ
Amboac tonaŋ anam ênê wê totalô ŋajam teŋ.
8 Anôtô kêtu lau samuc nêŋ kiŋ.
Anôtô kêpôŋ tau sic gêŋgôŋ nê lêpôŋ dabuŋ.
9 Tenteŋlatunêŋ kasêga sêkac tauŋ sa
kêtôm Abrahamnê Anôtô nê lau,
gebe nom tau ŋagôliŋwaga sêsô Anôtô ŋalabu,
gebe eŋ kêtu ŋatau towaegac.